要靚係要落足功夫嘅！

月前踏入53歲的黎芷珊，近年來努力經營其太陽眼鏡品牌生意，事業不錯，但感情卻交白卷，大呻無人追。

黎芷珊3月53歲生日，獲好友陳伶俐(前右)、向海嵐(最右)等為佢舉行「榴槤派對」。

芷珊姐姐早年被揭是賭王何鴻燊原配夫人黎婉華的親侄女，而另一樣令人津津樂道的，就是她被捧為「絕世好Ex」，事關她與每位舊愛分手後都可以做好朋友，例如初戀情人梁家輝、鄭伊健、陳小春、張達倫等，特別是拍拖八年的張達倫，二人於2012年分手，男方於2016年結婚，芷珊坦言同張達倫已由情人變為親人。

黎芷珊和家族中、賭王二房三女何超蕸最friend。

月前，舊愛伊健舉行演唱會，黎芷珊捧場後齊齊合照

早前，黎芷珊為自家太陽眼鏡品牌搞活動，前度張達倫到場支持。

黎芷珊相識滿天下，2月替好友楊千嬅慶生。

日前下午，戴黑超個樣勁cool的芷珊姐姐戴著自己品牌的墨鏡，獨自行中環ifc。雖然已年過半百，但她衣着入時，露臂top、黑色褲配鴛鴦款式高跟鞋（一隻豹紋、一隻黑色），行過都會望多兩眼。見她在護膚品店主攻揀精華素，維他命C抗氧精華、保濕導入精華、修復精華露等等，試合適就買，好有闊太作風。逗留約廿分鐘，買了至少4、5支精華，埋單約三千蚊，實行落重本keep美魔女靚樣！

着上鴛鴦款式高跟鞋嘅黎芷珊，主攻買精華素保凍齡。

零妝黎芷珊皮膚嫩滑，只係有少少頸紋。