第一篇就黎食！其实我真系好为食嫁可能之后都系食食食食食~哈哈* 呢几日香港都劲冻冰冰，仲话会落雪添(但最后都无得睇)，其实除左匿埋0系被窝入面最暖笠笠外喺呢个咁冻嘅时间，人人地想去打个边炉去warm下，我都唔例外，仲要我劲钟意！ 去左元朗一间小店试下，嗯…呢间真系食完要再encore!! 入到去其实都无咩idea想食，始终第一次黎梗系要问下老板娘有咩正野介绍，老板娘超nice介绍好多新鲜食材，按照我们人头喜好等等去预算食物，同埋佢绝大部份嘅野都自家制(有时可能有d少量特别食物添)
▲一黎就俾我地一个海鲜拼盘，哗，我见到时呆左，啲海鲜咁大只嘅喂！

 
▲响玲系必食嘅！即刻炸即刻上台系热辣辣，松脆的，唔驶浸汤可即食

▲啲海鲜不得了！又大又弹牙，都几鲜味嘅！食肉兽嘅我见到碟牛真系好开心，都系果句喇，啲肉好鲜肉味够！我地encore左2碟！哈哈* 食到个人好满足❤❤❤❤
老板娘系好热情嘅，成日问够唔够，有咩要，同埋佢真系唔会浪费，你去到好多野如匙羹等等都需要你开声佢先会俾你，但我几buy佢意念，有时候拎多左出黎你未必会用，但就一定唔多唔少整dirty左佢；叫得太多野食，你未必食得哂，浪费左啲食物，食几多叫几多；洗少几只用少啲水。

▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿▴▿
同场加影+甜品时间 女仔最喜欢就算食到几饱几满足都好喇，点都一定要揾甜品作结尾，先叫美好。
我就立即search下边度有甜品，见到呢间几吸引就入左去食喇。

不负众望，真系好味，窝夫不软不硬，香喷喷。最利害系个火焰雪山(细细个好喜欢食!) 酒味都ok的!!!
入面果雪山不得了，食完甜品，我个肚就真系涨爆啦！ 番到去走入被窝，今晚做只食饱饱又暖笠笠嘅肥猪啦 :D~❤
- - - - - - - - - - - - - - - - - - - - - - - - - - - - - - - - - - - - - - - -

新发小厨

地址: 元朗凤攸北街11-15号益发大厦地下 (openrice)

营业时间：星期一至日: 17:00-03:00

港式/火锅/海鲜/大牌档

- - - - - - - - - - - - - - - - - - - - - - - - - - - - - - - - - - - - - - - -

蜜密 Honey Secret

地址: 元朗凤攸东街9号好顺意大厦B座地下15号舖 (openrice)

营业时间：星期一至日: 15:00-00:30

港式/西式/甜品/糖水/雪糕/乳酪