Grace話等仔仔有個舒適的家。

上周六，林雅詩（Grace）在上水舉行BBQ生日派對，她表示好久沒搞生日會，男友馬天樂更即場燒乳豬給她做生日禮物，Grace笑言：「呢份禮物都斤量十足。」談到生日願望，她最想就是在港島區買樓，等兒子有個舒適的家，望今年可以成事。

林雅詩當晚也有試食參賽者的豬扒包。

當晚Grace和馬師傅約8時到場，壽星與好友及fans一邊聊天一邊開始BBQ，而馬天樂就埋位燒乳豬，Grace笑言：「呢份禮物都斤量十足。」問Grace鍾意這份禮物嗎？她續稱：「因為我唔食牛，多數食豬同雞，燒得好味都OK嘅，但其實燒嘢食我最鍾意燒麵包同棉花糖。」約10時「勁食豬扒包」比賽開始，參賽者要在10分鐘內食10個豬扒包，Grace也有幫手打氣。比賽結束後，大家便為Grace唱生日歌和切蛋糕慶祝。

林雅詩經常到上水時裝店看舖，她笑言力不到不為財。

減少登台陪家人

提到生日願望，Grace坦言：「最緊要身體健康，小朋友讀書開心，我又可以開心工作。」像去年一樣，她於農曆年間又要返內地登台，但不會做太多場，因她想多留時間陪家人，另外還要忙時裝店的生意，她表示：「其實O依家生意都ok，我除咗去上水巡舖，仲幫朋友睇埋筲箕灣同柴灣間舖，嚟緊我想幫手去入貨同設計一啲款式有型嘅衫，因為我都想做個有型嘅師奶，哈哈！」她希望工作長做長有搵多啲，因見樓價回落，她今年很想置業，「我都知好難，但會努力啲，（心水同預算係？）都係港島區一千萬以內嘅樓。」

馬天樂師傅為林雅詩燒乳豬做禮物。

比賽結束後，林雅詩送上新年豬公仔給參賽者。

去年林雅詩在農曆年間到內地多個地方做了40場賀年騷。

當晚接近12時，好友們為林雅詩唱生日歌。