系荔枝角D2 Place 可以带埋狗狗既餐厅选择唔多，呢间系其中一间，侍应会安排餐厅室外位比带狗狗既客人，如果太热既时候仲会主动话开部风机比客人。呢间餐厅系专门食新加坡菜，一啲出名既无骨海南鸡饭、海鲜喇沙掺掺等呢度都有得食嫁! 晚市会有新加坡风味既火锅提供添，有喇沙汤底拣嫁! 如果唔想食火锅既话可以试佢既一人餐，$96或$108 一人餐包一款小食、一款主菜同埋一杯饮品。呢度既份量都好大份嫁，一人食一个一人餐都好饱! 呢度落单系需要自己填落单纸，然后扲去收银处度比钱嫁

▲新加坡无骨海南鸡饭(晚市一人餐$96): 海南鸡肉质几嫩滑，鸡既份量都好多，而个油饭粒粒分明。食得辣既人可以考虑拣麻辣口味既海南鸡饭，会另上一碟麻辣酱汁比你点鸡食。

▲惹味沙嗲鸡肉串(一人套餐小食): 呢度d沙嗲汁岩晒啲唔太食辣既人，有甜甜地既味，鸡肉烧到唔会劲干，食落去鸡肉都算嫩口。

▲鲜虾薯丝卷(一人套餐小食): 薯丝炸到好脆包住虾肉，会有碟泰式辣汁比客人点黎食。

▲新加坡小鱼椰浆饭配南乳鸡翼(晚市一人餐$96): 南乳鸡翼好好食，南乳味好浓而啲鸡肉都好十足嫩滑同埋鸡翼皮炸到好脆。碟饭仲有青瓜、炸鱼仔、花生同埋煎蛋作为配料。

▲海鲜喇沙掺掺(晚市一人餐$96):掺掺其实姐系油面加米粉，系较为新加坡喇沙传统食法。个喇沙汤底好浓郁，而配料都多，分别有2只青口、2只虾、豆卜、白鱼蛋同埋卤蛋。

Bugis@叻沙・海南鸡饭

地址：荔枝角长义街9号D2 Place 1期3楼305号舖

营业时间：11:00 22:00

电话：21160160

文字来源：香港人.游香港／图片来源：香港人.游香港、@doudoushi

The post 荔枝角新加坡菜：【狗狗都黎得！D2 Place 无骨海南鸡饭！荔枝角宠物友善餐厅！】-Bugis@叻沙・海南鸡饭 appeared first on 香港人游香港.