【铁探】蒋祖曼21岁当继母视继子如己出

TVB重头剧《铁探》呢套剧备受瞩目，剧中有好多新面孔，除咗有首次拍TVB剧嘅金像奖「最佳男配角」姜皓文外，更有经常出演独立电影嘅蒋祖曼（Joman）。蒋祖曼喺戏中饰演黑帮大佬嘅女人陆蔚乔，一出场就同谷永正（梁竞徽饰）擦出唔少火花。现实中，Joman系一个已经有两个小朋友嘅妈妈，而大仔Day仔更系老公同前妻所生。虽然Joman身为继母，但对两名子女一视同仁，仲可以喺家庭同工作取得平衡添！

原文：Kammy-SundayKiss｜编辑：东方新地｜图片：蒋祖曼Instagram，蒋祖曼微博，电视截图，新传媒图片

蒋祖曼首演黑帮阿嫂

现年33岁嘅蒋祖曼入行至今已经超过十年，其演技获得外界一致好评，但一直以嚟大多饰演警察，或专业人士角色。今次Joman喺《铁探》中，一改以往正气嘅角色，首次饰演黑帮阿嫂，一出场佢个粉红色发型已经令人眼前一亮，更同梁竞徽有唔少感情戏，剧情发展令人期待。

蒋祖曼

蒋祖曼亦坦言自己终如愿以偿，皆因自剧集《警界线》后，多以著制服角色出现。另外，蒋祖曼喺剧中更不时被黑社会大佬江正龙（杨潮凯饰）当众掌掴及侮辱，然而原来陆蔚乔呢个角色嘅背景系比被打更可怜，陆蔚乔细个已经系妓女，父母亦畀人杀死，身世可怜，所以为生存先会逼不得意哑忍一切！

Joman入行至今超过十年，曾参演过大量独立电影拍摄，而且皆获得外界一致好评及赞赏。对于今次于《铁》有机会饰演黑社会大佬嘅女人，Joman亦坦言自己如愿以偿，皆因自剧集《警界线》后，多以著制服角色出现。

为角色漂染26次

今次蒋祖曼为咗可以更快投入角色，开拍前更特登到油尖旺实地观察外，Joman为配合角色造型，不惜真发漂染，为咗个粉红色发型染咗26次，佢直指头发先系今次拍剧真正嘅最大挑战，不过佢依然一啲怨言都冇，仲反而好开心。不过，由于漂染头发始终会因洗头而渐渐甩色，故连Joman都笑指唔知大家有冇留意到佢每次出场嘅发色都有所不同㖞。蒋祖曼亦透露，自己已经开始留返长啲头发，可惜因漂染太伤头发导致经常甩同断头发，故留嚟留去啲头发都系咁短！

蒋祖曼做个好继母拒做直升机家长

蒋祖曼21岁开始同任职电影幕后嘅老公陈卓麒（Keith ），二人拍拖时一直都系三人行，早已习惯冇二人世界，事关老公同前妻育有一子陈涤（Day），但其后前妻因病离世，Joman就接棒照顾Day，视Day如己出。唔经唔觉，囝囝已经12岁，准备升中一，当Joman同老公忙紧个时，更会主动帮手照顾妹妹，十分乖仔！

蒋祖曼同老公同样系行内人，有时两公婆都要互相配合工作时间，以最唔影响照顾小朋友为前题，如果真系冇时间就会揾家人照顾。蒋祖曼曾表示，自己对于孩子嘅态度十分放开，认为同小朋友都应该有自己嘅空间，因为喺唔喺屋企对小朋友成长未必有大帮助，有时唔喺小朋友身旁反而令佢哋更独立。另外，蒋祖曼认为父母应该鼓励小朋友去揾自己嘅兴趣，所以唔会直升机妈妈。

为继子追个妹妹

蒋祖曼同老公于2014年结婚，婚后一年诞下囡囡陈可。蒋祖曼曾表示，当初想为陈家添个小朋友，最大原因是继子Day想有细佬妹，「计划生育前我第一个问佢想唔想要细佬妹先，佢话想呀，我问如果我真系唔生小朋友，你会点呀？佢话『我会嬲你啰，依家就嬲！』」Day自

细就恨有细佬妹，最好是妹妹。当年爸爸与Joman结婚，他更以为一结婚就自动大肚，令她哭笑不得，「佢以为会单性繁殖！」

三人行睇超声波

当时Day得知继母怀孕后，Day非常兴奋，经常摸摸肚子，连睇超声波都是三人行，希望第一个得知BB性别，「照超声波我同先生带埋佢去，佢仲紧张过爸爸，系咁捽手问医生仔定女，医生话系女，但佢都质疑：『依家话系女啫，出咗世可能变咗仔㗎！』」好多父母都惊哥哥会呷细佬妹醋，但Joman好放心，因为Day太喜欢妹妹，但出现了另一烦恼，「我问佢想做一个点样嘅哥哥，佢话一定会纵坏妹妹，叫我千祈唔好俾佢凑㖭呀！讲嘢几老积呀！」

早已习惯没二人世界

蒋祖曼表示：「细个𠮶阵发脾气会咁谂，你话从来冇介意过，当然冇可能！尤其是教仔教到好劳气，但我咁谂，小朋友何尝唔系咁谂呢，你又唔系我阿妈，你管我做乜啫？但阿仔冇，我哋好夹佢仲好锡我，所以我同先生啱啱拍拖都冇考虑咁多，我一早知佢有小朋友，可能当时冇谂咁长远，咁多年一路走过来都习惯咗，我爱佢，我爱埋佢小朋友都好正常。」

因仔唔认阿妈而喊

蒋祖曼表示，最令她难受是小朋友刚懂事的年龄，回想起都有点眼湿湿，「我一向冇纵佢，曳我会罚，乖就会奖。幼稚园有段时间几反叛，佢话：『你闹我𠮶时，我觉得你唔系我阿妈，你锡我先觉。』我即刻入厨房狂喊！」

蒋祖曼

亲生妈妈早已过身，Day不了解母亲的角色是怎样，Joman感慨道：「其实我都明嘅，佢唔系好知道究竟一个妈咪系点，佢只系睇电视认识，卡通片啲妈咪唔闹人架嘛。有次佢问我朋友，如果你妈咪叫你做功课，你会唔会觉得佢好烦？我朋友话梗系会啦。𠮶一刻我就知道，原来佢以为我闹佢系唔锡佢，唔知道我系出于关心，依家大个咗佢就明白喇。我份人好直，有咩都讲晒出.，佢都好明白我谂乜，所以相处得好好。」