第4首個人單曲《蒙著嘴說愛你》

姜濤趁明天21歲生日推出第4首個人單曲《蒙著嘴說愛你》，他分享：「歌詞鼓勵大家即使戴口罩都可將想講的講出來，最想表達遇到甚麼困難都應該堅持落去，冇咩係解決唔到，包括呢個疫情。」經理人花姐找來她的師傅，林嘉欣老公袁劍偉執導MV，ERROR成員肥仔為MV編舞，姜濤隊友Lokman、AK、Anson Lo及Edan亦有客串。

經理人花姐找來她的師傅，林嘉欣老公袁劍偉執導姜濤MV。

姜濤解釋今次安排：「Mirror有12個人，疫情下唔希望太多人聚集一齊工作，所以隨機抽咗幾個同我一齊拍。」拍攝期間嚴守1.5米社交距離，姜濤與肥仔認真到用呼拉圈量度距離，場面搞笑。

疫情下拍MV，姜濤都要同肥仔保持距離。

由於疫情關係，近日姜濤除了工作以外，都不會外出，留在家中練歌，就連Mirror隊友都很久沒見。提到生日願望，姜濤希望疫情盡快減退，大家就好快回復正常工作，可以盡快同大家見面：「呢個都算係自私嘅願望，因為疫情好返，有好多工作計劃就可以繼續進行。」

姜濤請來隊友Lokman、AK、Anson Lo及Edan客串演出。

姜濤都要同肥仔保持距離的方法好搞笑。