兩位媽媽加油！

黎燕珊和趙頌茹（阿Yu）兩位單親媽咪，平日母兼父職，農曆新年自然特別忙，但又想煮好東西同家裡人一齊分享，珊姐即想到找「鮑魚公主」Lisa Lau幫手，教兩人簡單又快整到好味鮑魚餐。珊姐說新一年首要身體健康，仔女都大的她亦想工作有更多機會；至於阿Yu就想囡囡學習上軌，自己就做好KOL工作。

Lisa教路煲這個即食鮑魚雞湯，最緊要先加一碗水，以及加些新鮮菜作配料，就算煲完水份蒸發都唔會變鹹。

珊姐和阿Yu平日有下廚，但她們覺得煮鮑魚實在太難，幸好今次Lisa教了她們用即食鮑魚和湯，再加少少其他食材便可以。珊姐勁讚，「真係冇諗過用鮑魚煮餸會咁容易。」阿Yu仲自爆，「啲女好鍾意食花膠，個湯足料啱晒。」

Lisa話即食煲鮑魚唔使煮太耐，翻熱即可食。

訪問前數日，珊姐因在家中扭傷腳而改期，雖然情況已好轉，也希望新一年首先要身體健康，「傷咗腳連訪問都要改期，莫講話工作，好彩冇影響其他工作，新年會有幾日假放，阿仔冇假返唔到嚟，得阿女一齊過年。依家兩個仔女都大個，自己時間多咗，豬年當然想工作機會多啲，可以過得更加充實。」

珊姐在18年拍了4套劇勁充實，包括這部《十二傳說》。

珊姐的大女詠詩做空姐，細仔德權亦在英國讀大學，她可專心工作。

阿Yu坦承做了媽咪後，新年會特別忙碌，「小朋友放假，即係我冇假放！不過同佢哋玩吓食吓嘢拜吓年都幾開心嘅，佢哋之前考試都辛苦，畀佢哋輕鬆吓囉！」講到願望，阿Yu說細女剛升上小一還未適應，「希望佢好似家姐咁快啲適應到；自己舊年年尾簽咗公司主力做KOL工作，希望一切順利啦！」

阿Yu兩個囡囡信希和愛希，都已讀小學。

珊姐和阿Yu希望豬年照顧好仔女之餘，也想在工作方面有好成績。