【诊所职场事・经一专栏】有日有位太太嚟到诊所。

佢急急脚行埋嚟同我讲：「姑娘姑娘，救命呀，我只手好似就甩啦」

…哇，玩咁大？

我：「有咩事呀？边只手呀？」

佢：「左手呀左手呀」

撰文：珍宝猪｜图片：电视截图

延伸阅读：

买楼靠母干 我个仔U Grad人工$12,000 唔帮佢俾首期个心唔安乐 | 网民热话

同事将公司当屋企 冇嘢做都留到8点 网民：留多一两个钟年中悭唔少｜网民热话

手鈪突然缩细咗

佢拎起左手，将只左手放喺枱面，我见只手都几完整…

我：「你话你只手就甩系咩意思呀？你甩骹呀？」

佢：「唔系呀，你望吓呢度」

我望望佢指住嘅位置，系一只玉鈪。

我：「系～只鈪，系咪太紧呀？」

佢：「系呀，我只手就嚟俾佢整甩啦，佢唔知点解突然缩细咗呀！」

唔系佢缩细咗，系你涨大咗啫。

「只鈪食紧我㖞」

我：「哦～唔驶咁担心啦，你去舖头揾人帮你除咗佢啦」

佢：「但系而家只鈪食紧我㖞，已经食到入肉啦，唔系会甩嘅咩？」

你估只鈪真系饥不择食成咁咩～

我：「唔驶咁惊嘅，如果你真系担心，一系我同你登记入去俾医生检查吓？」

佢：「会唔会收我钱㗎？」

我：「会呀，入得医生房俾医生睇就要收诊金㗎啦～」

「冇咩事我都唔想俾钱医生呀」

佢：「头先你咪叫我去舖头除嘅，医生除唔除到㗎？」

我：「如果你真系想医生帮你除嘅，医生都可以嘅」

佢：「你知唔知舖头平啲定医生平啲呀？」

我：「呢层我真系唔知～」

佢：「哎，真系死得啦，我而家左右做人难，都唔知去舖头好定俾医生睇好，只手又唔知会唔会就咁甩出嚟，我只手好有用㗎」

你系咪睇太多卡通呀？定系你根本系薯蛋头太太嚟？

佢望望诊所嘅收费表，边退后边讲：「我去舖头问吓先啦，只手甩咗嘅我先再返嚟啦，冇咩事我都唔想俾钱医生呀」

嗯，太太最后冇再返过嚟。即系平安无事啦～

延伸阅读：

保鲜花生意每年平均两成增幅 花艺师开网店发展副业｜创业淘金