談善言表示整個拍攝過程絕對是賺晒！

談善言最近在ViuTV新劇《婚內情》，首度與鄧萃雯和陳錦鴻合作，與二人有超多對手戲，令她興奮的形容與兩位前輩合作，好似讀了個還有錢收的戲劇進修班一樣， 「Miss」以分享經驗為主，而「阿Sir」則重理論，整個拍攝過程絕對是賺晒。

阿談坦承對住兩位前輩做戲雖然壓力大，但反而成為自己演得更好的推動力。

阿談指最初得悉獲邀試鏡已好開心，「嘩！隨時有機會同鄧萃雯、陳錦鴻合作喎！雖然當時都會諗，會唔會係ViuTV嘅藝人優先，估唔到最終自己有機會拍，真係好開心，呢個真係好難得嘅機會嚟，仲要個角色算係佢哋之間嘅第四者。」

劇中阿談要算是陳錦鴻和鄧萃雯之間的「第四者」，只因仲有「第三者」廖碧兒。

劇中阿談演的插畫師「許或然」既神秘又大膽，周旋於陳錦鴻和鄧萃雯演的夫妻之間，拍攝時當然跟兩個前輩有不少對手戲，大讚兩人完全沒有架子，還不停過料教嘢，「未見佢哋之前會有小小緊張，但見面後佢哋好親切，雯女個人比較感性，多數係分享經驗，錦鴻就比較理性，會教我分析嘢，所以拍攝時真係好似上緊戲劇進修班一樣，有錢收仲不停有嘢學，真係賺晒㗎！」

劇中阿談演的插畫師「許或然」既神秘又大膽。

鄧萃雯演的「馬淑湘」最初欣賞「許或然」才華，估不到卻「引郎入室」。

「許或然」對陳錦鴻演的「孫逸」若即若離，更令男方起了色心。

講到演第四者，阿談坦言接受不到多個兩個人的愛情，莫講是「小四」，連當「小三」都不敢，但她笑言反而大家更好奇她的性取向，「好多人問過我鍾意男定女，可能我之前演過同性戀角色，平時啲打扮又比較中性，但我係鍾意男仔嘅。」

談善言

網上圖片