低卡、甜品♪可可云石芝士蛋糕
吹咩风！？突然整个猪屎蛋糕呢？？
无他嘅......皆因小漫好耐冇整过蛋糕，又想吔猪屎啫 wakakakaka~
咦、咦！？乜唔系有人话要减肥咩！？
仲食猪屎Cake，唔怕又肥爆(๑°ㅁ°๑)‼
放心、放心！！小漫整呢个猪屎Cake绝对系低卡甜品٩(ˊᗜˋ*)و
本来1/8件Cheese Cake有成237Kcal
不过小漫用低脂、低热量嘅食材，同样食1/8件都系得143Kcal咋( •̀ㅁ•́ฅ✧
真系完全Fit晒又要减但又忍唔倒口嘅小漫(o´罒`o)wakakaka~
怕肥但又好想食甜野嘅朋友仔，不妨试下呢个猪屎Cake啦~！！
.+:。(●ゝω・)～☆NICE!!゜.+:
食谱参考︰<<营养师的200卡甜品>>
▼饼底材料︰马利饼5块、燕麦片20克、低脂牛油50克
芝士馅料︰低脂Cream Cheese 230克、低脂原味乳酪125ml、鸡蛋2只、
代糖8汤匙、低筋面粉20克、可可粉10克
▼马利饼放入密实袋用木棍打碎成粉末状
▼隔热水座溶牛油
▼将燕麦片同牛油溶液倒入密实袋与饼碎完全混合~
再放入舖有牛油纸嘅蛋糕模~!!!
▼用匙羹压实，放入雪柜雪20 - 30分钟，等饼底凝固~
▼已放置室温嘅Cream Cheese逐少加代糖打至滑身
代糖要简"煮食用"先可以用嚟焗蛋糕、煮𩠌( •̀ㅁ•́ ✧
一般冇标明嘅代糖经过高温处理系会变苦，所以要大家要留意咯~!!!
▼打到咁样样~!!!
▼加入鸡蛋同低脂原味乳酪，用电动打蛋器打至完全混合~
▼加入已过筛嘅面粉，搅拌到冇粉粒为止
▼喺雪柜啰返已经雪硬左嘅饼底出嚟，倒入2/3芝士糊~
▼净返嘅芝士糊加倒已过筛嘅可可粉，完全拌匀
▼倒入芝士糊
▼用竹纤拉花或者用橡胶刮轻轻搅拌几下，形成云石纹~!!!
放入已预热焗炉160度焗45分钟~
焗嘅时候记得加盘水一齐焗，咁个蛋糕焗出嚟会湿润啲，唔会有列纹~
▼焗完之后，脱去牛油纸摊冻~
再入雪柜雪4粒钟 完成♪
味道同一般猪屎Cake冇乜分别，一样咁正、口感湿润得嚟又扎实~!!!!(๑´ڡ`๑)
大爷Mike︰蓝莓味好食啲(￣ー+￣)
咁下次改整蓝莓猪屎Cake啦 he hee~
记住、记住食1/8件好喇，唔好当饭咁食啵~!!!
如果吔晒成个猪屎Cake...再加埋食其他野一样都系会增肥架(๑°ㅁ°๑)‼
正所谓小吃多滋味，多吃就好鬼肥 知冇!?(o´罒`o)
