鮑起靜：「我會注意健康，希望死前生活質素好啲。」

金像影后鮑起靜參演台灣電影《生生》，飾演癌症末期只剩下100日活命的網紅奶奶。戲中她遇上年僅10歲小男孩並成為忘年之交，譜出一段感人故事。已69歲的鮑姐，坦言年紀愈大愈參透生死，她坦承和老公方平已想好身後事，並告之女兒方之樺，她說：「要支持環保，所以唔使買長生位，火化後將骨灰撒入大海，一切從簡！」 而且她也開始注意健康，跟發哥及其他圈中好友齊齊跑步做運動。

9年前，鮑姐憑電影《天水圍的日與夜》成金像影后。

拍完《生生》，啟發到鮑起靜要認識及面對死亡，她認真說：「後生係唔會驚死，但到咁上下年紀，隨住身邊開始有朋友離開就變得避忌，拍咗呢部戲發覺係要有準備喇。現時我反而冇咁忌諱(死亡)，不過要注意健康，想喺死亡前生活質素好啲，唔好成為屋企人嘅負累，盡量多啲時間照顧自己。」鮑姐還自爆開始著手處理自己的收藏品，除金像獎及陳年相片外，她學習斷捨離什麼都不要，包括女兒的珍藏品，她已交還女兒自己保管了。

入行50年，鮑姐笑言自己會永不言休，望自己能夠健健康康可以演繹有挑戰的角色。

她透露除定期做身體驗查，3個月前開始自組「小班低級組」跟發哥(周潤發)跑步：「我哋7至8個成員，圈中人有張達明、謝賢(四哥)等，每星期周二、四、六早上6點半開始慢跑廿分鐘，然後行半個鐘頭，如果發哥做宣傳唔得閒，我同達明會繼續號召出發。我幾十年冇運動，原來運動會令你好開心，好有正能量！我哋運動完結伴去食嘢，最後搞到個個都肥咗，發哥邊跑邊鼓勵話：『為咗我哋嘅早餐，要好努力跑呀！』四哥仲好玩，邊跑邊話：『點呀？到未？完未？』畢竟都80幾歲老人家，佢真係好叻。好開心可以結交到一班志同道合朋友，好開心。」

鮑姐在片尾聽到「女兒」嚴藝文說「我愛妳」，令她好感動。現實生活中，佢每日跟倫敦定居的女兒方之樺視訊對話。

片中，鮑姐與小男生吳至璿成為忘年之交。

電影《生生》中鮑姐要挑戰自己，除講帶港式口音的國語外，仲要打桌球。

鮑姐和老公方平現每周跟發哥跑步，開始養生。