个个都惊咗武汉肺炎，最多香港人匿埋喺屋企做依十样嘢！
喺屋企闷到人都癫
「武汉肺炎」肆虐，疫情扩散情度仲未有被减弱嘅迹象，世界各地嘅市民人人自危，个个都匿埋喺屋企唔敢出街，惊一个唔小心就中招染病。但系日日都喺屋企真系好闷，日日都食疴瞓，唔知有咩可以打发吓时间。嗱，唔使烦嘅！今次就等DailyView用网路大数据带你睇睇香港人最近留喺香港都做啲乜，畀大家参考吓啦！
DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。
10 强身健体做运动（149笔）
香港人向来忙住返工返学，瞓都无时间，何况要做运动呢？而家咪就系时候啰！千其唔好因为日日留喺屋企，搞到身体差晒，将来无病都变有病。其实，留喺屋企都可以做好多运动，只要买少少工具，随时可以有人鱼线。加上，做运动可以令心情变好，喺而家日日屈喺屋企无晒精神嘅时候，我哋更要强身加强心，面对香港而家嘅挑战。
image source:FB/林可彤 Hope Lin
9 执屋打扫清灰尘（168笔）
日日留系屋企，维持一个良好嘅居家环境系好重要嘅一件事。屋企整齐啲，个人嘅心情都好啲。平时返工返学无时间又无精神执屋？咁留喺屋企嘅呢段时间就可以好好整理屋企啦。由厕所到厨房、客厅、房间，屋企每一个角落都可以有足够嘅时间慢慢清理，有网民话因为依家大家都留喺屋企，所以间屋仲干净过年廿八洗完邋遢果时！
image source:FB/信义会金龄荟
8 日瞓夜瞓好精神（380笔）
留喺屋企最好嘅活动之一，就系瞓觉。正所谓龙床不如狗窦，可以留喺自己嘅被窝入面，系最幸福不过嘅事情。喺屋企可以做嘅事情始终有限，当所有工作、娱乐都做齐晒，但一日都未过完嘅时候，瞓觉就系一个好好嘅活动。除咗可以趁呢个非常时期养好精神，储够能量之后喺工作、学业上面冲刺，仲有一点好重要：训觉系可以消脂㗎。
image source:FB/展荣展瑞 K.R Bros
7 日日丧睇电影丧煲剧（394笔）
日日留喺屋企闷到傻嘅时候，好多人都会选择睇戏、睇剧集嚟打发时间。坐喺屋企煲剧，就好似参与紧另一个截然不同嘅人生咁，随住主角嘅故事发展，你都好似身历其境，唔再系被强制留喺家中嘅香港人。你或者都会希望，睇完呢几十集剧集之后，武汉肺炎已经离开香港，而你可以继续经营返自己嘅健康人生。
image source:FB/Hong Kong Movie 香港电影
6 留吓屋企看书增进知识（501笔）
正所谓，腹有诗书气自华。喺疫情咁可怕嘅当下，无嘢好做？不妨用返上一辈嘅人嘅娱乐方法，一书在手，世界我有。睇书，唔单止可以令我哋消磨时间，仲能够学到好多嘢。系咪疫情之前，你有样嘢好想学，又或者有朋友推荐咗本书畀你，但你一直都无时间？而家正正系最啱嘅时期，不妨读返本《爱在瘟疫蔓延时》，Fit晒。
image source:FB/火苗文学工作室：Flamesdream
5 用手指㩒两㩒疯狂扫货（563笔）
依家留喺屋企，只要有一部电脑就可以完成到好多嘢，要买嘢但唔想出街同人逼、惊被传染？线上购物帮到你。无论系日常用品，定系衫裤鞋袜，都可以透过Online shopping买到。可以舒舒服服坐喺屋企行街睇衫，仲要无营业时间限制，24小时都可以购物，咁就唔使行街都仲要惊武汉肺炎啦！
image source:FB/徐文良（徐园长护生园）
4 一家大细嘅亲子活动（625笔）
香港人，成日都话忙返工，生咗两个细蚊仔，但系无时间陪佢哋成长，真系人生一大伤心事。而家香港疫情严重，虽然真系好不幸，但乐观少少谂，唔出街无得返工，或者Homeoffice，咁咪多咗好多时间留喺屋企，陪屋企人一齐开心吓。倾吓闲计，打吓机，睇吓剧同电影，可以借呢个机会创造美好回忆。亲子活动，一家大细享受天伦之乐。
image source:FB/亲子王国 Baby-Kingdom.com
3 学生哥要网上返学（998笔）
香港嘅学校因为肺炎已经延迟开学，但学生留喺屋企，都系要上堂㗎！各间学校纷纷推出咗线上课程，等学生唔洗因为延迟开学而耽误学业。由中小学生去到大学生，都有线上课程可以上堂，或者有线上Homework需要完成。虽然现时肺炎传播得好严重，但系喺屋企都可以做到好多嘢，学到好多嘢！讲时讲，你哋又Dowload咗Zoom未？
image source:FB/薛校长人生： 生命培育. 培育生命
2 衬机会匿埋狂打机（2210笔）
武汉肺炎期间应该尽量避免外出，减少人群互相感染嘅机会。依家时势咁紧张，留喺屋企就好啱进行一啲放松身心嘅活动，有网友就话约埋一班Friend打下机真系好Relax，可以暂时忘记无口罩买嘅烦恼，唔使出门又可以悭返个口罩、减少染病风险。齐齐约埋朋友一齐Online打「铺」机，真系一个好好嘅消遣！
image source:FB/HyperX
1 喺屋企都要返工（3375笔）
虽然武汉肺癌肆虐，但系生活依然要过，香港人都系要继续揾钱，如果无钱分分钟连口罩都买唔起！而好多公司纷纷喺呢个时候宣布员工必须Homeoffice，在家工作。好多人都讲，Homeoffice真系好明智嘅决定，唔使喺街外承受被传染嘅风险，又可以日日训到返工前一分钟，真系节省咗好多精神，个人精神好咗，抵抗力都好好多啊！
image source:FB/Raquel Móveis LTDA
【香港网路温度计调查结果之图文，未经授权请勿转载、改写】
分析说明：
本研究资料由《KEYPO大数据关键引擎》提供，分析时间范围为2019年02月11日至2020年02月10日。
网路大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论『香港十大热门居定活动』相关文本进行分析，并根据网友就该议题之讨论，作为本分析依据。
本文分析之结果，非参考投票、民调、网路问卷等资料，名次仅代表网路讨论热度大小，不代表网友正负评价。
推荐文章︰
连卫生棉也不放过！一文讲解港人为何疯抢卫生纸
没在跟你整齐的！超市坚持「乱丢商品」 贴公告：我们这叫有效率
