534【閩南語歌歌詞】正字歌詞附註音--第534組
分組曲目:
5331/《火燒紙》淡江大學108級畢業歌曲陳宇燊
5332/《男人KTV》黃文星
5333/《命中註定你一個》陳怡婷
5334/《歡喜舞伴》陳怡婷
5335/《北漂》李明洋
5336/《毋通怪我無情》楊欣樺
5337/《天光》陳祈信
5338/《冷血》張燕清
5339/《斷魂淚》張燕清
5340/《神仙人》張燕清
總曲目I (#1~1310)請見→https://zhuanlan.zhihu.com/p/31917487
+總曲目II (#1311~2300)→https://zhuanlan.zhihu.com/p/34725250
+總曲目III (#2301~3360)→https://zhuanlan.zhihu.com/p/39521711
+總曲目IV (#3361~)→https://zhuanlan.zhihu.com/p/51285779
---
5331/《火燒紙》Hué Sio Tsuá
淡江大學108級畢業歌曲Tām-kang Tāi-ha?k 108-kip Pit-gia?p Kua-khik
陳宇燊Tan ú-sin
------------------------------------------
對夢中驚醒的彼暝
tuì bāng-tiong kiann tshénn ê hit m?
無聲無影跡的包圍
b?-siann b?-iánn-tsiah ê pau-u?
身軀的字
sin-khu ê jī
對佗講起
tuì toh kóng-khí
慢慢剝落
bān-bān pak-lo?h
敢若繁星
kánn-ná huan-tshinn
閃爍的火光
siám-siok ê hué-kng
照著是誰的形影
tsiò tio?h sī siáng ê h?ng-iánn
莫講這是我的命
mài-kóng tse sī guá ê miā
就算講煙衝袂散
tiō-s?g-kóng ian tshìng bē suànn
我若欲喝
guá nā beh huah
就喝上大聲
tiō huah siōng tuā-siann
閣有嶺欲繼續盤
koh ū niá beh kè-sio?k puann
故事敢有人聽
kòo-sū kám ū-lang thiann
燒去的號做年華
sio--khì ê hō-tsò lian-hua
我選的路
guá suán ê lōo
我就家己行
guá tiō ka-kī kiann
騙人的戲
phiàn--lang ê hì
我袂閣搬
guá bē koh puann
誰的面容敢是責任
siáng ê bīn-i?ng kám-sī tsik-jīm
自由佮孤單咧僵持
tsū-i? kah koo-tuann leh kiong-tsh?
這個色緻敢有較媠
tsit ê sik-tī kám ū khah suí
慢慢變形
bān-bān piàn-h?ng
是誰歡喜
sī siáng huann-hí
閃爍的火光
siám-siok ê hué-kng
照著是誰的形影
tsiò tio?h sī siáng ê h?ng-iánn
莫講這是我的命
mài-kóng tse sī guá ê miā
就算講煙衝袂散
tiō-s?g-kóng ian tshìng bē suànn
我若欲喝
guá nā beh huah
就喝上大聲
tiō huah siōng tuā-siann
閣有嶺欲繼續盤
koh ū niá beh kè-sio?k puann
故事敢有人聽
kòo-sū kám ū-lang thiann
燒去的號做年華
sio--khì ê hō-tsò lian-hua
我選的路
guá suán ê lōo
我就家己行
guá tiō ka-kī kiann
騙人的戲
phiàn--lang ê hì
我袂閣搬
guá bē koh puann
------------------------------------------
→https://www.youtube.com/watch?v=3ZI5w2VH2xw
========================================
5332/《男人KTV》Lam-j?n KTV
黃文星N?g B?n-sing
------------------------------------------
無意聽著你消息
b?-ì thiann-tio?h lí siau-sit
心肝頭有一陣稀微
sim-kuann-thau ū tsi?t-tsūn hi-b?
想著彼時
siūnn-tio?h hit-s?
荒唐過日
hong-t?ng kuè-ji?t
換來的
uānn lai--ê
是你越頭恬恬離開
sī lí ua?t-thau tiām-tiām lī-khui
一個人
tsi?t-ê-lang
關佇包廂的內面
kuainn tī pau-siunn ê lāi-bīn
失落心情
sit-lo?h sim-ts?ng
猶是無塊覕
iáu-sī b?-tè bih
點一首歌
tiám tsi?t-siú kua
是咱快樂的記持
sī lán khuài-lo?k ê kì-t?
摻著心疼的前奏
tsham-tio?h sim-thiànn ê tsian-tsàu
一陣陣響起
tsi?t-tsūn-tsūn hiáng-khí
哭出聲
khàu tshut-siann
毋敢予人聽
m?-kánn hōo lang thiann
傷心歌
siong-sim kua
唱出阮的心情
tshiùnn-tshut gún ê sim-tsiann
我和你吻別
wǒ hé nǐ wěnbié
在無人的街
zài wú rén de jiē
張學友唱出我的情節
Zhāng Xuéyǒu chàng chū wǒ de qíngjiē
哭出聲
khàu tshut-siann
毋敢予人聽
m?-kánn hōo lang thiann
傷心歌
siong-sim kua
唱出阮的心情
tshiùnn-tshut gún ê sim-tsiann
你的背包
nǐ de bèibāo
讓我走得好緩慢
ràng wǒ zǒu dé hǎo huǎnmàn
陳奕迅那首歌
Chén Yìxùn nà shǒu gē
是唱的他自己
shì chàng de tā zìjǐ
哭出聲
khàu tshut-siann
今夜只有寂寞
kim-iā tsí-ū tsi?k-bo?k
伴奏阮的孤單
phuānn-tsàu gún ê koo-tuann
------------------------------------------
→https://www.youtube.com/watch?v=Mzs23SeJm40
========================================
5333/《命中註定你一個》Miā-tiong Tsù-tiānn Lí Tsi?t-ê
陳怡婷Tan ?-t?ng
------------------------------------------
時間是一場未完電影
s?-kan sī tsi?t-ti?nn bī-uan tiān-iánn
劇情斬袂斷前世牽掛
kio?k-ts?ng tsám buē tn?g ts?ng-sè khian-kuà
落幕彼首主題歌
lo?h-bōo hit siú tsú-tê-kua
叫命中註定
kiò miā-tiong tsù-tiānn
為何愈聽愈孤單
uī-h? jú thiann jú koo-tuann
聲聲鑽心肝
siann-siann ts?g sim-kuann
無名的緣份
b?-mia ê ian-hūn
早就斷線
tsá tiō tn?g-suànn
誓言欠一半
sè-gian khiàm tsi?t-puànn
情揣無岸
ts?ng tshuē-b? huānn
緣淺情深想挽回
ian tshián ts?ng tshim siūnn bán-huê
是機會反背
sī ki-huē huán-puē
錯過命運選擇的輪迴
tshò-kuè miā-ūn suán-ti?k ê l?n-huê
重新來一回
ti?ng-sin lai tsi?t-huê
心為你飛啊飛
sim uī lí pue--ah pue
無助的心墜落地
b?-tsōo ê sim tuī-lo?h tē
心四界揣啊揣
sim sì-kè tshuē--ah tshuē
甘願為你冷風吹
kam-guān uī lí líng-hong tshue
日出過一暝
ji?t-tshut kuè tsi?t-mê
揣你行蹤伴星月
tshuē lí h?ng-tsong phuānn tshinn gue?h
艱苦有偌濟
kan-khóo ū guā-tsuē
永遠袂後悔
íng-uán buē hiō-hué
心為你飛啊飛
sim uī lí pue--ah pue
感受有你的天地
kám-siū ū lí ê thinn-tē
心四界揣啊揣
sim sì-kè tshuē--ah tshuē
命中註定你一個
miā-tiong tsù-tiānn lí tsi?t-ê
心內一句話
sim-lāi tsi?t-kù uē
今世今生袂改變
kim-sè kim-sing buē kái-piàn
人海中等待你出現
j?n-hái tiong tán-thāi lí tshut-hiān
雙雁飛
siang-gān pue
一生愛你澈底
it-sing ài lí thiat-té
------------------------------------------
→https://www.youtube.com/watch?v=kJa2e6xSr6M
========================================
5334/《歡喜舞伴》Huann-hí Bú-phuānn
陳怡婷Tan ?-t?ng
------------------------------------------
今夜做你的舞伴
kim-iā tsuè lí ê bú-phuānn
你毋免來探聽我的名
lí m?-bián lai thàm-thiann guá ê mia
探戈倫巴抑是恰恰
thàn-gòo lùn-bah ia?h-sī tshiah-tshiah
逐項我攏毋驚
ta?k hāng guá lóng m?-kiann
煩惱暫時放予煞
huan-ló tsiām-s? pàng hōo suah
放予輕鬆
pàng hōo khin-sang
心情才快活
sim-ts?ng tsiah khuìnn-ua?h
趕緊綴著這音樂聲
kuánn-kín tuè tio?h tse im-ga?k-siann
一步一步做伙行
tsi?t-pōo-tsi?t-pōo tsuè-hué kiann
鬥陣來踅踅踅
tàu-tīn lai se?h se?h se?h
心情放快活
sim-ts?ng pàng khuìnn-ua?h
跤步踏開免驚惶
kha-pōo ta?h khui bián kiann-hiann
迷人的音樂聲一段段
bê-lang ê im-ga?k-siann tsi?t-tuānn-tuānn
今夜無人會孤單
kim-iā b?-lang ē koo-tuann
鬥陣來踅踅踅
tàu-tīn lai se?h se?h se?h
跳出咱的歌
thiàu tshut lán ê kua
今夜毋管你是誰
kim-iā m?-kuán lí sī siáng
揣一個人來做你的伴
tshuē tsi?t-ê lang lai tsuè lí ê phuānn
歡喜咱就是上大
huann-hí lán tiō-sī siōng tuā
---
歡喜咱就是上大
huann-hí lán tiō-sī siōng tuā
今夜咱是歡喜舞伴
kim-iā lán sī huann-hí bú-phuānn
------------------------------------------
→https://www.youtube.com/watch?v=fkjVwltNRPc
========================================
5335/《北漂》Pak-phiau
李明洋Lí B?ng-i?ng
------------------------------------------
繁華都市更深的暝
huan-hua too-tshī kinn tshim ê m?
霓虹閃閃爍
n?-h?ng siám-siám-sih
倚在窗邊心稀微
uá tsāi thang-pinn sim hi-b?
故鄉親人
kòo-hiong tshin-lang
心愛的伊
sim-ài ê i
日子過了敢有如意
ji?t-tsí kuè-liáu kám ū j?-ì
孤單一人
koo-tuann tsi?t-lang
漂流北方
phiau-li? pak-hng
異鄉的城市
ī-hiong ê siann-tshī
啥人願意
siánn-lang guān-ì
浮萍無根
ph?-ph?ng b? kin
漂流的日子
phiau-li? ê ji?t-tsí
思念的心
su-liām ê sim
毋捌停止
m?-bat th?ng-tsí
愛忍耐
ài jím-nāi
為將來愛堅持
uī tsiong-lai ài kian-tsh?
唱出著思鄉的歌
tshiùnn-tshut tio?h su-hiong ê kua
安慰我家己
an-uì guá ka-kī
心愛的
sim-ài--ê
等我倒轉去
tán guá tò-tńg--khì
------------------------------------------
→https://www.youtube.com/watch?v=zuSSSYX7kjk
========================================
5336/《毋通怪我無情》M?-thang Kuài Guá B?-ts?ng
楊欣樺I?nn Him-huā
------------------------------------------
心慒慒
sim tso-tso
欲如何
beh j?-h?
判斷心內真艱苦
phuànn-tuàn sim-lāi tsin kan-khóo
風曷毋知天色變烏
hong ia?h m?-tsai thinn-sik piàn oo
強逼白雲落大雨
ki?ng-pik pe?h-h?n lo?h tuā-hōo
醉也無法度
tsuì iā b?-huat-tōo
真心欲佗討
tsin-sim beh toh thó
一人行到海港邊
tsi?t-lang kiann kàu hái-káng pinn
欲如何
beh j?-h?
愛也無歇
ài iā b? hioh
變成囉嗦
piàn-s?ng lo-so
一段感情有若無
tsi?t-tuānn kám-ts?ng ū ná b?
予人看無
hōo-lang khuànn-b?
一再糊塗
it-tsài h?o-t?o
未來日子怎樣度
bī-lai ji?t-tsí tsuánn-iūnn tōo
毋通怪我無情
m?-thang kuài guá b?-ts?ng
付出的愛怎樣還
hù-tshut ê ài tsuánn-iūnn h?ng
一句關心也攏無
tsi?t-kù kuan-sim iā lóng b?
心才會清
sim tsiah ē tshing
------------------------------------------
→https://www.youtube.com/watch?v=8kVAoH9uJwc
========================================
5337/《天光》Thinn Kng
陳祈信Tan K?-sìn
------------------------------------------
最烏暗彼段暗暝
tsuè oo-àm hit tuānn àm-m?
若無堅持
nā b? kian-tsh?
若有日出太陽的光輝
nā ū ji?t-tshut thài-i?ng ê kong-hui
若無面對人生風雨波浪
nā b? bīn-tuì j?n-sing hong-hōo pho-lōng
怎會有美麗的彩虹
tsuánn ē ū bí-lē ê tshái-h?ng
我的世界
guá ê sè-kài
雖然無點燈火
sui-jian b? tiám ting-hué
人情冷暖
j?n-ts?ng líng-luán
看比啥人較明
khuànn pí siánn-lang khah b?ng
世間無永遠的公平
sè-kan b? íng-uán ê kong-p?ng
也無啥人值得著同情
iā b? siánn-lang ta?t-tit tio?h t?ng-ts?ng
我欲向天講
guá beh hiòng thinn kóng
我毋認輸
guá m? jīn-su
向命運討回我的所有
hiòng miā-ūn thó-huê guá ê sóo-ū
天若光
thinn nā kng
日頭漸漸起
ji?t-thau tsiām-tsiām khí
堅定目標毋放棄
kian-tīng bo?k-piau m? hòng-khì
我欲向天講
guá beh hiòng thinn kóng
我毋認輸
guá m? jīn-su
提出信心得著勝利
the?h tshut sìn-sim tit-tio?h sìng-lī
天若光日頭漸漸起
thinn nā kng ji?t-thau tsiām-tsiām khí
堅定目標拚人生
kian-tīng bo?k-piau piànn j?n-sing
徛踮我舞臺頂
khiā tiàm guá bú-tai tíng
------------------------------------------
→https://www.youtube.com/watch?v=KGFP_5YMHBY
========================================
5338/《冷血》Líng-hueh
張燕清Tiunn Iàn-tshing
------------------------------------------
孤單的手底
koo-tuann ê tshiú-té
寂寞的酒杯
tsi?k-bo?k ê tsiú-pue
怨嘆你離開
uàn-thàn lí lī-khui
攏無半句話
lóng b? puànn-kù uē
天星伴冷月
thinn-tshinn phuānn líng-gue?h
我啉過暝茶
guá lim kuè-m? tê
敢講你的心
kám-kóng lí ê sim
攏無一點難過
lóng b? tsi?t-tiám lan-kuè
我等無一陣雨
guá tán b? tsi?t-tsūn hōo
會當將目屎代替
ē-tàng tsiong ba?k-sái tāi-thè
會當來恨你的反背
ē-tàng lai hūn lí ê huán-puē
為何你對我的海誓
uī-h? lí tuì guá ê hái-sè
變成一腹無情的火
piàn-s?ng tsi?t-pak b?-ts?ng ê hué
敢是因為
kám-sī in-uī
我予你的無夠濟
guá hōo lí ê b?-kàu tsē
才會將你變成別人的
tsiah ē tsiong lí piàn-s?ng pa?t-lang--ê
為何你對我的一切
uī-h? lí tuì guá ê it-tshè
親像一把無情的火
tshin-tshiūnn tsi?t-pak b?-ts?ng ê hué
敢是因為
kám-sī in-uī
你得著的無夠濟
lí tit-tio?h ê b?-kàu tsē
才會將我當做也經過
tsiah ē tsiong guá tòng-tsuè iā king-kuè
啊~愛你的這句話
ah~ ài lí ê tsit kù uē
予你雙手擲海底
hōo lí siang-tshiú tàn hái-té
敢講你予我的心
kám-kóng lí hōo guá ê sim
是冷血
sī líng-hueh
------------------------------------------
→https://www.youtube.com/watch?v=0cHp2rP3YsA
========================================
5339/《斷魂淚》Tuān-h?n-luī
張燕清Tiunn Iàn-tshing
------------------------------------------
今生只有你
kim-sing tsí-ū lí
將我當做你的天
tsiong guá tòng-tsuè lí ê thinn
今世也只有我
kim-sè iā tsí-ū guá
會當得著你的安慰
ē-tàng tit-tio?h lí ê an-uì
偏偏我攏毋愛問
phian-phian guá lóng m?-ài mn?g
你的希望是啥物
lí ê hi-bāng sī siánn-mih
你的目屎為啥物
lí ê ba?k-sái uī-siánn-mih
等無一句我愛你
tán b? tsi?t-kù guá ài lí
等到心也毋願閣喘氣
tán-kàu sim iā m?-guān koh tshuán-khuì
無你人生的日子
b? lí j?n-sing ê ji?t-tsí
我也無活的勇氣
guá iā b? ua?h ê ióng-khì
無你思念的半暝
b? lí su-liām ê puànn-m?
我的靈魂像野鬼
guá ê l?ng-h?n tshiūnn iá-kuí
地獄啊也欲成對
tē-ga?k--ah iā beh s?ng-tuì
天堂啊也欲綴你
thian-tn?g--ah iā beh tuè lí
毋願予你揣無天
m?-guān hōo lí tshuē-b? thinn
毋願予你的名字
m?-guān hōo lí ê mia-jī
為我孤魂刻孤姓
uī guá koo h?n khik koo sìnn
為你流落的斷魂淚
uī lí lau-lo?h ê tuān-h?n-luī
我會在來生等待你
guá ē tsāi lai-sing tán-thāi lí
------------------------------------------
→https://www.youtube.com/watch?v=nQXwhPjonyo
========================================
5340/《神仙人》S?n-sian-j?n
張燕清Tiunn Iàn-tshing
------------------------------------------
我的心
guá ê sim
若無你付出的情
nā b? lí hù-tshut ê ts?ng
為我風沙洗盡
uī guá hong-sua sé tsīn
敢有幸福的如今
kám ū hīng-hok ê j?-kim
你的心
lí ê sim
親像天頂的月娘面
tshin-tshiūnn thinn-tíng ê gue?h-ni? bīn
照我暗淡的路面
tsiò guá àm-tām ê lōo-bīn
今生袂閣栽落風塵
kim-sing buē koh tsai lo?h hong-t?n
人生啊
j?n-sing--ah
只有你一路情深
tsí-ū lí tsi?t-lōo ts?ng tshim
命運啊
miā-ūn--ah
只有你一路相信
tsí-ū lí tsi?t-lōo siong-sìn
予我看見沙像金
hōo guá khuànn-kìnn sua tshiūnn kim
予我聽見花的心
hōo guá thiann-kìnn hue ê sim
予我一路風霜
hōo guá tsi?t-lōo hong-song
無恨命浮沉
b? hūn miā ph?-t?m
像我這款的男人
tshiūnn guá tsit khuán ê lam-j?n
有你這款的女人
ū lí tsit khuán ê lú-j?n
心酸啊
sim-sng--ah
較苦也若神仙人
khah khóo iā ná s?n-sian-j?n
---
無人會當拍醒咱的夢
b?-lang ē-tàng phah-tshínn lán ê bāng
無人會當拆碎咱的心
b?-lang ē-tàng thiah-tshuì lán ê sim
無人會當代替
b?-lang ē-tàng tāi-thè
我愛你在凡塵
guá ài lí tsāi huan-t?n
人生啊
j?n-sing--ah
只有你一路情深
tsí-ū lí tsi?t-lōo ts?ng tshim
命運啊
miā-ūn--ah
只有你一路相信
tsí-ū lí tsi?t-lōo siong-sìn
予我看見沙像金
hōo guá khuànn-kìnn sua tshiūnn kim
予我聽見花的心
hōo guá thiann-kìnn hue ê sim
予我一路風霜
hōo guá tsi?t-lōo hong-song
無恨命浮沉
b? hūn miā ph?-t?m
像我這款的男人
tshiūnn guá tsit khuán ê lam-j?n
有你這款的女人
ū lí tsit khuán ê lú-j?n
心酸啊
sim-sng--ah
較苦也若神仙人
khah khóo iā ná s?n-sian-j?n
------------------------------------------
→https://www.youtube.com/watch?v=-TINrl_Q-Qs
========================================
推薦閱讀: