[出走到。华欣] Day 1@ 出发出发出出发!!!
等左几个礼拜~ 终于都到左出发的日子!!!
8/6 出发,7/6出发的同胞撞到正黑雨重水浸添!! 听闻有好多机都delay左~~
都有D单心,不过最担心都唔系呢样,而系....
"听朝好似搭八点机㖞..."
"系呀... 五点要起身..."
"记唔记得上次去日本..."
"嗯... 又系早机...."
"上次去清迈...."
"嗯.. 又系早机..... "
"好似都系的士司机救左我地.... "
"咁今次记得call定的士...."
无错,两次都系的士到左,我地都仲未醒,要司机call我地先弹起身,用十分钟极速弹落楼先至可以安全上机。
所以今次,为安全计,除左call的士之外,哈生仲决定。唔。训。!!!!
我... 就梗系执完行李,十一点几就上床训觉等哈生叫醒我啦~~~
我地呢个计划究竟行唔行得通呢~~~~~~~~~~~~~~~~~
.....
.....
竟然系得!! 哈生真系无训!!!
晨早五点半上的士,司机第一句就话,机场条路通左啦~ 唔屎单心!
Yeah~~~~
唔驶半粒钟去到机场,太阳伯伯都出来了~ 仲好好天添!!
果然系一副一晚无训咁o既样子~~~
食个burger king,就去等上机!!!
三个几钟机 + 一个超级超级难食飞机早餐
终于都到曼谷啦~~!!!
揾到同我地一齐share van 的网友,就一齐去departure hall 出便等车入华欣!~~
呢部就系我地响泰友营入便o既华润度book的van啦~~ 好新净好舒服架
三个钟车都唔系好支力~ 中途仲停左响个中途站度俾我地放水~ 司机仲买左几支水俾我地~ 多谢晒~!
晒到PK的天色真系令人心旷神怡
猫猫都顶唔顺咁晒~!
呢个休息站仲有几档小食添
上返车,再行左阵,就到啦~~!!!
AKA 我地黎啦!!!!!!!!!!!!!!!!!!!!!!!!!!!!!!!!!!!!