Lesley表示新歌令更多人願意講出心聲，得到更多關心和了解。 

姜麗文（Lesley） 以獨立歌手發展多年，她坦承開始感到吃力，最近終跟唱片公司合作推出新歌《念》，歌曲是她年前正患上抑鬱症時所作，更救了她一命，對她別具意義，所以今次搵來同樣患過情緒病的藍奕邦填上歌詞，希望喚醒外界不要視情緒病為禁忌，令更多人願意講出心聲，得到更多關心和了解。 

Lesley好希望歌曲能夠引起社會關注情緒病，幫到更多患者走出陰霾。

成為獨立歌手多時，Lesley坦承一腳踢真的不容易，「雖然自由度好大，但係咩都自己去搞，真係好花時間，依家有人幫我安排，好似做訪問咁，一日可以做好多間傳媒，慳番好多時間，我可以專心去創作。」

其實Lesley算是音樂全才，寫作、填詞和編曲全部都識。

講到新歌《念》，Lesley感觸良多，只因六年前寫歌時正值患上抑鬱症，當時是好難捱的日子，「最嚴重時更有輕生嘅念頭，呢首歌救咗我一命，令我停止咗再有負面嘅思想。」正因受過苦，她好想出一分力幫同樣被情緒病困擾的患者解困，所以專登請藍奕邦填上積極面對病魔的內容，「我好明白有病時，好難同人哋講，加上社會上嘅壓力，好多人都唔敢承認有病，但係我想話畀大家聽，有情緒病唔係醜事，就好似傷風感冒一樣咁普通，人人都有機會發病。」

Lesley話好多謝爸爸秦沛和哥哥姜文杰，一直以來在身邊支持。

姜麗文

Lesley自爆錄音時，都有勾起當年病發感受，喊了幾次先錄到，但慶幸現在已重拾健康，「我o依家成個生活改變晒，早睡早起又成日運動，好積極去做每個工作，屋企人同我男朋友都好支持我，自己真係開心咗好多。」

《念》的MV專登用上黑白，而繼錄音後Lesley今次亦有喊住拍。

《念》的MV專登用上黑白，而繼錄音後Lesley今次亦有喊住拍。

Lesley跟任職工程師的男友柏豪，感情穩定。

近年愛上做運動的Lesley，更練到有腹肌。