李克勤卢淑仪特训两个仔做球王夫妇变魔鬼哥尔夫球教练！

除咗钟意唱歌，李克勤最大嗜好还有踢波同打波，同老婆卢淑仪更喜好一致，除咗系超级曼联拥趸，夫妇同时迷上打羽毛球及哥尔夫球。近期两个仔就由羽毛球迷变埋哥尔夫球迷，有廿四孝好妈做教练贴身传授绝技，两子球技进步神速，日前，克勤全家出动到深水湾球会打Golf家庭乐，两个仔全程表现兴奋打到唔舍得走，得父母真传睇怕好快青出于蓝!

撰文：东方新地｜图片：东方新地

李克勤卢淑仪特训两个仔做球王

日前，克勤趁假期一家四口到深水湾打波，当日下午四时许，李太卢淑仪驾车载大仔R y a n 到达球会，原来克勤同细仔Rex一早在内练波，李太会合老公后，夫妇分开一人教一个，绝不偏心，不过攞咗专业教练牌的李太，手法纯熟球技了得，在球场上不时大显身手，

而大部分时间，两个仔都会跟住妈妈练习，廿四孝好爸克勤，睇住老婆教仔已经甜在心头，更不时帮个仔整理衣服，又帮手执波，见儿子姿势唔正确会即时指导，陪玩已经系乐趣，呢啲咪系模范好爸好老公啰!

打 Golf打到攞埋哥尔夫球教练牌的卢淑仪，当日在球场上大展身手，近期见两个仔 Ryan及Rex 对打Golf开始有兴趣，李太实行变身教练培训儿子。

据知情者透露:「有段时间，克勤同老婆疯狂迷上打Golf，两夫妇为咗打波专登搬近清水湾球会，克勤每朝早要打完波先开工，李太爱打Golf爱到去球会打咗几个月工，到依家佢都好享受𠮶次嘅体验，之后仲考埋专业嘅教练牌，不过，两个仔出世之后，因为要全副精神照顾儿子，李太连自己兴趣都放低埋。反而系近期攞番球杆，又疯狂钟意番打Golf，不过最紧要都系，两个仔喺佢教导之下，都钟意埋呢种运动，特别系细仔 Rex，超级有兴趣，咁佢可以陪住两个仔一齐打，将自己兴趣同经验同啲仔分享就更加开心!」

第二日，李太卢淑仪再带细仔Rex出动到球场练波，廿四孝好妈亲力亲为贴身教导，Rex学咗冇耐已经打得有板有眼。

对儿子锡到㶶的卢淑仪，教仔打波非常认真，除细心指导Rex技术，更训练儿子独立和自律，教Rex打完波自己执波。

同老婆卢淑仪都系运动迷的李克勤，近期同一班国家队羽毛球精英打成一片，早前就同老婆专登飞南宁睇苏迪曼杯捧国家队好友场，即使忙到要摄时间频扑睇球赛亦非常享受。工作完毕回家就变Family Man的克勤，生活离不开唱歌同运动，相对打羽毛球，克勤夫妇其实早就疯狂爱上打哥尔夫球，老婆卢淑仪更考埋哥尔夫球专业教练牌，还有克勤爸爸亦爱打Golf，依家夫妇将球技传授埋给两个仔，随时可以三代同堂切磋球技，的确系一大乐事。

李克勤卢淑仪特训两个仔做球王夫妇变魔鬼哥尔夫球教练！