TVB视帝十大热门候选人！黑仔、马明今次有冇机？

青黄不接？后继有人！

无线电视TVB，喺香港有漫长嘅历史，由来1967年启播至今，已经有成五十几年喇！人生，有几多五十年？TVB陪伴香港人成长，一代又一代嘅香港人都系日日睇住TVB，由儿童节目开始到深夜节目，成为咗香港老少最佳嘅免费娱乐。其中，入面好多TVB培训出嚟嘅演员，都深得香港人喜爱，出过无数而家红遍亚洲嘅天皇巨星。好似周星驰、刘德华、梁朝伟等等，真系无人唔识。2019年TVB就要颁发影帝嘅最高殊荣，今日DailyView就同你细数十大网民热议嘅候选视帝喇！

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

10 刘丹（129笔）

——TVB长青树

刘丹，丹爷，喺香港嘅演艺圈子入面，可谓无人不知，无人不晓。刘丹资深的演技、演出经验，由老一辈到而家嘅后生仔，边个会话无见过佢喺电视萤幕嘅演出？或者系咁，先至咁多赞佢演技出色。由喺昔日做《真情》入面嘅烧腊店店主「叉烧炳」，到今日《爱回家之开心速递》入面嘅根叔，每次都广受观众喜爱。你又知唔知佢做过《射雕英雄传》四个版本嘅洪七公？刘丹实力非凡，令人肯定，多年来演活咗咁多唔同嘅角色，绝对有实力攞今次嘅TVB视帝！

image source:

9 萧正楠（167笔）

——「雪雪雪」

萧正楠由最初演出《恋爱自由式》嘅男主角，后生靓仔，即时吸引咗好多女性Fans。之后《六楼后座》又荣获第23届《香港电影金像奖》提名「香港电影金像奖最佳新演员」，2011年中国内地剧《怪侠一枝梅》饰演反派角色「应无求」，好受中国观众喜爱，返TVB发展至今又攞咗好多个唔同嘅奖项，咁多肯定，力证佢嘅演技出色。2019年TVB都市传说之单元电视剧《十二传说》，萧正楠担正男主角，佢喺剧入面做记者傅子博，演出精彩，深受香港人欢迎，唔知视帝系咪佢呢？

image source:

8 张振朗（199笔）

——翻版黄宗泽

张振朗2011年起加入TVB，同年已经凭《法网狙击》中蔡震烈，同埋喺《心路GPS》演陈敏聪而为人熟悉。直到2013年，张振朗喺《师父·明白了》饰演书生白鹤懿一角，被刺死嘅一幕演技出色，令观众印象深刻，即时多咗好多Fans。之后佢喺TVB嘅演出愈嚟愈多，尤其系《爱·回家2》做第一男主角，更加喺香港人都大赞嘅角色。2019年，张振朗喺《坚离地爱坚离地》做男主角，时装爱情科幻喜剧电视剧令人耳目一新，唔少人都话张振朗有机会攞到视帝，唔再系黑仔王。

image source:

7 曹永廉（215笔）

——「御用罪犯」

唔好睇曹永廉为人乐观，喺娱乐圈深得身边嘅朋友喜爱，好似未遇过咩困难咁。其实曹永廉早年事业发展并唔顺利，甚至有谂过自我了结，后嚟因为演出嘅剧集受欢迎，加埋好多人支持佢，先令佢走出人生低谷。走出人生低谷，谷底反弹，随时展开人生新嘅一页，迈向光辉嘅未来。之后佢喺《双面伊人》饰演反派「方德信」、《妙手仁心II》「向众仁」、《法证先锋》「沈雄」等，都做得好，深受港人欢迎。2019年，佢一共演出咗三套剧集，部部精彩，佢会唔会杀出重围呢？

image source:

6 王浩信（284笔）

——「除衫王」

王浩信，型男，佢嘅演技其实早就得到大家认同。佢喺2017年斩获多个奖项，网络至强人气视帝，无线颁奖礼我最喜爱TVB男主角、马来西亚星光荟萃颁奖典礼我最喜爱TVB男角色，同万千星辉颁奖典礼最佳男主角宝座，即系佢喺新加坡、马来西亚同香港，都做过视帝！而喺2019年播出嘅新剧《解决师》，呢部时装、警匪、悬疑、犯罪嘅电视剧集，佢男主角嘅演出亦都相当出色。呢次，仲要系佢首次挑战武打动作，话自己日日都同人打交。型男打交，新突破会否又有新得著？

image source:

5 郭晋安（393笔）

——唔止阿旺

郭晋安，喺香港人都知道佢嘅演技有几出色。2002年年尾，郭晋安喺《戆夫成龙》入面演出智能有障碍嘅「阿旺」一角，咁高难度嘅挑战偏偏俾佢演得入形入格，自然成为大热门成功攞咗视帝喇！2005年，佢又再喺《阿旺新传》入面饰演现代版「阿旺」一角，结果再次因为呢个角色，又攞到视帝。2014年《忠奸人》嘅高哲行，再再再攞到视帝。一次可能系好运，三次绝对系实力证明。2019年，佢喺《白色强人》嘅演出，观众一致力赞，难怪佢会喺网民五大热门嘅视帝之一。

image source:

4 袁伟豪（403笔）

——再接再励

近年TVB最爱小生袁伟豪，2007年参加香港先生取得冠军，型到出汁嘅外形，深受女性Fans钟爱。袁伟豪唔止得外形，亦都好有演技，佢嘅演出愈嚟愈出色，令到唔少人都关注佢嘅表现。同时间，佢都开始攞到唔少提名，2016年仲得到奖项「最受欢迎电视男角色」咁。2018年，袁伟豪喺剧集《栋仁的时光》嘅演出，获颁发「马来西亚最喜爱TVB男主角」、「新加坡最喜爱TVB男主角」两个奖项。2019年，拍摄无线新剧《铁探》，饰演患有创伤后遗症嘅警察，深入民心！

image source:

3 陈山聪（628笔）

——事业高峰

陈山聪最初系以唱歌出道，喺歌唱比赛入面深得当时系评审嘅刘德华欣赏。不过可惜后尾遇上1997年嘅金融风暴，令佢发展受挫。之䈗佢入返TVB，经过多年做配角，终于有高层赏识。陈山聪慢慢拍咗好多剧集，好似《张保仔》、《刀下留人》咁，每次演出都令观众有好感。2019年，佢首次喺热播嘅剧集《金宵大厦》做男主角，TVB小生陈山聪表现得出色，呢部剧令佢知名度持续上升，可以话喺佢近年嘅事业高峰。正因为咁，好多人都睇好佢有机会攞视帝，去到顶点。

image source:

2 马国明（679笔）

——努力工作

马国明，网民最爱，不过亦都俾网民话佢系TVB备胎王。点解呢？皆因佢次次都大热，但次次都只系攞到其他奖。2018年攞唔到视帝个样，个反应，仲要俾网民话佢真情流露，认真可惜。之后呢一年，马明又卷入「安心事件」，呢位受害者好大方，无讲咩嘢，只系话会努力工作。佢咁惨，紧系又令一众深受佢嘅Fans等佢唔抵喇。而喺今年，佢努力默默工作，系有好嘅回应，《白色强人》入面，马明嘅演出相当突出。好多网民都想佢攞到视帝，难怪系大热门。唔知结果又系点呢？

image source:

1 姜皓文（781笔）

——影帝级数

姜皓文，花名黑仔，佢多年演出经验，锻炼出佢出色嘅演技。电影《夺命金》、《树大招风》、《拆弹专家》、《大乐师·为爱配乐》同《翠丝》，广为人知，佢喺入面精彩嘅表现，更得到多次提名。当中，《拆弹专家》取得第1届MOVIE6全民票选电影大奖同第37届香港电影金像奖最佳男配角殊荣；《翠丝》获得第2届MOVIE6全民票选电影大奖最佳男主角。2019年，姜皓文TVB剧《铁探》播出，大批网民狂赞佢做得好，话直头系今年视帝最大嘅热门人选，影帝之外再做视帝。