【爱回家之开心速递】欧阳波比 群姐 低成本CG化蝴蝶 梁祝故事爆笑延续结局?!
话说最近两日嘅《爱回家之开心速递》就成功揾嚟欧阳震华客串演出欧阳波比,而且仲要同群姐世纪同框,合演一段三世姻缘嘅剧情,睇到大家相当过瘾又开心,而㖊日𠮶集更讲到二人其余两世嘅悲惨爱情故事!
撰文:东方新地|图片:电视截图
欧阳波比 群姐 低成本CG化蝴蝶
㖊日𠮶集,唔少观众都非常期待二人情缘嘅发展!原来欧阳波比同群姐去到第二世,就转世变成梁山伯与祝英台。相信大家都应该对呢个耳熟能详嘅梁祝故事唔陌生,而二人剧中嘅故事亦差唔多,都系非常凄美,但就有啲轻松搞笑~
与原著故事一样,山伯波比同祝英台群姐嘅恋情同样唔被家族允许,最后山伯波比郁郁而终,祝英台得悉后赶到其墓前痛哭。
不过最搞笑嘅系电闪雷鸣之时,山伯波比嘅墓打开后,有一只蝴蝶从墓中飞出来,而呢只蝴蝶正正就系山伯波比!虽然之后波比蝴蝶不断飞向祝英台眼前,反而令祝英台不胜其烦兼一掌拍死咗波比蝴蝶,认真无辜~
无辜再被群姐拍死嘅波比嘅蝴蝶奄奄一息,之后祝英台亦随山伯波比嘅墓打开后扑入墓中,并成功化为蝴蝶。虽然化蝶后嘅祝英台不断寻找波比,但最后就当然只揾到蝴蝶波比早已死喺自己掌下。
去到第三世,欧阳波比同群姐身处抗战时代之余,仲要系敌对关系。群姐身为地下组织成员,奉命刺杀为日军效命嘅易先生,即欧阳波比,虽然群姐最后对对方萌生爱意,但依然狠心下手杀咗汉奸易先生!
返回今世,为群姐解梦嘅孟婆指欧阳波比今世仍会死喺群姐手上,哄骗她拿出多年积蓄来帮波比种生基。结果得知此事嘅大小姐就请来欧阳震华与群姐解释,并当面揭穿孟婆奸计!
不过,期间因群姐扑向欧阳震华,而意外令欧阳震华滚落山!正当以为群姐真系会再喺今世害死欧阳波比之际,幸好悬崖唔太高,所以欧阳震华顺利爬上嚟,冇死到!
延伸阅读:
《白色强人》向经典电影《癫佬正传》致敬 方绍聪演精神病人直闯幼稚园
《切尔诺贝尔:伤心的儿童》(Chernobyl)成IMDb史上最高分剧集!主编Craig Mazin第二季将会…….