诊所职场事【宝猪趣闻】我的妈妈是 | 珍宝猪

【诊所职场事・经一专栏】有日两个家庭嚟到诊所～登记后，大家都坐低等睇医生。

小朋友们坐埋一齐玩，大人就喺度倾计～

A家长：「唉，今次又唔知要睇几多钱先可以搞得掂啦，次次一个病就全家病」

撰文：珍宝猪｜图片：电视截图

食菜救地球

B家长：「你哋成家抵抗力都咁差㗎咩？系咪平时饮食习惯唔好呀？」

A家长：「可能因为我哋成日出街食卦，放工都攰啦，仲边想煮饭㗎～」

B家长：「简简单单煮啰，食得街外嘢多身体都差啲㗎」

A家长：「就系连简简单单嘅力都冇嘛」

B家长开始一轮训话：「你唔顾自己都顾吓个细啦，你病你死你事，个细嘅无辜㗎嘛，你生得佢出就要俾最好嘅佢㗎啦，日日食街外嘢身体点好呀？好似我咁，我几辛苦都会煮饭㗎，平时仲一齐食好多菜，救救地球呀嘛，食多啲菜身体好啲，环境好啲，难听啲讲句，放个屁都香㗎！」

B小朋友望望自己妈妈：「妈妈，你放屁系臭㗎」

B家长好很尴尬，用手轻轻拍拍小朋友：「哈哈，收声啦」

A小朋友问B小朋友：「你妈妈放屁真系好臭㗎？」

B小朋友天真的大力点头。

B家长望住A家长：「呵呵呵，细路讲嘅嘢真系唔好信呀，咁细个边识分咩系臭同香呀」

B小朋友又望望自己妈妈：「妈妈我识分㗎，花系香，公厕系臭」

A小朋友问B小朋友：「咁你妈妈系咩呀？」

B小朋友：「我妈妈系公厕」

A小朋友：「啊，姨姨系公厕」

…唔知俾自己小朋友话系公厕，个心理阴影面积有几大呢？

B妈妈激气到唔再出声，块面谷到好红…