大舊大鬧江戶之大盛無料(大舊的爺爺的爺爺)奮鬥的一生
各位大舊粉絲們好久不見喇!今次故事係話說大舊的爺爺的爺爺日本名叫做「大盛無料」,出世時個樣已同大舊一樣!(本故事純屬虛構,不要駁故)
佢出生大約明治時期,東京果陣仲叫江戶,當時佢已經比其他貓重,個磅差點壞埋。大家會問加菲係美國貓,佢爺爺點會是日本貓?話明聽故唔好駁故!
大盛住在日本北三陸鄉下貧窮家庭,又要幫手照顧小孩,佢自己又為食,搞到窮上加窮!
大盛每日要入廚房幫手洗碗,當然唔使佢煮飯,費事佢食哂D餸!
佢牀都冇張,做完一天家務纔可跳上櫃臺休息。
大盛根本唔夠飽,佢決定離家出走,去搵更多美味食物!
大盛:老友知唔知邊度有好嘢食?舞者:你上樓上轉左行到走廊尾搭「LIFT」按G字出門口轉右第四條街口轉左第二間!
大盛: 什麼??Lift???
大盛搵到身水身汗,連張相變成黑白相。
終於搵到間無料餐廳,佢當時已餓到瘦左幾克!
大盛挑戰巨型海鮮飯,挑戰者只需17分鐘食完碗飯便免費。
但佢只是用左三十秒食完,其實係倒哂入口至真!
明治時期到現在仲未有人破紀錄,大盛仲喺紀錄保持者,有相為證!
大盛的大食威水史成為一時佳話,有記者爭相追訪佢。
大盛以為間間餐廳只要食得多,就唔使俾錢,於是周圍狂喫一餐!
燒雞翼,我自細鍾意食!
邊個話貓唔食牛肉?我就食哂去!
大盛冇錢俾,餐廳職員叫警察拉佢食霸王餐。
警署內冇食物,得張牀,大盛被扣留三日,由於大盛是貓無罪釋放,呢個時候佢決定出走去江戶!
大盛跳上路軌用鐵頭截停古老火車。
大盛冇睇清楚火車去邊就跳上去,冇問題,貓唔使俾錢!
越睇越唔對路,對面月臺果輛纔是去江戶!!(迷車中)
火車上有個不願上鏡的富翁,覺得大盛生得可愛小花貓(至少佢認為),留下聯絡電話,如將來有事可以找他。
果架老爺火車要三日纔到江戶,大盛剛好遇上新幹線開通,兩小時就到!
(隻手係不願上鏡的富翁)
大盛又想坐霸王車!開門呀!開門呀!
呢架舒服好多!大家見到冇乜人坐,因為價錢貴!
大盛靜靜雞走到頭等坐,反正唔會查可愛花貓的車票!
終於開車喇!好心急!
原來大盛發夢坐新幹線!佢睡左三日三夜木頭火車纔到上野站!
好心呢!福心呢!可憐嚇呢隻瘦弱小花貓…
好彩有好心人請我食碗拉麵。
天氣咁凍,入去博物館休息一下。等我扮遊客影相先
呢度展覽小玩偶,我就扮左毛玩偶渡宿一宵。(佢根本唔使扮)
有冇粟一燒食?
大盛想起火車上的恩人:喂!左滕右滕先生(原來是當時日本首相),我係大盛無料,想搵間劏房住…
貴為首相點會俾劏房給大盛住!間屋仲大過阿四果間,仲打本俾大盛做生意。
入屋第一件事,大盛不忘開雪櫃睇嚇有冇食物。
冇食物,大盛知道需要重新振作,佢上午打工賣文具。
中午賣乾貨食物
下午賣貓都唔食的貓罐頭,佢自己見到都覺得肚餓!
當佢望煲打掛之際,大盛決定改打食肆工!
大盛發明一種叫文字燒食物,所謂文字燒呢,其實是因為某日店內用作製造廣島燒的麵粉用哂,咪求其把食剩餸頭餸尾加醬汁撈埋一pat咁燒成。
埋嚟睇埋嚟揀,美味文字燒!
可惜大盛自己忍唔住食哂D文字燒,令生意全無起色!
呢個時候有位黑武士入嚟食嘢,大盛搵黑武士打救!
黑武士:貓咪!你按一按我肚上的數字,會指點你迷津!
黑武士話大盛食哂D食物,仲邊有生意,轉行撈偏賣煙賣酒的話生意會好轉,始終加菲係卡通貓,不會煙酒。
日本第一代酒吧就誕生,冇猜枚、冇飛標、冇英超睇!
由於酒吧係可愛小花貓經營,好多人好奇之下慕名而來,收錢收到手軟!
大盛的酒吧賣的飲品種類多,懂日文的網友看看後面的餐牌。
客人:一杯血色瑪利,一杯凍豆槳!大盛:嚟啦!
大盛開始搵到錢,更在築地做埋鮮魚買手!行快D喇!一舊木咁!(開始有老闆覇氣)
今日D魚幾靚!
同我揀盤魚今晚宵夜。
生意越做越大,仲買起成條村,起居生活全部齊。
佢條街,有間私貓博物館,記錄左佢自己點威法,仲有限定阪加菲毛公仔,牀單T恤.....等售買!!!
村內仲做埋旅館大展拳腳。
各位網友下次來江戶自遊行,記得找我!
大盛的酒店設備齊全,有WIFI、微波爐、洗衣機同自助早餐。(但這是江戶時代wor)
更有大浴場優惠價俾住客亨用。
懂日文網友自己睇浸浴注意事項,不懂的由大盛親自示範。
先脫光衫褲放在籃內。(我這個示範是錯誤)
再磅重。
我只磅腳掌,示範又錯,大家唔好學我
由於電撿尺度關係,大盛要穿上衫沖涼冼頭,完全乾淨就可入浴。
浸浴可促進血液循環,消除一天工作疲勞。
浸浴後回家休息。
大盛於是成為當年日本首富,咁大間屋只係一隻花貓住。
由於大盛鍾意食嘢,自始之後「大盛無料」意思是食物免費加大!流傳至今。
大盛喜歡坐在走廊,凝望屋外庭園景,回味他的貓生。
故事完,謝謝收睇!