今时今日要揾到一间咁有人情味既港式怀旧扒房唔系咁容易，呢度有唔同锯扒套餐比客人选择，分别有牛、鸡、海鲜、猪同羊等，仲要每份套餐上既主菜都份量超大，呢个价钱绝对抵食！除左晚餐咁抵食之外，呢间既午餐都系大约四十几蚊一个餐，都系一样送汤同餐包，呢度既每一个套餐都分别可以拣要薯菜/意粉或饭！

▲当叫扒类餐，会有餐汤跟埋，又或者可以加$18转做酥皮汤，酥皮仲焗到金黄色！

▲招牌英国威灵顿牛柳($218):威灵顿牛柳既制作过程好复杂，所以一般系餐厅食到都颇贵下，但呢度只需二百几蚊就食到了。酥皮食落都脆，包住旧牛柳一齐切，啲酥皮都唔会跌晒！肉都好林身，无过火候！

▲美国一级安格斯西冷($248): 牛排煎到岩岩好，因为过熟会好难咬到，薯条系港式果只，每食一条好似食得薯仔片咁，而件西冷下面有啲烧过既菜作拌菜。

▲跟餐会有免费餐汤，分别有忌廉汤同罗宋汤选择，仲会有餐包可以点汤食，餐包仲帮客人涂埋牛油添！

▲最近呢间餐厅有一个优惠比香港人，只要埋单时讲句「香港加油！」就可以有全单九折了！

牛屋餐厅酒吧

地址:旺角弥敦道577号高氏大厦2楼A室

营业时间:星期一至六11:30 00:00／星期日18:00 00:00

电话:27307197

文字来源：香港人.游香港／图片来源：@jennyfood_diary、@hkfoodieamarillas、@soulkwok

这篇文章 佐敦扒房：【佐敦怀旧港式扒房！大件抵食牛扒！】- 牛屋餐厅酒吧 最早出现于 香港人游香港。