26岁何雁诗同35岁郑俊弘(Fred)，两年前因拍〈真心真意〉MV秘密挞著，郑俊弘更瞒住拍拖三年并已同居的未婚妻Beers劈腿偷食，被女方好友睇唔过眼，爆seed向传媒爆料，事件爆煲后，何雁诗郑俊弘亦唔再隐瞒十指紧扣高调认爱，小三渣男事业急插水，Fred一度遭公司雪藏，而何雁诗则不堪被冠「小三」之名，令压力爆煲自残，二人虽然屡传「分」讯，但何雁诗多次作出否认！

不过近日又有人爆料指郑俊弘疑似背住女友何雁诗偷食，去年中在峇里激咀爆乳女模Bebi，对此，郑俊弘同何雁诗作出回应。

撰文：东方新地 │图片：新传媒图片、Instagram

延伸阅读：

C君向港台DJ女友求婚成功！想请XXX担任星级兄弟！

王祖蓝细说事业向上爬跌碰之路 「永远同自己讲唔好怕输！」

郑俊弘 峇里揽啜34D辣模？

近日有人向传媒爆料，声称Fred于去年8月尾去峇里参加完朋友婚礼后，到当地一间酒吧夜蒲，其间与一名叫BeBi的女子搭上，二人更在夜店激咀，还遭同行朋友放上Ig story。不过所谓嘅咀嘴相，男方都系得个背面。

郑俊弘

对此，何雁诗回应话早喺报道出街前，收到一个唔认识嘅人send相片畀佢，而佢同Fred沟通后选择相信男友，又话相中男子唔系Fred，叫大家唔使担心佢哋，睇嚟传闻无损二人感情！

懒理是非 不时放闪

虽然屡次被传分手，但何雁诗懒理传闻，不时在社交网放闪，近日她在Ig story上载同Fred合唱短片。

而Fred独唱时，何爸爸更像小fans般，为Fred亮起手机的灯打气，睇嚟关系好融洽㖞！

辣模BeBi的IG资料栏上她报称是时装模特儿，曾获「15 Top Miss Popular DJ Hunt 2017」，会为男性杂志拍摄性感内衣及泳衣照，所以她的IG上不乏性感相。

辣模BeBi劲晒34D火辣辣身材！

报道出街后，辣模Bebi在Ig story上载Fred的歌曲《投降吧》MV，但很快便删掉，随后以英文夹杂粗口澄清与她激咀的男子不是Fred：「我唔认识Fred，只系欣赏佢唱歌把声，睇佢嘅video……it’s not fxxking Fred(激咀男)，唔该唔好烦我。我只系佢嘅粉丝。」

买酒返香闺叹 何雁诗背郑俊弘连环挞仔

唔通真系偷偷摸摸先够刺激，恋爱大过天的何雁诗，两年前秘挞已有拍拖三年未婚妻的郑俊弘，懒理做小三成功将准人夫抢到手并火速同居，不过，激情过后，两人早已浓情转淡，对郑俊 弘再冇火花的何雁诗，对住男友经常面㶶㶶，在外却玩到癫连环 挞仔，早前以进修为由到美国，却被发现夜夜笙歌兼啜爆巴西型男，唔单止咁，近月还与一名有律师界「黄浩然」之称的靓仔律师Howie过从甚密，日前收工专登揸车去接Howie，然后一齐买红 酒返自己位于大埔的香闺慢慢叹，完全当男友冇到！上次背未婚妻偷食的郑俊弘，今次畀女友姣挞仔出卖，唔通真系现眼报！

26岁何雁诗同35岁郑俊弘，两年前因拍〈真心真意〉MV秘密挞著，郑俊弘更瞒住拍拖三年并已同居的未婚妻Beers劈腿偷食，被女方好友睇唔过眼，爆seed向传媒爆料，事件爆煲后，何雁诗郑俊弘亦 唔再隐瞒十指紧扣高调认爱，小三渣男事业急插水，以为爱得轰烈 会好珍惜，但原来抢到手已系另一回事！

密会断正 律师界黄浩然

半个月前的Boxing Day，何雁诗做完活动，衫都冇换，著住单薄紧身衫同热裤火辣辣去会Howie，两人结伴去买红酒，何雁诗还细心推住门等身后攞住箱红酒的Howie步出店舖。

谷胸开船P

曾经跟陈滢传出 绯闻的律师界黄浩然 Howie，透过陈滢认识何雁诗，一班年轻人经常会 约埋聚会，早前两人便一 齐出海开P，贴在Howie 身旁的何雁诗，仲谷胸 大骚火辣身材冧 仔。

陈滢做掩护

拍拖两年，两人早已浓情转淡，何雁诗更瞒住男友连环挞 仔，近日就趁郑俊弘开新剧《法证先锋4》睇唔实，与一名年约30多岁的靓仔律师「嫩 版 黄 浩 然」Howie过从甚密。 据知情者透露：「Stephanie（何雁诗）根本就好贪玩， Howie系陈滢啲friend，佢哋 成日会大班人约出嚟玩，大家识咗好耐，Howie之前畀人影到同陈滢行街传出绯闻，其实系因为罗天宇同Howie都好熟，总之关系七国咁乱，其实好早之前，Stephanie都试过带阿Fred（郑俊弘）出过嚟，所 以Howie都见过Fred，大家都识又点，Howie生得靓仔又叻 仔，Stephanie 对佢早就嗒糖，成日借啲意黐实对方，呢排佢哋玩得 好埋，就算大班人约会都已经唔会预Fred，不过咁，Stephanie玩得好 精嘅，佢会揾陈滢、刘佩玥做掩护，阿Fred问起都可以交代到，唔知系咪咁Stephanie觉得特别刺激，成日会主动约Howie！」

除咗大班人约会，两人仲会单独约会，俨如蜜运情侣。

对外扮恩爱

虽然早就浓情转淡，不过何雁诗郑俊弘对外就继续扮恩爱，刚过去的除夕夜，两人孖住做除夕倒数活动赚钱，何雁诗更嘟晒嘴同男友玩自拍，似足热恋！

战斗格会Howie

日前，何雁诗出席完公开活动，直接著住出活动时的紧身Tee同热裤，一副战斗格离开，并唔系约男友郑俊弘，反而一个人揸车去科学园接Howie ，然后直驶去大埔超级城，两人急步一齐行去拣红 酒，近期对住阿Fred总会黑晒面的何雁诗，望住靓仔Howie反应完全两样，明显嗒晒糖的她，拣红酒期间，不停甜笑问对方边只酒好饮，两人花了约15分钟，便扫了几支红酒，由男方付款后并肩行去 攞车，然后一齐返何雁诗位于大埔的香闺慢慢叹！

打扮惹火

同律师界黄浩然Howie一齐，何雁诗表现如沐春风，打扮更非常惹火，贴身Tee 将其丰满身材表露无遗。

连环𠝹巴西仔

除了姣挞Howie外，烂玩的何雁诗早前更藉去美国修读短期演艺课程，唔 收敛在当地狂𠝹仔，以为山高皇帝远就冇人知，同居于美国的两位巴西型男 Bruno及Maarkin夜夜笙歌，不过，却被男方拍片放上社交网，揭破她狂野挞仔 一面，片中在酒吧饮到烂醉的她，姣爆手舞足蹈又不停扭箩，同两个巴西型男 头贴头丧笑，期间更啜爆Maarkin，读书为名媾仔为实，似乎早已将男友郑俊 弘抛诸脑后！

含情脉脉

何雁诗对住靓仔Howie全程表现雀跃，两人落扶手电梯都倾唔停，何更含情脉脉望住对方。

两人急步行去攞车，何雁诗揸车载Howie返自己位于大埔的香闺，一齐叹红酒相当浪漫。

全程零交流

外出冧完仔，何雁诗继续返西贡爱巢做回郑俊弘女友，日前本刊便拍到两 人结伴到西贡超市上粮，一齐行却形同陌路，由落车一刻到入超市拣嘢都系零 交流，两人更各有各睇，分别拣自己心头爱放上手推车，最后买到成车嘢，继 续黑住面行去攞车，陪在男友身边的何雁诗，跟挞仔时冧到爆完全两个样！ 往取车途中，何雁诗突然自High扭身跳晒舞，身旁的Fred见状却完全冇反 应，只自顾自推住购物车向前行，似乎对女友情绪突高涨表现司空见惯，一于 阔佬懒理，就算返到西贡寓所，阿Fred拎住一袋嘢亦懒理身后的何雁诗，自己 一支箭行返入屋，明显已经甜蜜不再！

陈滢绯闻男友

律师界黄浩然靓仔又系专业人士，除咗何雁诗嗒糖，之前陈滢亦同Howie传过绯闻，两人经常孖住出席朋友活动，更试过被拍到私下约会。

唔衰得扮恩爱

同郑俊弘感情淡如水，但好胜何雁诗亦唔甘心畀人睇死，始终当年抢准人夫郑俊弘恋情受争议，现时感情再淡都唔衰得，同Fred继续人前扮恩爱。刚过 去的圣诞和除夕赚钱黄金档期，两人更情侣档孖住恩爱出埠登台及做除夕倒数 活动。据知情者透露：「Fred本身好大男人，同Stephanie 成日会因为啲琐碎事嗌 大交， Stephanie情绪好易波动，闹亲交就会大发脾气，仲有自残倾向㖭！最初阿 Fred都会让步，不过久而久之关系已经变得好僵，依家佢两个一齐根本冇乜嘢 讲，只系Stephanie硬颈唔衰得，先继续同Fred向外扮恩爱，加上依家形象啱啱 先好番啲，既然又有人揾佢哋一齐做嘢，佢哋咪出嚟扮恩爱赚钱啰！」

㶶面陪买𩠌

两年情一早淡如水，何雁诗即使陪郑俊弘到超市买𩠌，亦全程黑晒面，两人更毫无交流。

借女过桥

冰冻三尺，非一日之寒，何雁诗好胜贪玩，被封圈中贱男的郑俊弘更不是 省油灯，入行18年的他向来钟意借女过桥用完即弃，01年参加「全球华人新秀大 赛」入行，翌年加入艺训班演闲角，同秦沛女儿姜丽文发展地下情，女方借爸爸 人脉经常暗助他，不过Fred 13年凭「星梦传奇」一夜成名，随即狠撇为佢挨足六年的姜丽文，秘挞富家女Beers，拍拖一年已向女方求婚，不过最终又因劈腿媾 掂何雁诗，同Beers密冚三年订婚恋事先爆煲分手。

各有各睇

入到超市，两人分头各自拣嘢，如果唔系啲嘢放入同一架手推车，仲以为佢哋唔识㖭！

爱女心切的何爸爸，两年来一直反对女儿恋郑俊弘。据知情者透露：「边个 父母唔紧张个女吖！何况阿Fred个底咁花，之前收埋未婚妻单嘢搞到咁大，男 人咁多大话，何爸爸梗系担心个女会畀人呃，一路都唔钟意Stephanie同阿Fred 一齐，而且之前个女想做番运动员，又因为要帮阿Fred所以续约留无线，女儿 再次放弃自己梦想，何爸爸真系好激气，对阿Fred更加冇好感，但系个女硬颈 而且又有情绪病，佢哋都唔敢管得太严！个女钟意亦由佢哋自由发展！」 既然爱得咁辛苦，倒不如撇脱下决定，睇怕何雁诗甩郑俊弘，应该冇人会 替佢可惜，最开心嘅仲会系何爸爸！

飞钉益街坊

当日一身街坊装的何雁诗，更加飞钉益街坊，相当豪迈！

零交流

郑俊弘黑面推住购物车，同隔篱的何雁诗毫无交集，行行吓，何雁 诗忽然high爆起舞，不过身旁的Fred当睇唔到零反应。

返到西贡村屋寓所，都系冇两句各自攞嘢入屋。

近日两人经常各自揸车出动，两部座驾停 泊在西贡寓所外。

父母反对恋Fred

出道即被爆有家底的何雁诗，是父母掌上明珠，不过何父何母 一直反对女儿恋郑俊弘。

激咀巴西仔

上年底，何雁诗到美国修读演艺课程，就爆出在当地同两个巴西型男Bruno及Maarkin 夜夜笙歌玩到癫，在酒吧饮到high爆，同型男面贴面不停丧笑，还high爆激咀Maarkin，可惜被男方 拍片放上社交网，揭发她明目张胆瘟仔！

嘟晒嘴同Bruno头贴头丧玩！

啜爆

在酒吧同两位巴西型男饮到面都红埋的何雁 诗，突然啜爆Maarkin。

扭箩跳舞

High爆的她不停手舞足蹈丧笑，更加疯狂扭箩，充满挑逗！

High爆任摸

三人学外语时更有唔少身体接触， 何雁诗high爆丧笑，更任由两位巴 西男摸头发。

放相扮乖女

何雁诗在美国夜夜笙 歌，但在她个人IG Po 出的相片，就只 有跟女同学一起玩以 及简朴的旅行相，完全两回事！

独自落吧猎食

同郑俊弘激情不再，近期何雁 诗就经常一个人落酒吧消 遣，早前做完嘢，揸车送走助 手后未有即时返回同郑俊弘的 同居窦，反而落吧同酒吧一位 外籍侍应吹水hea时间。

劈腿公开恋情

17年4月爆出郑俊弘瞒住密冚三年的 同居未婚妻Beers，劈腿媾掂「巨声 帮」何雁诗，两人最初否认恋 情，只话系朋友关系，点知隔咗一 日，就十指紧扣公开认爱，郑俊弘 亦承认同未婚妻已分手，不过拍拖 无耐已屡传二人感情有变，又指何 雁诗不堪压力𠝹手及搬返大埔娘 家，恋情存暗涌。

两人拍真心真意MV戏假情真挞著，同郑俊弘结婚一幕，何雁诗表现极之冧！

同场加映：郑俊弘以前有个富贵未婚妻

郑俊弘同何雁诗之前算系上位中的大台艺人，形象健康，愈来愈多机会喺不同剧集亮相。不过2017年4月被大爆，其实阿Fred有个已经收埋三年的富贵女友，佢更在15年向女友求婚成功！女方一家无论生活定感情上都对阿Fred照顾周到，但男方就唔知足去偷食，搞到何雁诗做咗第三者！

深圳求婚成功

话说早于2014年7月一个船P上，郑俊弘认识由外国读完船回港的富家千金，Fred暱称对方为Beebs，据知两人好快就打得火热，去到见晒家长的地步。一年后的2015年7月31日，两人为庆祝拍拖一周年，包了七人车去到深圳瑞吉酒店，并book了一间两层复式房间，不过book房同埋单都系由女友负责。去到凌晨12点，Fred就突然换上礼服手执戒指求婚，Beebs亦当场答应！

旅行女家俾钱

既然阿Fred同Beebs都打算结婚，女方家人都当正佢系女婿一样，每次一齐家庭旅行唔系坐头等就系商务客位，就算系旅行使费，对方都唔会问阿Fred攞番；而近年没有工作的Beebs亦专心替未来老公打理家中大小事务，由饮食到爱犬都照顾得无微不至，似乎系个贤妻㖞！

Uber出事

不过，郑俊弘同何雁诗拍完〈真心真意〉MV后，突然对Beebs态度有变、忽冷忽热。一晚阿Fred相约未婚妻到自己愉景湾屋企玩煮饭仔，本来话自己会9点返到，点知最后话要开会搞到凌晨四点先到家，女友一早已经瞓咗。翌日Beebs如常替阿Fred处理单据时，发现对方开咗个新Uber户口，见到佢凌晨3点由大埔涤涛山去中环码头，付款人仲系一个「Stephanie Ho」开头的户口！

发火删除讯息

据知Beebs即时大兴问罪之师，不过阿Fred不断强调同何雁诗只系朋友，而Beebs亦一时心软原谅对方，之后更煲咗爱心汤去男友愉景湾寓所。点知Beebs当时就发现阿Fred冧滋滋咁同何雁诗讲电话，于是要求Check电话，阿Fred见事败就即时大发脾气话唔俾，仲delete晒自己同何雁诗的Whatsapp纪录，不过同何雁诗的大量通话纪录就仍然喺度。

依家阿Fred承认钟意何雁诗，而Beebs亦终于睇清未婚夫的真面目。

延伸阅读：

重温40年来11张红星经典贺年相 群星热闹贺新岁！