雖然家人都有擔心黃妍的前途，但她太熱愛音樂已分不開了。

唱作新人黃妍推出首支新歌《如果從夏天活過來》，清新又貼地。經常結他隨身的她，原來當初自學結他是受偶像周杰倫影響，後來開始寫歌放到網上發表，得到不少歌迷支持，還被香港及台灣單位邀請演出，但大學畢業後她一度為工作而放低音樂，一次街頭Busking失控表現，終令她明白自己離不開音樂。 

黃妍轉做全職歌手，家人都有擔心她前途，但她太熱愛音樂已分不開了。

相對於結他，黃妍更喜愛周杰倫彈鋼琴，可惜不能帶着鋼琴隨處去，故選擇自學結他。

新歌曲詞由黃妍一手包辦，貫徹她在網上給歌迷認識的感覺，這亦是她當初選擇這間唱片公司的主因，「我作為Sony嘅新品牌『平原習作』首位簽約歌手，我好開心公司肯保留我原有嘅風格，大家理念好相似。」

黃妍寫《如果從夏天活過來》靈感來自家住新界郊區，每次出街行去搭車已身水身汗，所以MV也刻意到郊外拍攝。

由單純在網絡發表到成為正式歌手，黃妍出道的路同樣不太平坦，一度放棄過夢想，「我喺大學讀新聞系，畢業之後去做撰稿員，工作時間好唔穩定，慢慢自己就會畀藉口，因工作忙放低音樂，有次同表姐去尖沙咀街頭見到人Busking，興之所至借咪唱，突然失控狂喊，嗰刻先發覺自己係離唔開音樂。」

黃妍

黃妍早前跟師兄林奕匡，一齊在港Busking。

正當黃妍重拾對音樂熱誠之際，剛巧唱片公司相邀於是一拍即合，但作為唱作歌手她坦承自己音樂造詣有待改進，「我本身冇正式學過音樂，彈結他都係中學時迷上周杰倫，於是喺網上搵資料，同埋朋友教我基本嘢再自學，所以嚟緊我都會繼續進修多啲音樂知識，咁樣音樂路先可以行得更遠。」

未出道前，黃妍經常獲邀到台灣的「女巫店」演出。

黃妍