去到旺角想食泰国菜有唔少餐厅选择，但想揾间又可以同朋友坐得耐啲倾下计，呢间岩晒啦，呢间店铺装修颇有特色，同其他泰国餐厅有点唔同，装修同餐具有复古feel同埋有唔少打卡位添。呢间餐厅系夜晚都无限时嫁，可以同啲朋友倾下计。餐厅一共两层，上层仲可以比客人掟标同Shisha添。除左食泰国小食，炒粉面饭外，呢度仲有泰式汤底任食火锅提供。

▲泰式香叶肉碎生菜包($88): 肉碎炒到好香又惹味，包住生菜食味道岩岩好，生菜好新鲜，如果唔够生菜可以叫店员加菜。

▲泰式盐烧乌头($128): 烧鱼即叫即制，条鱼都大条，鱼肉好滑，将啲鱼肉点个秘制鱼露汁，辣辣地好惹味。

▲芒果糯米饭($71):芒果糯米饭一送上黎仲热，芒果好甜，椰汁都好香好甜。

▲芳华绝代有两层，外形以灰白色同落地玻璃既设计为主。

▲系餐厅门口有个霓虹灯牌比客人打卡影相。

芳华绝代

地址:旺角界限街36号1-2楼

营业时间:星期一至三12:00 00:30、星期四至六12:00 22:30、星期日12:00 00:30

电话:23662113

文字来源：香港人.游香港 ／图片来源：＠dapdap.diary、@ooomyfood、@karyan.j、@chidog

这篇文章 旺角美食：【新派创意泰菜！仲可以系店内掟标同Shisha】- 芳华绝代 最早出现于 香港人游香港。