難怪6號寵愛長腿女友啦！ 

39歲的陸浩明（6號）日前同高妹模特兒女友陳詩欣（Ayan）在希慎廣場行街，好有孝心的6號叫埋父母一起去Dinner。當晚，後生仔shopping過後，先到商場樓上日式餐廳取票等位，未幾6號父母前來會合，見Ayan哄得「未來奶奶」好開心！

8月尾，6號帶父母及女友「一家四口」飛曼谷度假。

為了給女友Ayan優質生活，6號早前一炮過給80萬港元在大阪購入一間兩層高的獨立屋，之後再被影到在新樓盤展覽廳入票，疑似想買愛巢準備結婚。而幾乎每個月都同女友飛一轉的他，繼8月尾帶父母與女友往泰國曼谷family trip後，日前再帶honey去了女方夢寐以求的希臘慶祝生日，哄得女友超興奮！

身高1米73的Ayan，露膊又晒腿好養眼，身材同男友6號好襯。

日前孝順仔再約雙親同「未來老婆」飯聚。當晚7時，6號和女友Ayan先去銅鑼灣拍拖行街，女友身材一向勁fit，當日穿露膊top配短褲仔晒長腿，好吸睛，二人買了兩袋戰利品後，再行去希慎廣場等位吃飯。未幾，6號父母前來會合，還沒有位子就坐下吹水hea吓，見Ayan同「未來奶奶」好好聊天，哄得對方好開心。6號亦好放心，拎件新裇衫出來當外套穿，之後一行人入去日式餐廳吃壽司，歎足個半小時才走人。

Ayan身材很好，6號成日以男友視角幫女友拍靚相。

6號同餅印daddy負責落order叫壽司。

哄完「未來奶奶」，Ayan再哄男友

好好笑容的Ayan同6號媽聊天

上月中，6號帶女友Ayan去希臘慶祝生日，女友很開心。