擁有米芝蓮三星美譽的曼谷藍象餐廳，幾年前於尖沙咀海港城開分店，最近更推出$188 Brunch半自助餐，有8款主菜任揀之外，還有超過30款泰國地道小食任食，更可以飽覽180度維港海景，感覺超Chill。

撰文：Rice 圖片來源：官方圖片

尖沙咀海港城$188半自助餐

米芝蓮三星的曼谷藍象餐廳自從2017年進駐尖沙咀海港城後，於近日又有新搞作！這次則於星期六﹑日及公眾假期供應$188 Brunch 半自助餐，更由藍象餐廳創辦人兼主廚主理菜式，味道質素有保證。是次半自助餐將會有8款主菜，以及超過30款地道小食任食，由前菜、小食到甜品均有，一應俱全。環境裝修走泰國宮廷風路線，華麗寬敞，更可飽覽維港180度海景，美景美食，簡直是Perfect Match！

店內座位寬敞，對正維港海景，感覺Cozy。
店內大部份均設4人座位

8款主菜 必點海南雞飯＋咖喱

半自助餐包括自選主菜一款和飲品一杯，主菜有8款可選，有海南雞飯、藍象手工紅咖喱牛配泰式茉莉香飯、鴛鴦咖喱脆皮銀雪魚配泰國有機黑米等等，款式多樣。

海南雞飯雞肉煮得嫩滑，雞味香濃。
鴛鴦咖喱脆皮銀雪魚配泰國有機黑米，香辣過癮，啱曬嗜辣人士。
藍象手工紅咖喱牛配泰式茉莉香飯，咖喱味道圓潤香濃，帶點辣勁。
扒珍寶河蝦配油鬆餅，酥脆油餅配上肉質結實的蝦肉，鮮味十足。

超過30款地道小食特濃芒果、榴槤椰漿薄餅＋泰式刨冰

除了主菜外，餐廳內亦有超過30款的地道小食，均由泰廚Nooror主理，由前菜、小食到甜品一應俱全。是次自助餐更引入泰式街頭市必叫的人氣甜點，如特濃椰漿薄餅﹑四式焗米布甸﹑泰式香烤脆皮鵪鶉蛋﹑泰式刨冰及皇室椰子珍多冰﹐全部即叫即造，甜品迷必試。

金柚芒果沙律伴蝦幹甜梅子汁，味道酸酸甜甜，非常醒胃！
泰國青木瓜蝦幹沙律，青木瓜清新感覺再加上香口蝦乾，感覺超Fresh。
泰式比利時炸蝦，但賣相十足春捲。由主廚Nooror創作，外皮鬆脆，把蝦肉原來的水份鎖著，入口酥軟、彈牙。
前菜有皇家宮殿蒸餃子，以雞肉及蝦肉做成餡料，其中一款更搓成紫藍色的餃子皮，造型特別趣緻﹗餡料以冬蔭公湯及兩款泰國羅勒調味，配以酸梅汁和菠蘿汁調製的餃子汁，味道層次多重。
部份小食均由師傅即叫即整
特濃椰漿薄餅即叫即造，香脆薄餅夾著椰漿忌廉，灑上黃金炸椰絲﹑招牌薄脆及白芝麻，口感豐富但層次分明。香港店更推出港人最愛的芒果和榴槤口味﹐兩款味都用新鮮果肉打成果蓉，必定成甜點迷最愛。
藍象全新推出泰國人氣甜品 – 泰式刨冰﹐三款味道專為港人而設，包括泰式奶茶﹑泰國芒果王及熱帶菠蘿口味，是視覺和味覺的盛宴。
四式焗米布甸有芋頭﹑超香蔥以及招牌薄脆4款口味。記者則推介粟米，味道清甜富口感。
新鮮出爐的脆皮鵪鶉蛋，一口一個大滿足。
藍象廚師把珍多冰改良﹐配以皇室椰汁及新鮮珍多加糯米粉製作的珍多粉條，質感爽滑味道濃鬱，加入紅豆、綠豆、粟米等配料，當飲品或是甜品也是一流。
店內還有其他精緻餅點
套餐已包咖啡或茶，另加$98仲可以任飲泰式特飲及紅酒！

藍象餐廳

地址：尖沙咀廣東道3-27號海港城港威商場3樓3303號舖（顯示地圖）

電話：2328 2328

全新假日休閒無敵海景半自助餐

供應時間：11：30am-3pm

供應日期：2019年6月-8月逢星期六、日及公眾假期供應

價錢：$188／位

備註：設加一

延伸閱讀：

麥浚龍最新McCafé廣告《廢話》 內容解讀！網友R曬頭：其實想表達啲咩｜網絡熱話

川貝枇杷膏奶茶？！新加坡人氣茶飲店創作飲品｜新品速遞

相關文章