22【闽南语歌歌词】正字歌词附注音--第22组
分组曲目:
211/《伊是咱的宝贝》陈明章
212/《望天草》张秀卿
213/《为你痴迷》荒山亮
214/《山娘仔的情歌》施文彬
215/《无眠》苏打绿
216/《乌鸟》陈建玮
217/《欧吉桑 予焦啦》张三李四
218/《爱河》陈建玮
219/《生份的情歌》陈建玮
220/《落雨声》江蕙
总曲目请见→ 闽南语歌,附带逐字注音歌词之总曲目
若有任何问题,也烦请集中在总曲目处提出。谢谢!
---
211/《伊是咱的宝贝》I Sī Lán ê Pó-puè
词/曲:陈明章Tan B?ng-tsiong
陈明章 Tan B?ng-tsiong
-----------------------------------------
一蕊花
tsi?t-luí hue
生落地
senn lo?h tē
爸爸妈妈疼上济
pá-pah má-mah thiànn siōng tsuē
风若吹
hong nā tshue
爱盖被
ài kah-phuē
毋通予伊坠落乌暗地
m?-thang hōo i tuī-lo?h oo-àm-tē
未开的花
buē khui ê hue
需要你我的关心
su-iàu lí guá ê kuan-sim
予伊一片生长的土地
hōo i tsit-phìnn sing-tióng ê thóo-tē
手牵手
tshiú khan tshiú
心连心
sim lian sim
咱徛做伙
lán khiā tsò-hué
伊是咱的宝贝
i sī lán ê pó-puè
----------------------------
→ https://www.youtube.com/watch?v=-f1llqWr6UE
===============================
212/《望天草》Bāng-thinn-tsháu
张秀卿 Tiunn Siù-khing
---------------------------------
一夜风潇潇
it-iā hong siau-siau
将伊吹落沟
tsiong i tshue lo?h kau
总是恬恬漂
tsóng--sī tiām-tiām phiau
等待风停
tán-thāi hong th?ng
慢慢再担头
bān-bān tsài tànn-thau
无奈一枝草
b?-nāi tsi?t-ki tsháu
一生爱渺渺
it-sing ài biáu-biáu
予阮若像草
hōo gún ná-tshiūnn tsháu
总是恬恬看
tsóng--sī tiām-tiām khuànn
看无幸福随背后
khuànn-b? hīng-hok su? puē-āu
等待的心
tán-thāi ê sim
悲伤怎样哭
pi-siong tsuánn-iūnn khàu
望天啊的野草
bāng-thinn--ah ê iá-tsháu
只有夜半的露水
tsí-ū iā-puànn ê lōo-tsuí
予伊抵抗明日的日头
hōo i té-khòng b?ng-ji?t ê ji?t-thau
敢讲阮像伊
kám-kóng gún tshiūnn i
等人一滴水
tán lang tsi?t-tih tsuí
著等人若无聊
tio?h tán lang nā b?-liau
望天啊的野草
bāng-thinn--ah ê iá-tsháu
只有路边的苦水
tsí-ū lōo-pinn ê khóo-tsuí
予伊等待花开的心跳
hōo i tán-thāi hue khui ê sim-thiàu
敢讲阮像伊
kám-kóng gún tshiūnn i
等天一滴雨 来换泪点点留
tán thinn tsi?t-tih hōo, lai uānn luī tiám-tiám lau
才有阮美丽的出头
tsiah ū gún bí-lē ê tshut-thau
--------------------------------
→ https://www.youtube.com/watch?v=drYYtnz_VpU
========================================
213/《为你痴迷》Uī Lí Tshi-bê
荒山亮Hong-san Liāng
---------------------------------
想起过去彼段
siūnn-khí kuè-khì hit-tuānn
轻轻牵著你
khin-khin khan tio?h lí
行过的心酸苦疼
kiann-kuè ê sim-sng khóo-thiànn
无奈的命运来拖磨
b?-nāi ê miā-ūn lai thua-bua
无情的风
b?-ts?ng ê hong
吹入你的心肝
tshue ji?p lí ê sim-kuann
啥人知影
siánn-lang tsai-iánn
咱会怎样来收煞
lán ē tsuánn-iūnn lai siu-suah
当初时的情歌
tong-tshue-s? ê ts?ng-kua
愈唱心愈寒
jú tshiùnn sim jú kuann
越头看无你形影
ua?t-thau khuànn-b? lí h?ng-iánn
未完成的双人歌声
bī uan-s?ng ê siang-lang kua-siann
徘徊伫风中无依无倚
pai-huê tī hong tiong b?-i-b?-uá
谁的感情吹焦
sia?ng ê kám-ts?ng tshue ta
换来的是无尽的孤单
uānn-lai--ê sī b?-tsīn ê koo-tuann
你就是我这生得袂著的
lí tiō-sī guá tsit-sinn tit-bē tio?h--ê
为何我的爱为你咧踅
uī-h? guá ê ài uī lí teh se?h
毋知影通反悔
m? tsai-iánn thang huán-hué
过去的一切
kuè-khì ê it-tshè
敢犹有重头的机会
kám iáu-ū t?ng-thau ê ki-huē
我犹原甘愿为你痴迷
guá iu-guan kam-guān uī lí tshi-bê
--------------------------------------------------
→https://www.youtube.com/watch?v=cPaK3k84D8w
========================================
214/《山娘仔的情歌》Suann-ni?-á ê Ts?ng-kua
施文彬 Si B?n-pin
---------------------------------------------
为你唱情歌
uī lí tshiùnn ts?ng-kua
你是我的宝贝心肝
lí sī guá ê pó-puè sim-kuann
为你唱情歌
uī lí tshiùnn ts?ng-kua
你是我的宝贝心肝
lí sī guá ê pó-puè sim-kuann
希望会佮你双双对对
hi-bāng ē kah lí siang-siang tuì-tuì
无论盘山过岭
b?-lūn puann-suann-kuè-niá
若有你陪伴
nā ū lí puê-phuānn
我的心就袂阁变卦
guá ê sim tiō buē-koh piàn-kuà
从今咱以后恩恩爱爱
tsi?ng-kim lán í-āu un-un-ài-ài
故事做阵来写
kòo-sū tsuè-tīn lai siá
对天咒誓
tuì thinn tsiù-tsuā
我讲的全部拢有影
guá kóng--ê tsua-pōo lóng ū-iánn
对你的爱
tuì lí ê ài
我的亲情嘛拢赞声
guá ê tshin-tsiann mā lóng tsàn-siann
请你做我的娘囝
tshiánn lí tsuè guá ê ni?-kiánn
穿著你的新娘衫
tshīng tio?h lí ê sin-ni?-sann
陪我转来温暖的岫
puê guá tńg-lai un-luán ê siū
毋惊未来风雨偌大
m?-kiann bī-lai hong-hōo guā tuā
请你做我的娘囝
tshiánn lí tsuè guá ê ni?-kiánn
每工做阵唱情歌
muí-kang tsué-tīn tshiùnn ts?ng-kua
亲朋戚友互相照顾
tshin-p?ng tshik-iú hōo-siong tsiàu-kòo
平安过日快乐生活
p?ng-an kuè-ji?t khuài-lo?k sing-ua?h
请你做我的娘囝
tshiánn lí tsué guá ê ni?-kiánn
毋管欲生几个囝
m?-kuán beh senn kuí ê kiánn
我一定会认真拍拚
guá it-tīng ē jīn-tsin phah-piànn
千秋万世 永远踮遮
tshian-tshiu bān-sè, íng-uán tiàm tsia
-------------------------------------------
→ https://www.youtube.com/watch?v=AQZkeuSWVkQ
======================================
215/《无眠》B?-b?n
苏打绿 Soo-tánn-li?k
-----------------------------------------
今仔日月娘哪遐尔光
kin-á-ji?t gue?h-ni? ná hiah-nī kng
照著阮规暝拢袂当困
tsiò tio?h gún kui-m? lóng buē-tàng khùn
连头毛拢无歇困
lian thau-mn?g lóng b? hioh-khùn
(亲像鱼死伫花园)
(tshin-tshiūnn h? sí tī hue-hn?g)
你敢知阮对你的思念
lí kám tsai gún tuì lí ê su-liām
希望你有仝款的梦
hi-bāng lí ū kāng-khuán ê bāng
咱两人做阵转来彼一工
lán nn?g-lang tsuè-tīn tńg-lai hit tsi?t-kang
互相依倚的情爱
hōo-siong i-uá ê ts?ng-ài
伫你的心肝内
tī lí ê sim-kuann-lāi
是毋是阁有我的存在
sī-m?-sī koh ū guá ê ts?n-tsāi
永远拢咧等
íng-uán lóng leh tán
有时阵嘛会毋甘愿
ū-s?-tsūn mā ē m?-kam-guān
想讲欲做伙飞
siūnn-kóng beh tsò-hué pue
去一个心中美丽的所在
khì tsi?t-ê sim-tiong bí-lē ê sóo-tsāi
所有的一切
sóo-ū ê it-tshè
拢总佮你囥做伙
lóng-tsóng kah lí kh?g tsò-hué
希望你会当了解
hi-bāng lí ē-tàng liáu-kái
(为著你 我一定等)
(uī-tio?h lí, guá it-tīng tán)
我毋管偌济时间
guá m?-kuán guā-tsuē s?-kan
偌济目屎 偌济失望
guā-tsuē ba?k-sái, guā-tsuē sit-bōng
来忍耐
lai jím-nāi
我毋管你当时会转来
guá m?-kuán lí tang-s? ē tńg-lai
其实我嘛毋知影
k?-si?t guá mā m?-tsai-iánn
为怎样 为怎样
uī tsuánn-iūnn, uī tsuánn-iūnn
戆戆等待
gōng-gōng tán-thāi
你 是我唯一的爱
lí, sī guá u?-it ê ài
----------------------------------------
→ https://www.youtube.com/watch?v=qXv7POo5MNI
=====================================
216/《乌鸟》Oo-tsiáu
陈建玮 Tan Kiàn-uí
---------------------------------
乌云天
oo-h?n-thinn
毋知到底啥原因
m?-tsai tàu-té siánn guan-in
总是雄雄出现
tsóng--sī hi?ng-hi?ng tshut-hiān
阻挡咱路程
tsóo-tòng lán lōo-t?ng
雨咧嚷
hōo leh jiáng
一双翼仔飞袂行
tsi?t-siang si?t-á pue buē kiann
我是踮在空中
guá sī tiàm-tsāi khong-tiong
拍拚的鸟仔
phah-piànn ê tsiáu-á
莫笑我
mài tshiò guá
戆戆唱台语
gōng-gōng tshiùnn Tai-gí
若是全世界的人
nā-sī tsuan sè-kài ê lang
拢唱咱的歌
lóng tshiùnn lán ê kua
乌人白人
oo-lang pe?h-lang
拢知咱的文化
lóng tsai lán ê b?n-huà
我毋管路有偌歹行
guá m?-kuán lōo ū guā pháinn-kiann
我的胆是铁拍
guá ê tánn sī thih phah
全世界的人
tsuan sè-kài ê lang
拢唱咱的歌
lóng tshiùnn lán ê kua
好人歹人
hó-lang pháinn-lang
逐家拢免惊啦
ta?k-ke lóng bián-kiann--lah
予我一个舞台
hōo guá tsi?t-ê bú-tai
我会飞甲真悬
guá ē pue kah tsin kuan
留声机
lau-siann-ki
唱著满山的春色
tshiùnn tio?h muá suann ê tshun-sik
彼是我的阿公青春的热情
hit sī guá ê a-kong tshing-tshun ê jia?t-ts?ng
收音机
siu-im-ki
唱著浪子的心情
tshiùnn tio?h lōng-tsú ê sim-ts?ng
彼是我的爸爸拍拚的勇气
he sī guá ê pá-pah phah-piànn ê ióng-khì
莫笑我
mài tshiò guá
坚持唱台语
kian-tsh? tshiùnn Tai-gí
若是全世界的人
nā-sī tsuan sè-kài ê lang
拢唱咱的歌
lóng tshiùnn lán ê kua
乌人白人
oo-lang pe?h-lang
拢知咱的文化
lóng tsai lán ê b?n-huà
我毋管路有偌歹行
guá m?-kuán lōo ū guā pháinn-kiann
我的胆是铁拍
guá ê tánn sī thih phah
全世界的人
tsuan sè-kài ê lang
拢唱咱的歌
lóng tshiùnn lán ê kua
好人歹人
hó-lang pháinn-lang
逐家拢免惊啦
ta?k-ke lóng bián-kiann--lah
予我一个舞台
hōo guá tsi?t-ê bú-tai
我会飞甲真悬
guá ē pue kah tsin kuan
我会飞过大海
guá ē pue kuè tuā-hái
这是我的舞台
tse sī guá ê bú-tai
自由自在的舞台
tsū-i? tsū-tsāi ê bú-tai
这是咱的舞台
tse sī lán ê bú-tai
--------------------------------------
→https://www.youtube.com/watch?v=4X5LXNyM6Mo
====================================
217/《欧吉桑 予焦啦》Oo-jí-sáng, Hōo Ta--lah
张三李四 Tiunn-sam Lí-sù
-----------------------------------
生活中遐尔济白目
sing-ua?h tiong hiah-nī tsē pe?h-ba?k
心未老
sim buē lāu
人已经变老
lang í-king piàn lāu
家己的臭屁
ka-kī ê tshàu-phuì
就家己来放
tiō ka-kī lai pàng
袂当落气
bē-tàng làu-khuì
堂堂的男子汉
t?ng-t?ng--ê lam-tsú-hàn
一生中有几个知己
it-sing tiong ū kuí-ê ti-kí
做阵冲
tsuè-tīn tshiong
做阵拚
tsuè-tīn piànn
麻吉
má-tsih
目屎佮苦涩
ba?k-sái kah khóo-siap
透做一杯兄弟
thàu tsuè tsi?t-pue hiann-tī
想当初
siūnn tong-tshoo
青春的美梦
tshing-tshun ê bí-bāng
欧吉桑
oo-jí-sáng
予焦啦
hōo ta--lah
欧吉桑
oo-jí-sáng
唱歌啦
tshiùnn-kua--lah
过去的飘撇犹原在
kuè-khì ê phiau-phiat iu-guan tsāi
今仔日咱做伙斗阵喔
kin-á-ji?t lán tsuè-hué tàu-tīn--ooh
欧吉桑
oo-jí-sáng
予焦啦
hōo ta--lah
欧吉桑
oo-jí-sáng
认真唱出声
jīn-tsin tshiùnn tshut-siann
天下无敌的欧吉桑
thian-hā b?-ti?k ê oo-jí-sáng
一尾活龙
tsi?t-bué ua?h-l?ng
拢无惊半人
lóng b? kiann puànn-lang
天下无敌的欧吉桑
thian-hā b?-ti?k ê oo-jí-sáng
金光闪闪的欧吉桑
kim-kong siám-siám ê oo-jí-sáng
行路有风的欧吉桑
kiann-lōo ū-hong ê oo-jí-sáng
(除了欧巴桑 t?-liáu oo-bá-sáng)
拢无咧惊半个人
lóng b? leh kiann puànn-ê-lang
-------------------------------------------
→ https://www.youtube.com/watch?v=NUUmPB2qDrI
=====================================
218/《爱河》ài-h?
陈建玮 Tan Kiàn-uí
----------------------------
手若捋过你的头鬃
tshiú nā lua?h kuè lí ê thau-tsang
心内感觉足茫
sim-lāi kám-kak tsiok bang
亲像故乡的河水凉凉
tshin-tshiūnn kòo-hiong ê h?-tsuí liang-liang
轻轻流过我昔日的梦
khin-khin lau kuè guá sik-ji?t ê bāng
已经熟似遐尔济冬
í-king si?k-sāi hiah-nī tsē tang
心愿犹原相仝
sim-guān iu-guan sio-kāng
希望早日??你倒转去
hi-bāng tsá-ji?t tshuā lí tò-tńg-khì
认真拍拚等待成功彼工
jīn-tsin phah-piànn tán-thāi s?ng-kong hit kang
城市吵吵闹闹的路
siann-tshī tshá-tshá-nāu-nāu ê lōo
沉沉重重的雨
t?m-t?m-tāng-tāng ê hōo
闪闪烁烁灯号
siám-siám-sih-sih ting-hō
扰乱我的跤步
jiáu-luān guá ê kha-pōo
若是我一直揣无头路
nā-sī guá it-ti?t tshuē-b? thau-lōo
一直等无出路
it-ti?t tán b? tshut-lōo
一直想无撇步
it-ti?t siūnn-b? phiat-pōo
心爱的你敢欲缀我食苦
sim-ài--ê, lí kám beh tuè guá tsia?h-khóo
Love River 流去佗
Love River, lau khì tó
Let Me Know 我为何心遐尔慒
Let Me Know, guá uī-h? sim hiah-nī tso
Love River 流去佗
Love River, lau khì tó
Take Me Home 梦回我思念的河
Take Me Home, bāng huê guá su-liām ê h?
城市弯弯斡斡的路
siann-tshī uan-uan-uat-uat ê lōo
冷冷淡淡的雨
líng-líng-tām-tām ê hōo
凌凌乱乱灯号
l?ng-l?ng-luān-luān ting-hō
变甲遐尔生疏
piàn kah hiah-nī tshenn-soo
若是我一直继续爱你
nā-sī guá it-ti?t kè-sio?k ài lí
一直继续疼你
it-ti?t kè-sio?k thiànn lí
一直继续等你
it-ti?t kè-sio?k tán lí
到最后
kàu tsuè-āu
你敢欲做我的某
lí kám beh tsuè guá ê bóo
Love River 流去佗
Love River, lau khì tó
Let Me Know 我为何心遐尔慒
Let Me Know, guá uī-h? sim hiah-nī tso
Love River 流去佗
Love River, lau khì tó
Take Me Home 梦回我思念的河
Take Me Home, bāng huê guá su-liām ê h?
Love River 流去佗
Love River, lau khì tó
Let Me Know 我应该如何是好
Let Me Know, guá ìng-kai j?-h? sī hó
Love River 流去佗
Love River, lau khì tó
Take Me Home
Take Me Home
梦回青春 梦回港都
bāng huê tshing-tshun, bāng huê káng-too
梦回思念的河
bāng huê su-liām ê h?
梦回青春 梦回港都
bāng huê tshing-tshun, bāng huê káng-too
梦回思念的河
bāng huê su-liām ê h?
-------------------------------
→ https://www.youtube.com/watch?v=k3wRgPRCP0M
==============================================
219/《生份的情歌》Tshinn-hūn ê Ts?ng-kua
陈建玮 Tan Kiàn-uí
----------------------------
日头染黄彼条街
ji?t-thau ní n?g hit-tiau ke
老老的下晡
lāu-lāu ê ē-poo
店头拣一块花布
tiàm-thau kíng tsi?t-tè hue-pòo
牵阮歌哼规路
khan gún kua hainn kui-lōo
三五厝边话袂停
sann-gōo tshù-pinn uē buē th?ng
褒孙若念经
po-sun nā liām-king
阿妈行入伊的梦
a-má kiann-ji?p i ê bāng
毋知当时精神
m?-tsai tang-s? tsing-s?n
伊留伫遐
i lau tī hia
昨日亲像电影搬啊搬
tso?h-ji?t tshin-tshiūnn tiān-iánn puann--ah puann
有时无声
ū-s? b?-siann
敢是青春当烧热
kám-sī tshing-tshun tng sio-jua?h
日头落山
ji?t-thau lo?h-suann
伊的记持落伫佗位啊
i ê kì-t? lo?h tī tó-uī--ah
问我的名
mn?g guá ê mia
阿妈你敢会记得我
a-má lí kám ē-kì-tit guá
日子皱皱面皱皱
ji?t-tsí jiau-jiau bīn jiau-jiau
时间搝袂牢
s?-kan giú buē tiau
阿妈欲听啥物歌
a-má beh thiann siánn-mih kua
咱唱到日落山
lán tshiùnn kàu ji?t lo?h-suann
伊留伫遐
i lau tī hia
昨日亲像电影搬啊搬
tso?h--ji?t tshin-tshiūnn tiān-iánn puann--ah puann
有时无声
ū-s? b?-siann
敢是青春当烧热
kám-sī tshing-tshun tng sio-jua?h
日头落山
ji?t-thau lo?h-suann
伊的记持落伫佗位啊
i ê kì-t? lo?h tī tó-uī--ah
问我的名
mn?g guá ê mia
阿妈你敢会记得我
a-má lí kám ē-kì-tit guá
连鞭嫁翁连鞭少年时
liam-mi kè-ang liam-mi siàu-lian-s?
笑煞目屎含目墘
tshiò suah ba?k-sái kam ba?k-k?nn
定定看对天边彼爿去
tiānn-tiānn khuànn tuì thinn-pinn hit-p?ng khì
我哪会伫你面前思念你
guá ná ē tī lí bīn-ts?ng su-liām lí
伊留伫遐
i lau tī hia
昨日亲像电影搬啊搬
tso?h--ji?t tshin-tshiūnn tiān-iánn puann--ah puann
有时无声
ū-s? b?-siann
敢是青春当烧热
kám-sī tshing-tshun tng sio-jua?h
梦行啊行
bāng kiann--ah kiann
黄昏的路那行那孤单
h?ng-hun ê lōo ná kiann ná koo-tuann
有声无影
ū-siann b?-iánn
彼首生份的情歌
hit siú tsinn-hūn ê ts?ng-kua
日头染黄彼条街
ji?t-thau ní n?g hit-tiau ke
老老的下晡
lāu-lāu ê ē-poo
店头拣一块花布
tiàm-thau kíng tsi?t-tè hue-pòo
牵阮歌哼规路
khan gún kua hainn kui-lōo
----------------------------------------------
→https://www.youtube.com/watch?v=F78fUF2auvU
==============================================
220/《落雨声》Lo?h-hōo-siann
江蕙 Kang Huī
----------------------
落雨声
lo?h-hōo-siann
若亲像一条歌
ná-tshin-tshiūnn tsi?t-tiau kua
谁知影
siáng tsai-iánn
阮越头毋敢听
gún ua?t-thau m?-kánn thiann
异乡的我
ī-hiong ê guá
一个人起畏寒
tsi?t-ê lang khí uì-kuann
寂寞的雨声
tsi?k-bo?k ê hōo-siann
捶阮心肝
tu? gún sim-kuann
人孤单
lang koo-tuann
像断翼的鸟只
tshiūnn tn?g si?t ê tsiáu-tsiah
飞袂行
pue buē kiann
敢讲是阮的命
kám-kóng sī gún ê miā
故乡的山
kòo-hiong ê suann
永远拢徛伫遐
íng-uán lóng khiā tī hia
阮的心情
gún ê sim-tsiann
只有讲予山来听
tsí-ū kóng hōo suann lai thiann
来到故乡的海岸
lai-kàu kòo-hiong ê hái-huānn
景色犹原拢总无变化
kíng-sik iu-guan lóng-tsóng b? piàn-huà
当初离开是为啥
tong-tshoo lī-khui sī uī siánn
你若问阮
lí nā mn?g gún
阮心肝就疼
gún sim-kuann tiō thiànn
你若欲有孝序大
lí nā beh iú-hàu sī-tuā
毋免等好额
m?-bián tán hó-gia?h
世间有阿母惜的囡仔上好命
sè-kan ū a-bú sioh ê gín-á siōng hó-miā
毋通等成功
m?-thang tán s?ng-kong
欲来接阿母蹛
beh lai tsiap a-bú tuà
阿母啊
a-bú--ah
已经无伫遐
í-king b? tī hia
你若欲有孝序大
lí nā beh iú-hàu sī-tuā
毋免等好额
m?-bián tán hó-gia?h
世间有阿母惜的囡仔上好命
sè-kan ū a-bú sioh ê gín-á siōng hó-miā
出社会走傱
tshut-siā-huē tsáu-ts?ng
咧佮人拚输赢
teh kah lang piànn-su-iann
为著啥
uī-tio?h siánn
家己毋知影
ka-kī m? tsai-iánn
你若欲有孝序大
lí nā beh iú-hàu sī-tuā
毋免等好额
m?-bián tán hó-gia?h
世间有阿母惜的囡仔上好命
sè-kan ū a-bú sioh ê gín-á siōng hó-miā
毋通等成功
m?-thang tán s?ng-kong
欲来接阿母蹛
beh lai tsiap a-bú tuà
阿母啊
a-bú--ah
已经无伫遐
í-king b? tī hia
哭出声
khàu tshut-siann
无人惜命命
b?-lang sioh-miā-miā
----------------------------------------------------
→https://www.youtube.com/watch?v=h7_Z_U1UUiI
============================
推荐阅读: