长沙湾都有间高质专门食汉堡包西餐店FAST TASTE，而且价钱亦相当之公道。除左有全日餐牌之后、仲会有Lunch Set、Dinner Set、同埋素食之选。系呢度除左可以食到素食汉堡包之外、仲有素食意大利粉同意大利饭添。呢度既汉堡包份量真系大到好夸张，有几层又足料，系唔可以一啖放晒落口。所有汉堡包餐价钱大约$52-$99，亦可以加$18配薯条/薯角/洋葱圈，同埋会送一杯可乐或橙汁，咁既份量真系好抵食嫁!餐厅既装修偏向色彩工业风，会播放一啲自己改左词既歌，都几有特色。

▲ 公司汉堡包($99)：呢个汉堡包有两块牛，一块自家制、一块和牛，面头上铺满漫布般流出黎既车打芝士，仲有黑松露酱煎蛋，一个汉堡包有咁多料夹住，口感真系十分丰富，见到咁多芝士流晒出黎，好吸引!

▲ 极上和牛汉堡包($99)：如果唔想好似上面图果个漫布芝士汉堡包的话，可以选这款，这款少了一块自家制牛汉堡和烟肉，女仔可以拣呢款汉堡包，相对上无上面果种咁高卡路里。

▲素食全日餐($69)：食素既人都有ALL DAY Breakfast 选择，呢度有素牛/素猪/素鸡扒选择，仲有黑松露炒蛋、素烟肉、茄汁豆、大啡菇、沙律菜、粟米粒、薯格。

▲洋葱圈($32)：炸洋葱圈炸到好香脆，喜欢食洋葱既人一定要叫，每条洋葱圈都大旧嫁! 除左可以单点之后，亦可以叫汉堡包餐加钱选购。

▲墨鱼汁意大利饭伴老虎虾 (晚餐价$78 包一杯饮品)： 呢款意粉唔系固定系餐牌入面，晚餐menu会经常转，不过都只系转食材款，照会有墨鱼汁饭的。

Fast Taste

地址：长沙湾元州街482-492号金碧阁地下4号舖

营业时间：星期一至日 12:00-22:00

电话：91233262

文字来源：香港人游香港 / 图片来源： @ marshyfood 、@ sunyu1982、@ kosan_hkfoodjournal 、@ siulakec

The post 长沙湾汉堡包：【必食人气爆芝瀑布式汉堡包！平民价多款意粉选择！】- FAST TASTE appeared first on 香港人游香港.