有個體貼老婆真好。

上周五（26日）是堪輿學家李丞責博士的50歲生日，其妻劉倩婷（Sandy）知道老公鍾意食日菜，一早定位請老公食頂級壽司。

李博士正日生日，同老婆撐枱腳慶祝，食完頂級壽司再食蛋糕。

該壽司店位於四季酒店，其東京本店連續六年獲米芝蓮三星評級，加上是亞洲五十大餐廳之一，宇宙級名氣令該店於年初來港開分店時哄動全城，全店只有16個位，所以有錢都未必定到。雖然一位難求，但Sandy都有辦法，令李博士開心的表示︰「我太太一向好有心思，一個月前已開始同我慶祝生日，知道壽司店好難Book位，多謝老婆心意，我好開心。」

東京店最出名的「彩虹陣勢」香港分店亦有採用，是將不同魚生分切後整齊排列出嚟，作用是讓魚生在室溫中達至適合放入口的溫度。

李博士不介意透露歲數，因為保養得好不怕講，外國朋友估計他只有三字頭甚至二字頭，多次試過因參加宴會出入外國賭場時被查，「通常出入受阻被查應該唔開心，但咁樣查，我同太太又好開心，哈哈哈。」問到生日願望，李博士希望金融股市不要那麼波動，中美貿易戰早日達成共識，香港都會受惠多點。另外，他亦希望玄學方面可以向更遠發展，「喺預測同計算方面再研究多啲，希望將玄學帶到去世界各地。」

月前，李氏夫婦獲蕭邦表總裁邀請到歐洲多個國家出席慈善晚宴。

李氏夫婦以往不時去日本食好嘢，但囡囡出世後就無去過。

上周五晚八點，李氏夫婦打扮靚靚現身四季酒店，對於同老婆撐枱腳浪漫慶牛一，李博士笑言︰「其實唔係撇低個女，只係之前兩日已經同囡囡去街慶祝，加上太太管教好嚴謹，囡囡九點就要上牀瞓覺。」

李氏夫婦同新一代壽司之神，三星廚齋藤考司的大徒弟小林郁哉合照。

李氏夫婦着到好靚食生日飯，李博士話︰當晚已早咗同囡囡玩完先出門口。」

頂級壽司店晚市最低消費每人近4000（不包酒水），包六款季節前菜及十件手握壽司。 李氏夫婦由第一道菜開始已讚不絕口，而李博士對入口鮮嫩，鮮味無比的海膽及大拖羅手卷最回味無窮，「真係好好食，個廚又好搞笑，成餐飯食得好開心。」對於老婆好心思，李博士再次多謝太太，「因為福島影響，生咗囡囡後無去過日本，之前去過壽司舖嘅東京本店食，一食難忘，太太知道香港有分店，就用盡方法去訂位，真係開心又感動。」

李博士生日周好忙，好多朋友排隊請佢食飯，包括老友Paco，「Paco係專業食家，佢介紹得一定好食，當日我哋食粵菜，魚雲羹同小龍蝦葱油伊麵非常好食。」