《辣伙头》靓女参赛者逐个睇 网民热门系洛儿同苏菲！
入得厨房，出得厅堂
ViuTV嘅电视剧同节目愈嚟愈受香港观众欢迎，尤其系依家个个都留喺屋企，睇吓佢哋嘅节目真系唔错。最近就有个叫做《辣伙头》嘅节目，八位靓女同场竞技、大晒厨艺，再由三位主持：陶大宇、郭政鸿、杨尚友嚟试评分。唔少网民话依个节目个玩法好似《美女厨房》沟《MasterChef》，不过其实玩法都系其次，好多观众想睇嘅都系《辣伙头》八位靓靓参赛者！今日DailyView就带大家睇睇依八位参赛者边个系网民讨论得最多，再睇睇佢哋喺《辣伙头》嘅表现啦！
DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。
8 余逸思（628笔）
余逸思系一位香港Model，同时都系一位化妆师。而好多人认识佢都系透过ViuTV选美节目《美选D.n.A.》，余逸思喺比赛入面夺得全场总亚军，正式出道。自此之后喺ViuTV大大小小嘅剧集入面，观众都可以见到佢嘅身影。今次佢喺《辣伙头》入面表现相当亮眼，令观众发现原来余逸思煮嘢食都好得㗎！评判Christian仲大赞佢，话余逸思令佢担心佢份工啦！
image source:IG／yoshi.1c
image source:IG／yoshi.1c
image source:IG／yoshi.1c
7 陈海宁（1009笔）
陈海宁出咗道几年，参演过一啲电影同埋电视剧，系一位啱起步嘅演员。佢凭住港台电视《万辐玛利亚》渐渐走入观众眼前，唔少人见到佢嘅表现，都话呢个后生女有前途。今次佢作为《辣伙头》八位参赛者之一，虽然唔好彩喺比赛途中俾人淘汰，不过佢都成功喺观众面前留下深刻印象。继续加油啊，陈海宁！
image source:IG／isabellaaaaa
image source:IG／isabellaaaaa
image source:IG／isabellaaaaa
6 沈殷怡（1747笔）
沈殷怡除咗个样生得靓，仲好读得书！佢系香港中文大学法学硕士出身，虽然读法律，不过沈殷怡好钟意镜头前嘅工作，所以呢两年好经常喺ViuTV拍剧同埋做节目主持。而呢一次拍摄《辣伙头》，沈殷怡喺节目入面除咗煮嘢食，仲难得表现出佢楚楚可怜嘅一面，喺淘汰赛当中因为觉得对队友唔住而爆喊，好多人见到都话好心痛呢个善良嘅女仔。
image source:IG／shamshirley
image source:IG／shamshirley
image source:IG／shamshirley
5 郭奕芯（3485笔）
讲起郭奕芯，大家应该十分熟悉佢喺大银幕前面嘅形象，喺2015年，佢十九岁嘅时候已经担正做电影《同班同学》嘅女主角。呢套戏令佢喺好多人心目中留低好深印象。2017年佢又再次担正拍咗套恐怖片《鬼网》，系一位非常有前途嘅演员。呢次佢喺《辣伙头》入面煮嘢食都有好好表现，不过最令观众印象深刻嘅，绝对系佢𠮶只唔熟嘅「苏格兰夹心蛋」！
image source:IG／ashinaaa
image source:IG／ashinaaa
image source:IG／ashinaaa
4 邓月平（4047笔）
相信好多宅男都知道邓月平，邓月平一开始喺网上走红，继而签约做艺人，之后仲参加咗ViuTV嘅选美节目。因为佢个样有少少似黄翠如，又真系一位靓女，所以渐渐就成为咗宅男女神。但系唔好以为邓月平得个样，今次参加《辣伙头》，佢嘅表现真系可以话非常出众，经常俾评判大赞！煮手撕鸡得，㓥鱼又得，真系入得厨房，出得厅堂！
image source:IG／lllarine
image source:IG／lllarine
image source:IG／lllarine
3 陈欣妍（4061笔）
陈欣妍系一位新晋女演员，不过比起电视曝光率，佢喺Instagram嘅曝光率可谓为之惊人，因为佢平时钟意Post一啲健康又Sporty嘅相，所以收获到唔少男女Fans钟意。而除咗样靓身材正之余，陈欣妍今次参加《辣伙头》都可以话系出尽力表演，好似餐厅营运对决一集入面，佢喺餐厅门口出尽力咁拉客！陈欣妍嘅努力，相信观众系见得到㗎！
image source:IG／shirleyelephant
image source:IG／shirleyelephant
image source:IG／shirleyelephant
2 苏菲（7082笔）
相信有一啲香港观众唔系咁熟悉苏菲，不过睇开YouTube嘅新一代香港网民就一定有印象啦！苏菲系澳门微辣嘅演员，成日喺网上拍搞笑片，标志嘅外表吸引到好多宅男钟意，渐渐就成为咗港澳网民新宠儿。今次苏菲嚟香港拍《辣伙头》，相信佢会走进各个年龄层嘅观众眼前，好似已经有一啲妈妈级嘅观众，赞佢个样好乖女，吸引唔少人钟意！
image source:IG／sophibae
image source:IG／sophibae
image source:IG／sophibae
1 洛儿（13195笔）
洛儿系今次《辣伙头》当中最热门、声量最大嘅一位参赛者，喺参加ViuTV《辣伙头》之前，其实佢已经参加过TVB嘅《美女厨房》。虽然可惜最后喺《辣伙头》俾人淘汰，但佢嘅话题性依然非常高，唔少网民好钟意讨论佢有几虾碌。好似第一集著火嘅时候，佢临危不乱又淡定嘅样，真系好吸引人，再睇返佢嘅IG相，真系靓到Dump一声啊！
image source:IG／lok_lokyii
image source:IG／lok_lokyii
image source:IG／lok_lokyii
网路温度计香港版嘅Telegram开咗喇！快D嚟follow我哋啦→https://t.me/dailyviewhk
【香港网路温度计调查结果之图文，未经授权请勿转载、改写】
分析说明：
本研究资料由《KEYPO大数据关键引擎》提供，分析时间范围为2019年02月21日至2020年02月20日。
网路大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论『辣伙头靓女参赛者』相关文本进行分析，并根据网友就该议题之讨论，作为本分析依据。
本文分析之结果，非参考投票、民调、网路问卷等资料，名次仅代表网路讨论热度大小，不代表网友正负评价。
推荐文章︰
门窗紧闭蚊子却打不完？网友揭真相：蚊子都从这里来
女生都怎么搭讪男生？她揭这举动就是有意思…网友：内行人秒懂
