糖妹再年輕下去就會變成小朋友～

糖妹（黃山怡）及鄧穎芝任活動開幕嘉賓，糖妹透露最近愛上滑雪，跌跌撞撞了五日終學懂，「我覺得好神奇，一塊板可以喺雪地上翻來翻去。不過上到山頂，望到山腳啲人咁細粒，都真係會有啲腳震。」

鄧穎芝、糖妹

問可有受傷？糖妹笑說：「傷完啦！個Pat Pat 跌到第5日都唔識嗌。」現年31歲的她已得天獨厚長有童顏，她說滑雪提升了大腿肌肉，訓練大腿肌會令人更年輕，因此感到非常開心。

糖妹

另外，鄧穎芝於情人節開車於東區走廊被撞車尾，幸好身體沒有受傷，她亦剛收到車房修車報價，「對方要賠6萬，佢架車維修要3萬，佢話自己架車買返嚟都係5萬。佢話用咗佢幾個月人工，我都有唔好意思。」她笑謂男友得知意外後沒安慰她，「淨係問咗一句個人有無事。」問到今年可會結婚？她說：「唔會！佢事業都冇，剛剛起步兩年，等事業穩定啲先。」

鄧穎芝

糖妹和鄧穎芝任活動開幕嘉賓。