香港十大体坛美女！体得又睇得！

体育，都可以好本土

香港，一个小小嘅弹丸之地，一个系国际上富有影响力嘅城市。好多人会话，香港，只系得金融，投机取巧，无咩文化可言。但事实话畀我哋知，香港唔单止有出色嘅本土文化，更加有好多脚踏实地，为理想仆心仆命，日日身水身汗付出嘅人。如果各位有留意香港体坛，就知道香港呢个对体育唔太重视社会，依然有一班犀利嘅运动员，喺国际上取得佳绩，证明咗畀全世界知，香港本土体坛，一样出色。香港咁多运动员，你又知几多个呢？唔知唔紧要，今日就等DailyView用网路大数据话你知，香港十大最多人谈论嘅美女运动员系边个喇！

DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。「网路热度」为主题项目相关的网路posts和comments ，数值愈大代表主题项目的讨论度愈高。

10 刘慕裳（1122笔）

——世界排名第三

空手道运动员，刘慕裳，亮丽嘅外表之下，边个会估到佢系一位出色嘅运动员，2016年最高排名系世界第三名？刘慕裳细细个，已经受到空手道运动员，哥哥刘知名嘅影响学习空手道。刘慕裳喺16岁开始，已经代表香港参加世界各地唔同嘅国际大型比赛，直至2015年，佢正式成为全职嘅空手道运动员。咁多年之中，佢嘅运动成就出色，打败过世界冠军，为港争光，力证香港体坛实力。

image source:IG／gracelaukarate

9 谢琬婷（1501笔）

——三项铁人比赛

Janet 谢琬婷，佢唔系专业运动员，但一样有专业运动员嘅精神、毅力。佢本身系资深嘅空姐，同时又系模特儿，睇落呢两份职业本身都好忙，但再忙再无时间，都阻挡唔到佢热爱运动嘅决心。而且，佢仲要做三项铁人运动，又游泳，又单车，又长跑，普通人真系搞唔掂。但系谢琬婷真系完成到成个比赛，佢就话相当有成就感。咁健康正面，充满活力美，难怪香港人咁欣赏佢嘅。

image source:IG／jtse1215

8 邓伊程（1612笔）

——运动型KOL

邓伊程 Tiffany，自细钟情运动，大个咗真系做埋跳高运动员。其实，早喺在学期间，佢已经喺学界比赛当中大展拳脚，取得无数佳绩。2015年，第一届全国青年运动会入面，佢系咁多劲人当中都攞到第十三名。直到而家，邓伊程入咗大学读书，都依然有参加跳高比赛，甚至连50米蛙式项目亚军都攞埋。除咗呢样，佢参加《后生仔倾吓偈》清谈节目，做埋KOL，认真唔简单！

image source:IG／tiffanyxtyc

7 马晓晴（2598笔）

——香港石原里美

日本有石原里美，香港有马晓晴，两位外形相似，一样系美女，唔同嘅，系马晓晴系一位职业运动员，花式溜冰相当出色。年方20，马晓晴嘅人生已有骄人成绩，喺香港首位花式溜冰运动员，参加国际比赛攞到奖牌嘅第一人。马晓晴细细个已经接受花式溜冰训练，仲多次攞到香港锦标赛冠军，相信未来仲有好多发展机会。马晓晴咁动人可爱，形象正面，唔知日后有冇机会做埋艺人呢？

image source:IG／maisyma1999

6 林芷煖（2770笔）

——永不言败

每个人一生入面都遇上唔少挫折，但好少会好似林芷煖咁，细细个已经面对重大困难，患上骨癌。呢场大病，令林芷煖放弃咗做羽毛球嘅梦想，即使到佢多年后医好咗，亦都难以做运动。不过，佢后来依然重拾羽毛球，就算已经错过黄金训练期，都愿意付出更多心力汗水。永不言败，林芷煖加入香港伤残羽毛球代表队，不断获奖，真系好值得我哋学习。林芷煖，香港人都会支持你！

image source:IG／oo_lth

5 朱嘉望（3815笔）

——剑击女神

喺香港哋，做运动员，一定会俾其他人质问：到底揾唔揾到食？年轻嘅剑击运动员，朱嘉望 Moonie就用行动话界大家知，做全职运动员一向可以活得出色。朱嘉望曾经话过，自己细细个已经对剑击有兴趣，多年训练，亦都成日参加比赛。2012年，佢勇夺香港杰出青少年运动员，2014年亚运会击剑比赛攞咗团体赛铜牌。「剑击女神」，才貌皆有，难怪IG咁多Fans支持呢位本土运动员！

image source:IG／moonieckm

4 江旻憓（6109笔）

——世界排名第一

25岁嘅江旻憓 Vivian Kong，虽则年纪轻轻，但喺体育界已经相当有成就，超越咗唔少前辈。佢11岁开始正式接受女子锐剑训练，13岁越级攞咗2007年全国少年锦标赛U17组冠军，可以话系击剑嘅天才。佢喺击剑运动有无数佳绩，2019年，江旻憓再创新高，整体成绩夺得世界排名第一。7月，佢宣布自己十字韧带撕裂，不过睇佢最新近况，康复进度良好，一定会再有好成绩！

image source:IG／vmwkong

3 方泳琳（6161笔）

——篮球女神

人称香港「篮球女神」，方泳琳至少已经钟爱篮球，最叻系射三分波，球技相当唔错。佢由中一已经开始打篮球，仲做过香港女子篮球队悠悠嘅队员，参加过唔同比赛，真系身经百战。叫得做「女神」，当然唔单止运动咁简单，样靓身材正，亦都系重点。咁健康美，难怪广告商都咁钟意佢喇！2017年仲签约做埋艺人，身兼艺人同篮球运动员两个方向，「篮球女神」真系当之无愧。

image source:IG／lamlamjessie

2 杨文蔚（8893笔）

——跳高model

杨文蔚，身形高挑，1.7米嘅优势，令佢不论喺运动，又或者模特儿工作方面，都如鱼得水，取得佳绩。杨文蔚出身草根，14岁开始尝试跳高运动，好快俾教练睇出佢嘅天份，发掘咗佢，加以专业培训。佢曾经遇到瓶颈，但无阻佢前进，锻炼体能，最终得到突破，之后多次比赛打破前人记录，2017年亚洲田径大奖赛仲攞埋金牌。除咗运动，佢身材形象咁好，仲受邀做埋model，一样出色。

image source:IG／cceciliayeung

1 欧铠淳（9959笔）

——运动型艺人

欧铠淳 Stephanie Au，香港目前多项捷泳及仰式纪录嘅保持者。佢细细个已经系一条美人鱼，连续四届代表柏克莱大学出战NCAA大学泳赛，帮咗学校攞埋两届大学冠军，认真犀利。16岁，已经代表香港出战2008年奥运，之后佢几乎每年都有参加大型比赛，多次夺得奖项，打破香港最快纪录。除咗运动出色，佢亦都参演过《春娇救志明》、《守护神之保险调查》，真系多才多艺。