濕定乾？

舞台劇《今晚打老虎》於明年1月10日至19日於演藝學院演出10場，一眾演員錢嘉樂、袁偉豪、黃智雯及蝦頭（楊詩敏）等出席記者會。錢嘉樂表示演出舞台劇是蝦頭的強項，今次的場地又是她的地頭，由於自己是首次演出舞台劇，故要向對方交學費，他說：「佢願意收我願意畀。」

錢嘉樂表示演出舞台劇要請教蝦頭。

蝦頭得知錢嘉樂的熒幕初吻獻給黃智雯，所以要在舞台劇奪回他的舞台初吻，更笑言會封利是畀佢：「今次突破咗我要女扮男裝，先扮演袁偉豪嘅妹仔，因為咁婀娜多姿吸引到少爺，所以要紮胸，雖然紮咗胸，最後結局個胸可能會出番嚟。」

（左起）錢嘉樂、蝦頭、黃智雯和袁偉豪出席舞台劇記者會。

對於兩人演出時會否難以忍笑，蝦頭笑言自己任何時間都會忍笑，錢嘉樂則指該劇也是想帶歡樂給大家，只擔心導演潘嘉德跟不到他們的節奏。談到「獻初吻」有問準太太湯盈盈嗎？錢嘉樂說：「未加場喎！可能加場要錫十幾嘢，次次真咁，真係開心，咀完先過年。我同蝦頭成日見，但未真正合作過，今次踩佢場，佢要初吻就初吻，要脷疊脷就脷疊脷啦！」

黃智雯今次是首度演出舞台劇。

對於演出的大膽尺度，袁偉豪表示有幾多會盡量做，工作要專業，問到可接受露股？他說：「睇吓有冇需要，如果場戲合理，無乜所謂。」問到可擔心對住蝦頭和錢嘉樂演出時要忍笑，袁偉豪笑言：「好期待，已有心理準備要忍笑，到時睇大家施展渾身解數。」他又自認喜感不錯，也很喜歡演出喜劇。

蝦頭在劇中要女扮男裝兼紮胸。

在旁的黃智雯笑言最擔心錢嘉樂忘記台詞，但適逢錢嘉樂經過即謂：「要記台詞咩！」黃智雯隨即讚錢嘉樂最值錢是兜得返，自己也要跟對方學習。她續稱修讀演藝學院課程後，今次是第一次演出舞台劇。當導演潘嘉德通知有這個班底，又可以完成他的心願時，她就二話不說答應演出。

袁偉豪稱劇情有需要可作露股演出。

演員們齊祝酒望演出成功。