大旧大闹江户之大盛无料(大旧的爷爷的爷爷)奋斗的一生
各位大旧粉丝们好久不见喇!今次故事系话说大旧的爷爷的爷爷日本名叫做「大盛无料」,出世时个样已同大旧一样!(本故事纯属虚构,不要驳故)
佢出生大约明治时期,东京果阵仲叫江户,当时佢已经比其他猫重,个磅差点坏埋。大家会问加菲系美国猫,佢爷爷点会是日本猫?话明听故唔好驳故!
大盛住在日本北三陆乡下贫穷家庭,又要帮手照顾小孩,佢自己又为食,搞到穷上加穷!
大盛每日要入厨房帮手洗碗,当然唔使佢煮饭,费事佢食哂D𩠌!
佢床都冇张,做完一天家务才可跳上柜台休息。
大盛根本唔够饱,佢决定离家出走,去揾更多美味食物!
大盛:老友知唔知边度有好嘢食?舞者:你上楼上转左行到走廊尾搭「LIFT」按G字出门口转右第四条街口转左第二间!
大盛: 什么??Lift???
大盛揾到身水身汗,连张相变成黑白相。
终于揾到间无料餐厅,佢当时已饿到瘦左几克!
大盛挑战巨型海鲜饭,挑战者只需17分钟食完碗饭便免费。
但佢只是用左三十秒食完,其实系倒哂入口至真!
明治时期到现在仲未有人破纪录,大盛仲喺纪录保持者,有相为证!
大盛的大食威水史成为一时佳话,有记者争相追访佢。
大盛以为间间餐厅只要食得多,就唔使俾钱,于是周围狂吃一餐!
烧鸡翼,我自细钟意食!
边个话猫唔食牛肉?我就食哂去!
大盛冇钱俾,餐厅职员叫警察拉佢食霸王餐。
警署内冇食物,得张床,大盛被扣留三日,由于大盛是猫无罪释放,呢个时候佢决定出走去江户!
大盛跳上路轨用铁头截停古老火车。
大盛冇睇清楚火车去边就跳上去,冇问题,猫唔使俾钱!
越睇越唔对路,对面月台果辆才是去江户!!(迷车中)
火车上有个不愿上镜的富翁,觉得大盛生得可爱小花猫(至少佢认为),留下联络电话,如将来有事可以找他。
果架老爷火车要三日才到江户,大盛刚好遇上新干线开通,两小时就到!
(只手系不愿上镜的富翁)
大盛又想坐霸王车!开门呀!开门呀!
呢架舒服好多!大家见到冇乜人坐,因为价钱贵!
大盛静静鸡走到头等坐,反正唔会查可爱花猫的车票!
终于开车喇!好心急!
原来大盛发梦坐新干线!佢睡左三日三夜木头火车才到上野站!
好心呢!福心呢!可怜吓呢只瘦弱小花猫…
好彩有好心人请我食碗拉面。
天气咁冻,入去博物馆休息一下。等我扮游客影相先
呢度展览小玩偶,我就扮左毛玩偶渡宿一宵。(佢根本唔使扮)
有冇粟一烧食?
大盛想起火车上的恩人:喂!左滕右滕先生(原来是当时日本首相),我系大盛无料,想揾间㓥房住…
贵为首相点会俾㓥房给大盛住!间屋仲大过阿四果间,仲打本俾大盛做生意。
入屋第一件事,大盛不忘开雪柜睇吓有冇食物。
冇食物,大盛知道需要重新振作,佢上午打工卖文具。
中午卖干货食物
下午卖猫都唔食的猫罐头,佢自己见到都觉得肚饿!
当佢望煲打挂之际,大盛决定改打食肆工!
大盛发明一种叫文字烧食物,所谓文字烧呢,其实是因为某日店内用作制造广岛烧的面粉用哂,咪求其把食剩𩠌头𩠌尾加酱汁捞埋一pat咁烧成。
埋嚟睇埋嚟拣,美味文字烧!
可惜大盛自己忍唔住食哂D文字烧,令生意全无起色!
呢个时候有位黑武士入嚟食嘢,大盛揾黑武士打救!
黑武士:猫咪!你按一按我肚上的数字,会指点你迷津!
黑武士话大盛食哂D食物,仲边有生意,转行捞偏卖烟卖酒的话生意会好转,始终加菲系卡通猫,不会烟酒。
日本第一代酒吧就诞生,冇猜枚、冇飞标、冇英超睇!
由于酒吧系可爱小花猫经营,好多人好奇之下慕名而来,收钱收到手软!
大盛的酒吧卖的饮品种类多,懂日文的网友看看后面的餐牌。
客人:一杯血色玛利,一杯冻豆桨!大盛:嚟啦!
大盛开始揾到钱,更在筑地做埋鲜鱼买手!行快D喇!一旧木咁!(开始有老板覇气)
今日D鱼几靓!
同我拣盘鱼今晚宵夜。
生意越做越大,仲买起成条村,起居生活全部齐。
佢条街,有间私猫博物馆,记录左佢自己点威法,仲有限定阪加菲毛公仔,床单T恤.....等售买!!!
村内仲做埋旅馆大展拳脚。
各位网友下次来江户自游行,记得找我!
大盛的酒店设备齐全,有WIFI、微波炉、洗衣机同自助早餐。(但这是江户时代wor)
更有大浴场优惠价俾住客亨用。
懂日文网友自己睇浸浴注意事项,不懂的由大盛亲自示范。
先脱光衫裤放在篮内。(我这个示范是错误)
再磅重。
我只磅脚掌,示范又错,大家唔好学我
由于电捡尺度关系,大盛要穿上衫冲凉冼头,完全干净就可入浴。
浸浴可促进血液循环,消除一天工作疲劳。
浸浴后回家休息。
大盛于是成为当年日本首富,咁大间屋只系一只花猫住。
由于大盛钟意食嘢,自始之后「大盛无料」意思是食物免费加大!流传至今。
大盛喜欢坐在走廊,凝望屋外庭园景,回味他的猫生。
故事完,谢谢收睇!