好襯！

「第32屆東京國際電影節」今天假東京六本木正式展開，而入圍今屆「亞洲未來」單元，由天下一電影製作有限公司及香港電影發展基金出品，天下一電影發行的《BABY復仇記》團隊亦走上紅地氈出席今天的電影節開幕儀式，團隊成員包括監製廖婉虹，導演陸以心，女主角陳靜（DaDa）及男主角朱鑑然（Kevin）等。

Kevin和DaDa與監製廖婉虹和導演陸以心齊齊現身紅地毯。

近日忙於內地拍攝的Kevin為了電影宣傳搏到盡，今早五時才由上海飛抵達東京的他精神奕奕，Kevin說：「其實唔算好攰，今朝都瞓得好，同埋好期待陣間紅地氈同大後日嘅世界首映禮。」在紅地氈上身穿整套筆挺西裝與穿上入膊晚裝裙及戴上價值近百萬首飾珠寶的DaDa可謂襯到絕，被不少外國媒體叫留步拍照，二人皆有不少日本的當地粉絲要搵簽名。DaDa大爆：「Kevin好多日本女粉絲搵佢影相！」DaDa坦言為了能以最佳狀態出席，近日亦故意吃得清淡，「走完條紅地氈，今晚就可以畀肚皮大解放！今朝著住條晚裝裙出門，有外國人仲以為我結婚！哈哈！」

Kevin和DaDa

雖然在戲中飾演夫婦的二人在紅地氈上襯到絕，但他們原來很久沒有見面，Kevin也笑言：「都成3個月冇見，一見面好似有啲生外！其實我早一排都嚟咗次日本，仲買咗手信俾DaDa，不過估唔到佢依家嚟咗日本我都未畀佢。」

DaDa大受日本粉絲歡迎。

Kevin幫日本影迷簽名。