工作排山倒海的Hana，當然要keep住扮靚同保養啦！

Hana工作量大增，日前工作後，即駕車去尖沙咀做facial。（《東周刊》圖片）

出道兩年多嘅菊梓喬（Hana）在《2018年度勁歌金曲頒獎典禮》奪得「最受歡迎女歌星」，一度引來唔少爭議。得獎後亦順理成章做埋無綫旗下唱片公司「星夢」嘅一姐，工作自然排山倒海，更惹來傳媒追訪。

《東周刊》圖片

據《東周刊》報道，日前，佢連環穿梭兩間電台接受訪問後，即駕車落尖沙咀。她的車款相當另類，是法國品牌雪鐵龍（Citroёn）C3系列，於香港甚為少見。當日，薄施脂粉的她，原先以真面目示人，但行經大街大巷便立即戴上口罩。

《東周刊》圖片

之後，Hana正準備去做facial，上樓做足三粒鐘facial扮靚。始終娛樂圈呢行，聲色藝都要俱備，佢雖然把口唱得，但靚樣更加要keep。當日，Hana心情靚爆，事後意猶未盡，離開時邊行邊發短訊，再駕車落太子。原來，佢約咗一名女友人，泊好車後，便由女友人帶領到達一座唐樓，佢哋透露係上朋友屋企食盆菜。今年大豐收嘅Hana，當然要搵齊friend慶祝！

《東周刊》圖片

更多娛樂消息，請看東周網：https://eastweek.my-magazine.me/main/entertainment