盘点网民最爱十大女团门面，周子瑜远远抛离稳坐第一！

女团十大门面有无你心水𠮶个？

有留意开韩团都应该知道近排韩国女团比赛节目Queendom好红，话就话系比赛，不过其实大家重点都唔系放最终结果，而系好开心有机会俾呢几个女团表现唔同嘅风格俾大家睇，韩团竞争咁大，要喺芸芸团体入面突围而出，真系唔容易。呢个节目入面唔少舞台令人眼前一亮，可以话系再次吹起一股女团热潮。相信大家都知道韩团每个成员都有明确定位，例如主唱、舞蹈担当，门面等等。虽然每个人眼光同标准都唔一样，不过可以被公司选做门面，都唔会差得去边。今日等我哋用网路大数据分析吓，喺最近5年出道兼且仲有活动嘅女团门面入面，香港网民最爱嘅系边十大门面啦！

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

10 (G)I-DLE 舒华（104笔）

Queendom其中一队参赛女团(G)I-DLE入面有三个外国成员，舒华就系其中一个。来自台湾嘅舒华唔少神级饭拍被喻为「非粉存系列」，就算唔系fans都忍唔住收藏佢嘅靓相，睇落仙女嘅气质，其实私底下好活泼。喺Queendom最后一个演出，舒华担大旗开场，外面有气质，跳起舞都好有气势！相信今次呢个舞台又会变成(G)I-DLE 其中一个经典之作。

image source:Youtube/ Mnet K-POP

9 Oh My Girl 祉呼（108笔）

同样有参加Queendom嘅Oh My Girl，喺今次节目都大受好评。祉呼因为台上台下形象差好大，而被Fans封为「反转女王」，喺舞台上走高冷路线，台下就好做自己，食嘢豪迈又古灵精怪，就系呢种反差成功吸引一班Fans。而祉呼除咗系门面，都系领唱，又睇得又唱得，抵佢咁多人钟意。

image source:Youtube/ M2

8 EVERGLOW 怡人（140笔）

参加过Produce48嘅怡人虽然当时无成功出道，不过因为出众外表而圈粉无数，得到好高人气，更加系当时练习生票选颜值担当嘅第一名。怡人喺节目结束之后，2019年3月以组合Everglow出道，来自中国浙江，擅长中国舞，跳起上嚟有一种古代美人气质，系节目上表演嘅时候都引起大家赞叹，未来发展绝对值得期待呀。

image source:Youtube/ Mnet Official

7 GFRIEND SinB（176笔）

SinB啱啱出道嘅时候俾人话似少女时代嘅Jessica，就咁听落都一定系个靓女啦。Girlfriend刀群舞出晒名，SinB系门面担当，同时都系队内主领舞，高颜值加上舞蹈动作干净利落，力度到位，唱歌都唔错，可以话系各方面实力都好平均。SinB曾经因为表演跳得太落力，而喺台上甩臼，不过都仍然单手完成表演。之前仲系台上唱歌时候怀疑太攰晕低，见佢一直唔系好舒服但都坚持到最后一刻，真系好敬业。

image source:Youtube/ M2

6 MOMOLAND 妍雨（238笔）

妍雨清纯五官，被誉为「小允儿」，温柔气质无攻击性嘅外貌系标准门面样，一出道就受到好多人关注。比起浓妆，好多网友都表示其实更钟意佢淡妆造型，因为可以更加突出佢天生丽质。练习生时期曾经体重超过60公斤嘅妍雨，为咗出道靓D用非常极端嘅方法：一日净系食一只鸡蛋同一杯牛奶减肥，之后颜值更加去到巅峰，惊人意志力令大家好惊叹，不过减肥呢D嘢都系要量力而为，大家唔好盲目跟住做呀。

image source:YouTube/ M2

5 MOMOLAND Nancy（246笔）

同样系MOMOLAND成员嘅NANCY，韩美混血基因令佢可以话系赢在起跑线上。门面担当仲有独特嗓音，男女Fans通杀。完美五官就好似系漫画入面行出嚟嘅女主角咁，虽然因为后来身形肥咗而被人攻击，不过其实靓样一样无变，每日面对咁多恶意评论，明星都一样好大压力，希望大家都唔好对偶像咁高要求、咁苛刻啦。

image source:Youtube/ M2

4 Cherry Bullet 智媛（328笔）

新人女团Cherry Bullet 智媛凭精致外貌成为团体C位，亦即系Center位。系团队入面嘅忙内，都因为外貌望落好似Twice嘅Mina同定延合体，所以引起大家注意。曾经喺一个选秀节目入面因为美貌而引起话题，虽然后来因为实力唔够而被淘汰，不过经过几年练习琢磨之后，相信之后表演都值得留意。

image source:Youtube/ M2

3 Red Velet Irene（400笔）

Red Velet 队长 Irene神颜被多次评为女团颜值第一位，就连北韩领导人金正恩都有留意佢地。Irene作为门面，虽然只有158身高，不过身材比例好，加上好似公仔咁嘅五官，雪白肤色，企舞台上就好似天使下凡咁靓，被韩国网友称为美貌天才。无论咩造型都一样驾驭到，被多次选咗第一门面果然无浪得虚名。

image source:YouTube / M2

2 BLACKPINK Jisoo（646笔）

BLACKPINK出道以嚟破唔少纪录，喺全世界都好受欢迎，四个成员实力都好平均。Jisoo号称无瑕疵、纯天然颜值，由以前细细个嘅相就可以睇得出真系由细靓到大。难怪智秀当年仲做紧练习生嘅时候，去睇演唱会仲被SM星探发掘。颜值高就赢晒，就算喺著普通休闲装出现系机场都一样好吸引人目光，唔少机场饭拍都被疯狂转发。