粤知一二|新学期，唔好再颓落去啦
点击蓝字
关注我们
当你睇到呢段文字，开学已经半月有余了喔，仲喺颓紧唔喺状态？
不如去小卖部嚟翻支脉动找回状态？讲笑啫！凡事最紧要都喺靠⾃自己努力，正如初中学嘅古⽂文话斋：“木直中绳,𫐓以为轮,其曲中规,虽有槁暴,不复挺者,𫐓使之然也。”
外力呢家嘢只不过喺提⾼效率嘅途径，前提喺你自身有用功，如果唔喺就真喺烂泥扶不上壁，食嘢唔做嘢，做嘢打烂嘢，冇乜用啊？你话！
你记唔记得你细细个𠮶阵啊？
面对开学都喺兴致勃勃，
好开心去买文具去买辅导用书，
然后提前写定新学期计划，
立定心水新学期重新做人，
考取好成绩。
其实江山易改本性难移，到咗大个仔读大学喇，你都喺会一开学就谂好点先可以令大学生活过得充实，回想上学期，你嘅雄心壮志是否半途夭折？呢个学期仲要重蹈覆辙死性不改？
唔可以！因为，我唔允许你再颓落去了。新学期先啱啱开始，一切都嚟嘚切！其实完成计划并唔难，但佢需要我哋长期嘅努力同坚持。新学期，我想同你共同制定新学期计划，用下面我建议嘅方法，将Flag落地。
01
THE FIRST
坐定定，仔细回顾自己立过嘅Flag，实现咗未？点解冇实现？然后从中分析自己过往计划嘅可行性同兴趣度，以便自己更好咁制定新计划。不必再制定天花龙凤嘅不实际计划，新计划唔一定要好宏大，佢可能睇落去好渺小，但却能产生实实在在嘅变化。
02
THE SECOND
立定新学期Flag之后，我哋需要将计划提高可行度：围绕原定计划，列出三件必须要完成嘅事，打台风都唔可以阻止到你𠮶种，唔好畀自己任何借口。比如，你可以学我咁：
打卡⼈：南⻛风
Flag：过四级
每日必须完成的三件事：一背20个单词，二睇一篇英语短⽂,三听三十分钟听力
完成情况：单词完成背诵但喺唔够熟需要强化复习；阅读英语短文需借助翻译软件自主阅读能⼒力有待提高；听力情况尚可，继续努力。
就喺咁简单，我嘚你一样嘚。
03
THE THIRD
最好揾到一个志同道合嘅小伙伴，互相监督。互相监督嘅同时，亦要提醒自己不能松懈。实在揾唔到？我相信父母会好乐意监督你，畀如话南⻛风每日响百词斩背20个单词，都会生成一个打卡页面分享畀靓靓老妈，搏美人一笑，自己又有咗源源不绝嘅动⼒。
04
THE FOURTH
建立一周奖励机制，为自己注入更多原动力。每当自己完成一个阶段性目标，比如一周、两周或者五周，都为自己准备不一样的奖励。南风坚持
计划一周时，会奖励自己买一杯哈根达斯～好开心，好满足，食完更加有动力执行接下来的计划。
05
THE FIFTH
定期进行计划覆盘。一周又或者一个月之后，睇睇计划进行嘚如何，适当降低或提高难度。
Flag就好似一⾯镜，能令我哋睇清现状，认清自我。话已至此，制定计划只是动手指嘅事，难嘅喺踏出第一步。古语有话：锲而舍之，朽木不折；锲而不舍，金石可镂。
不如就将新学期作为一个新开始，改变颓态，努力活出自己想要嘅样。
主播 南风
编辑 婷子
审核 鱼红
发现更多精彩
关注公众号