艺人安志杰同老婆Jessica C. 2015年奉女成婚，转眼大女Tessa已经3岁，安志杰同Jessica C.仲特登帮佢搞咗个生日会，席上除咗有一班好朋友之外，Tessa嘅契爷们都有出席，令网友纷纷表示羡慕Tessa细细个已经「艳福无边」！

撰文：Kayla｜图片来源：instagram、微博

延伸阅读：

【母乳教室】产后汤水助增乳汁 7款简易催奶汤水食疗

【亲子好去处】上水历奇野外农庄 激发儿童小宇宙

生日会当日Tessa身穿美人鱼装，同爸爸妈妈、细佬Elvis一齐庆祝生日，平时锡到佢㶶嘅契爷伍允龙同吴建豪都有出席。见到契爷们大只又靓仔，令网民都觉得非常羡慕，话Tessa人仔细细就已经系「人生胜利姐」，万千宠爱在一身。

安志杰、吴建豪、伍允龙三个「Frirend过打Band」，自然对安志杰囡囡Tessa宠爱有嘉，吴建豪、同伍允龙不时都会探望契女，仲会帮手做埋「凑女公」，无微不至咁照顾Tessa。

爸爸安志杰同契爷伍允龙都系武打明星，唔知等Tessa大个咗会唔会教返佢几招傍身？

伍允龙同吴建豪仲不时会咝社交网站上分享同Tessa嘅「甜蜜时刻」，Tessa年纪细细就已经被男神包围，相信大个择偶标准一定会变得好高！

2017年10月，安志杰同Jessica C. 喺美国补办婚礼，吴建豪同伍允龙当然帮手做兄弟，见证安志杰嘅人生大事。

延伸阅读：

【增强免疫力】三文鱼南瓜蕃茄红萝卜汤