加油！

盧巧音（Candy）參與「名古屋女子馬拉松2019」挑戰馬拉松賽事，近年愛上跑步的她，直言初時跑步只是嘗試態度，因為情緒病後不想再依賴藥物，醫生亦建議她做運動，所以選擇了跑步。

盧巧音本月10日參與「名古屋女子馬拉松2019」挑戰馬拉松賽事。

盧巧音說：「醫生無話特別邊種運動，佢覺得我不如每日用30或45分鐘做運動放鬆自己，之後我慢慢愛上咗跑步。跑完一次便覺得好開心，雖然不知開心從哪裏來，每一日都掛住跑步的感覺。」跑齡有兩年的Candy，坦言初時跑步只會2至3K（公里）的路程，之後慢慢逼自己跑10K，亦參與過香港舉辦的5K及10K比賽。她說：「不過跑半馬同全馬，我就從來未諗過，因為覺得自己唔得同無可能，例如睇到一些跑步的師姐，會諗點解她會跑到21K（半馬）嘅？我的個性不認輸，她得無理由我唔得嘛！咁多人跑馬拉松，點解自己不是其中一個？」

盧巧音稱每當跑步過後，總會有不明白原因的開心感覺。

Candy笑言獲運動品牌邀請她參與馬拉松，其實經過一段時間考慮，因為自己連30K的路程也未跑過，毅然應承就是想嘗試自己能否做到，雖然首度跑全馬沒有戰略，但聽不少朋友指跑名古屋的馬拉松跑段較容易跑，毋須太大壓力，只要完成享受過程便可。

盧巧音出戰全馬，其實只是想知道自己是否做得到。

問到老公Sammy對她參與跑馬拉松有甚麼反應？Candy說：「佢同一班好兄弟參加另一比賽，係更加辛苦的障礙賽。所以我呢啲小兒科啦！老公雖然擔心我，但對我都有信心，我亦覺得佢跑到（馬拉松），相信未來緊佢都會參加。」

盧巧音表示老公對她挑戰馬拉松很有信心。