1. 大阪-->京都
2. 京都车站
3. 伏见稻荷大社
4. 三条 - 京林屋
5. 酒店自助Check in + Review - Guest House Sunrich Kyoto Station 

1. 大阪-->京都
系大阪酒店Check Out之后，连早餐都无食到，立即拎埋啲行李...好似走难噤款上京都
首先系天满桥先坐谷町线到东梅田，再行过去大阪站，系大阪再坐JR去京都，其实大阪去京都如果坐新干线15-20分钟已经可以去到，不过实在太贵了，答JR会化算啲..

我地呢啲大乡李都唔知到新快速系快过快速几多，所以见车就上，之后上左架无噤快既快速XDDD

要成粒钟先到，但系车上睇下风景玩下手几执下相呃下Like..好快就到...其实去旅行真系好支力XDDD

成功走难到京都~~~京都啲环境好正，周围啲屋同卡通片入面啲差唔多~~

2. 京都车站

京都车站其实都好大，站外面有女仔著住和服行街，呢样系大阪已经少d见....

我地去果啲案内所问下有无啲寄放行李既地方~~(以上呢个牌，请找亮点！XDDD日本人啲英文真系....XDD)
话说寄放行李呢啲Service都几Full下！另一间已经Full左，如果寄放唔到我地就真系边到都去唔到T___T....最后好在都有位，最迟8pm反黎拎就可以~~~

京都地标 - Kyoto Tower~~~

我地系京都站，求其揾左个地方豪食一番，因为太饿喇..XDDD

开始我地第一个行程~~伏见稻荷大社...搭上JR奈良线，系东福寺转车~~

3. 伏见稻荷大社

到左伏见喇～我顶！会唔会太多人呀！

不过其实我都有心理准备，朋友同我讲呢到系好多人...但点都要潮圣下呢个伏见稻荷大社，人数同mk有得挥........

伏见稻荷大社是一位于日本京都市伏见区内的神社，是遍及日本全国各地约四万多所的稻荷神社之总本社，以境内所拥有的「千本鸟居」闻名。
(唔该晒维基大师 (资料来源:Wikipedia))

哮天犬乎～??

有眼睇喇，好多人！好在无系到租和服~~

都好多人系到饮水同祈福...好传统地摇两下，之后拍两下手，再鞠个躬...
"er....我唔使喇，我全家都好幸福^_^"

伏见稻荷大社出名在啲咩呢，就系红色一个个呢啲~~~你又唔好以为好少人！其实我又系等左好耐先影到一张无人既相，
有啲茂利总系会系你噤制果下行埋黎，虽然系无心，但影果个会好激气.....十几张先有一张系无人！

我Hi!!!真系激死！我影外面好过~!

喂好靓呀！红叶开左喇～

其实我开头以为好快行晒呢个神社，点知跟住啲人龙越行越上.....其实同行山无分别

行到面青青x__x....又唔够训

我地连行到边都唔知，只系跟住啲人一直行...最后系"现在地"果个红点到走头，其实Suppose越上风景越靓同人越少，不过我地无的是时间同体力...所以到此一游算，再上我怕天黑都落唔反山！

好多人都写呢啲挂系到~~白色果只就听闻系啲人求到下签既话就要绑反系到~~....

出左神社第一件事就系要食绿茶雪糕，京都最出名既就系绿茶～食都食唔切....

走果时都差不多四五点了~~

4. 三条 - 京林屋

河原町/三条.......见到佢地一堆堆坐系到，有啲羡慕，如果放左工能够同一班朋友坐系河边饮杯野，吹吹水，都几写意......
香港......应该一早.........唔好提了.....

京林屋潮圣~~~中村啲fd

叫左三个两个人Share...全部都系绿茶,绿茶同绿茶.....

谂住去食京都好出名既洋食屋蛋包饭...点知原来要预约=___=即日预约都Full晒..所以如果有心去，最好预早N日Book定先!!!

以下系网上流传洋食屋既蛋包饭...我就系睇左呢条片之效就好想食
片源：https://www.youtube.com/watch?v=dQNtz9FeZgA

之后我地行到好L远=__=...但我地八点要反去京都站拎反啲行李...人地话去日本千其唔好搭的士，出名贵...但迫于无奈..我地真喺无时间..如果佢真系八点正关门，我地啲行李就要过夜T_T
最后好在都赶到，差不多系最后果个去拎...

5. 酒店自助Check in + Review
>>Sunrich Kyoto Station - Hotels Combined<<
呢间酒店，其实都唔叫酒店...叫度假屋喇...呢间度假屋有排介绍，如果对比起大阪果间房仔，呢间简直系豪宅....距离京都站大概行8分钟到，不过如果夜晚要揾路就比较难，因为好多巷仔要转黎转去，如果系一个女仔更加要小心~~

怪就怪在我地系到住左三日，一个职员都见唔到，连Check in都系自己黎...当收到Email Confirm Booking既时候，佢会比个密码你开呢个有自己名既信箱，信箱入面有条门匙同有份Contract要你签...类似系啲入住守则既东东....

一入到去，简直系天堂...好大间，比套房还要大....所有野都好齐，而且有晒基本家电，雪柜，煮食炉，微波炉，洗衣机同电脑都有...系无电视XD

客厅都好大～

训觉既地方系楼上～要爬梯.....我地今次Book呢个其实可以入住三个人客...好岩一家大细~~

你点都估唔到个电视系系浴缸果到既呢XDDD

拍左条片比屋企人睇我地间"豪宅"XDD
其实Book呢间我有少少失策XDD 一黎可以住三个人已经Book错左XD 二黎计反条数好似比我预算贵左少少...不过算喇，日本啲酒店好贵，而且好爆，book到近京都车站既经好好～
听日会去祇园果到租和服著～又系要踩成日.....

待续...Thanks for Reading