退休無聊去賣酒 斑斑喪飲紅酒養生
可能係有又白又滑嘅DNA
移居澳門嘅斑斑,近幾年終於可以享受人生,因為獨力養大個仔嘅佢,個仔已經有成二十幾歲,斑斑就可以擁有自己嘅生活。三年前,斑斑同一個酒莊老闆,結義成兄妹,唔想遊手好閒嘅佢,就幫契大佬做佢地公司嘅澳門區總代理,講到飲酒佢就話:「我已經有好多年飲酒嘅經驗,特別係紅酒,因為抗養化,特別對女人,你睇我又白又滑,又冇斑,就知道紅酒嘅功效。」
早排,喺中環一個品酒嘉年華,記者就見到斑斑喺契大佬嘅攤檔坐鎮,唔好以為斑斑係明星,就只係一個花瓶,睇得唔飲得,好落力揾生意嘅佢,同啲客杯杯清,原來斑斑酒量真係好好,話咁快飲完一支又一支,最後啲客梗係幫襯買咗幾箱啦!