但佢承認細個時係是外貌協會會員。

黃妍最近推出以暗戀為題新歌《小鹿撞樹記》，講到自己暗戀經歷，只試過F.1時，暗戀貌似吳卓羲的師兄，不過自從迷上偶像周杰倫後，她說現在更重視才華多過樣貎，而盧廣仲亦同樣令她心跳加速。早前她首度在台灣工作順道慶祝生日，可惜未能達成見偶像一面的生日願望。 

早前黃妍在台灣工作撞正27歲生日，工作人員好有心思送上蛋糕之餘，還附願望卡，她許下大家身體健康、見周杰倫和盧廣仲及飲珍珠奶茶三個願望，可惜最後得一個能即時達成。

由於暗戀經驗太少，黃妍寫《小鹿撞樹記》時都要向朋友收集資料。

黃妍愛以創作配合季節，今次《小鹿撞樹記》就是覺得春天最適合講暗戀故事，「春天嘅天氣陰晴不定，就好似初戀感覺一樣，經常患得患失，心如鹿撞咁，所以就寫咗呢首以暗戀為題嘅歌，希望大家喺春天諗起自己嘅暗戀故事。」

黃妍在頒獎禮遇見盧廣仲，緊張到面紅兼口窒窒。

講到暗戀，原來黃妍只有一次經驗，「讀F.1時有個讀F.2嘅師兄好靚仔，好似吳卓羲，好多女同學都鍾意佢㗎！但係我嗰時帶住個大眼鏡好樣衰，冇乜自信，淨係敢經過佢課室偷偷望佢，連佢個名都唔知呀！後嚟F.2我轉咗校，都冇見過佢囉！反而去咗新學校，有個男同學成日跟住我放學，好似暗戀我呀！」

黃妍首個暗戀的對象，就是貪其夠靚仔似足吳卓羲。

不過黃妍話愈大愈重視才華，不再做外貌協會會員，「鍾意咗周杰倫後，會留意男仔才華同內涵多啲，好似盧廣仲咁一樣好吸引，我上次喺香港風雲榜頒獎禮有機會同佢合照，都搞到面紅淨係識講『我好喜歡你！』」原來她早前去台灣工作撞正生日，都有要求工作人員達成她見偶像心願，可惜暫未成功。

黃妍最近推出以暗戀為題新歌《小鹿撞樹記》。

身為創作歌手的黃妍，平日都愛在生活中搵靈感。