Oscar還向未來外父外母承諾一世都會對老婆、對他們好！

江若琳（Elanne）與未婚夫蕭潤邦（Oscar）即將於12月23日結婚，今日（29日）二人進行過大禮儀式，Elanne收到乳豬、金豬牌、嫁女餅等。她說：「今次過大禮我哋盡量都跟足傳統，結果攰爆Oscar，每日有好多濕濕碎碎嘢準備，有時我會突然彈起，問佢買咗呢樣、嗰樣未？佢話我終於有一個新娘嘅狀態。」

江若琳

江若琳

跟足過大禮的傳統，準新郎Oscar在過程中不能出現，他自言只係負責做「柴可夫」及買必備物品。問到禮金金額？Oscar表示心意最重要，今日是第二次畀禮金，希望未來外父外母感受到十足誠意，「之前求婚嘅時候，好驚世伯伯母唔嫁個女畀我，所以一求完婚即刻畀禮金，到準備過大禮先知，原來禮金係應該今日先畀，世伯伯母話畀咗唔洗再畀，但係我堅持，我希望畀佢哋見到我嘅誠意，相信我一世都會對老婆、對佢哋好。」

網上圖片

網上圖片

網上圖片

另一對新人歐陽巧瑩及林師傑於下月23日拉埋天窗，同樣揀選了今日過大禮，林師傑找來好友楊潮凱、周志康幫手做苦力。歐陽巧瑩在社交平台甫出好友拎過大禮物品的照片，留言：「天氣咁好，最啱過大禮，順便做吓運動，多謝兩位大隻佬」。

歐陽巧瑩與林師傑

林師傑與好友