生日快樂！

46歲生日嘅Kathy有老公有囝囝又有老友相伴。

兩個月前，名模周汶錡(Kathy)嘅法籍老公Julien被雜誌影到喺深水灣攬啜外籍女，不過，之後Kathy好快喺ig開Post「感謝我的家人和朋友，這些年來大家一直很關心我，愛護我。不好意思，最近讓你們擔心了！這是一個人生重要的功課！我們會努力把功課做好，從中學習，領悟，進步！我倆仍然相信「愛」能改善彼此關係，也是化解問題的源頭力量！」一家人齊齊整整，冇事就好。

12年，周汶錡同Julien Lepeu結婚。

尋日，Kathy 46歲牛一，喺520生日，有雙重意義，壽星貼咗張兩個混血靚囝囝Jacques（4歲）及Avner（2歲）肉緊錫佢嘅相，Kathy笑得好燦爛，雖然瞇晒眼，但佢對眼都無乜紋，46歲但完全無老態，好勁。而蔡一智亦有同老婆跟Kathy慶祝，從佢Post出嚟嘅相可見，Kathy老公挨住老婆影相，一天光晒，咁咪好囉。

生咗兩個仔又46歲，但Kathy Fit到離晒譜。

網上圖片