新时代五大穿越剧

近排香港嘅穿越剧集，成为咗一时热门嘅话题，好多男男女女，都分别追紧三地出名嘅穿越剧。点解穿越咁受欢迎？或者可以离开忙碌、平俗嘅现实，去到另一个时空，见识唔同嘅人事物，本身就系一件好吸引嘅事！之所以咁讲，系因为穿越剧一直以嚟喺香港都好受欢迎，好多旧剧集都上咗神枱，令人记忆犹新。今日就等DailyView用网路大数剧话你知，新旧各五大广受网民热议嘅穿越剧喇！

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

浪漫穿越，时空旅程

5 梦回（174笔）

2019年，中国大陆企鹅影视、唐人影视联合出品嘅《梦回》，改编自作家金子嘅同名小说《梦回大清》。《梦回》故事系讲一位二十一世纪嘅女仔，穿越到清朝宫廷嘅浪漫故事。喺呢次穿梭中，佢见热情如火嘅十三阿哥、冷酷有型嘅四阿哥、充满威严嘅康熙皇帝等等，编织咗一场古典浪漫嘅爱情故事，当然都唔少得宫心计嘅可怕。

网民：「清朝、型男，我都最想要嘅穿越！」

4 想见你（1523笔）

台湾三凤制作喺2019年，推出咗偶像穿越剧《想见你》，香港J2频道喺2020年播出。台湾唔少影评人都力赞，《想见你》喺继《我们与恶的距离》后，最出色嘅台湾剧集，故事巧妙咁融合咗爱情、穿越、推理、悬疑、惊悚等多种元素。剧集演员出色，柯佳嬿、许光汉、施柏宇、颜毓麟个个都演得入形入格。钟意台湾嘅，就一定要睇喇！

网民：「台剧近年真系愈嚟愈好睇！」

3 庆余年（1621笔）

2019年喺中国大陆发行，2020年3月TVB播放嘅穿越剧《庆余年》，亦都大受欢迎。《庆余年》嘅故仔相当文青，内容系讲一位修读文学嘅学生，为咗令一位教授收佢做学生，于是用写小说嘅手法想说服老师。小说嘅故事，就系穿越嘅主体，而入面嘅故事系中国知名作家猫腻嘅作品改编，现代古代嘅冲突，笑中有泪，难怪爆红中国嘅。

网民：「等紧出第二季，真系好睇。」

2 二月二十九（1717笔）

ViuTv喺2020年，推出咗爱情穿越剧《二月二十九》，成为咗ViuTv近年最受欢迎嘅剧集之一，香港人喺网路热议嘅话题。《二月二十九》拍摄有如日本风格咁唯美，加埋女神吴海昕主演，配乐制作认真，真系令好多观众都耳目一新。穿越嘅爱情，似乎总系特别浪漫，由日本到香港，真系每个人都想试一次！今年咁红，唔睇随时无话题。

网民：「睇到我都好想拍拖呀！」

1 金宵大厦（58909笔）

第一名嘅穿越剧，系嚟自TVB嘅《金宵大厦》！呢部穿越剧咁受欢迎，到底有咩特别？皆因呢部剧取材独特，内容用前世今生做主线，涉及梦、寓言、曼德拉效应、蝴蝶效应同平行时空等议题，真系相当有深度。最重要系识食香港本土，以尖沙咀嘅香槟大厦做主要故事背景，大家睇落特别有味道。TVB已经话要拍续集，真好令人期待！

网民：「希望第二集一样咁精彩。」

经典五大穿越剧

5 超时空男臣（396笔）

好多穿越剧都系sell美女，但TVB 2017年推出嘅《超时空男臣》，就反其道而行，卖点系一众古代男臣。故事背景系明朝，三位男臣，分别系萧正楠演大将军袁崇焕、曹永廉演大学士左光斗，同埋何广沛饰太监李进忠，佢哋穿越返现代，呢部虚构喜剧，古代人返现代，有好多好笑剧情。有仔睇，又有得笑，受欢迎都好正常嘅！

网民：「真系每次睇都会笑出声，正！」

4 回到三国（607笔）

2012年，TVB推出咗一部，睇落认真，实质相当搞笑有趣嘅穿越喜剧，《回到三国》。呢部剧播出果阵，好多人都以为系一部讲史实嘅三国穿越剧，但又点知，原来系用三国做背景，但内容相当无厘头嘅故事。马国明、林峰做主角，两位都演得相当出色，咁就正正令呢部刻睇落正经，但内容有趣更具反差，成就咁特别嘅三国穿越。

网民：「呢部系我睇过最好笑嘅三国剧。」

3 九五至尊（853笔）

《九五至尊》，2003年TVB出品，虽然事隔咁多年，但呢部剧依然令人念念不忘。男主角江华，演技出众，可惜已经无拍剧好耐，呢部剧就成为好多人怀念佢其中一部作品。《九五至尊》讲江华演嘅雍正皇帝，遇到张可颐演嘅吕四娘，结果两位出事穿越到现代，引发好多笑弹。江华仲喺现代慢慢上位，做埋打工皇帝，认真精彩。

网民：「好挂住江华嘅霸气演出！」

2 情逆三世缘（2225笔）

2013年，TVB推出嘅穿越剧《情逆三世缘》，相当令人惊喜。《情逆三世缘》单系主演，欧阳震华、关咏荷两大劲人，已经唔简单。加上呢次嘅故事，系一共穿越咗两次！首先佢哋嘅时空系现代，然后穿越到包青天嘅古代，后嚟又去埋五十年代嘅香港。为咗爱情，三世因缘，人世间嘅浪漫，真系莫过于此，难怪咁多人都仲记得。

网民：「无情若是长久时⋯⋯」

1 寻秦记（4425笔）

讲起穿越剧，香港TVB嘅《寻秦记》，话佢系第一名，真系当之无愧。改编文学大家黄易嘅小说，由古天乐型男演出项少龙，因为一次实验失败，将佢送返去战国时代。项少龙展开咗佢英勇、浪漫，而又相当有趣嘅穿越故事，唔单止沟咗无数古代美女，仲遇上嬴政，立下咗千古伟业。《寻秦记》到今日都有人讲，真系集体回忆嚟。

网民：「佢话自己第二，无人话系第一」

【香港网路温度计调查结果之图文，未经授权请勿转载、改写】

分析说明：

本研究资料由《KEYPO大数据关键引擎》提供，分析时间范围为2020年03月16日至2020年03月15日。

网路大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论『热门穿越剧』相关文本进行分析，并根据网友就该议题之讨论，作为本分析依据。

本文分析之结果，非参考投票、民调、网路问卷等资料，名次仅代表网路讨论热度大小，不代表网友正负评价。

推荐文章︰

武肺病毒狂袭！第三次世界大战开始了？医曝：台湾是「最安全国」

一罩难求！拎著口罩救市救港嘅十大香港人　香港众志先第二名！