黎明話仲想追多個！

現年52歲嘅黎明（Leon）去年4月榮升為爸爸，佢對女友Wing和愛女均寵愛有加，對女兒的保密功夫更做到足，因為咁耐以嚟，女兒的照片只公開過一次。唔經唔覺女兒已1歲半，有指她單眼皮、愈大愈似爸爸，成個餅印一樣。而阿Wing一直專注照顧女兒，還親自帶她上playgroup。

黎明女友阿Wing一直對女兒照顧有加。

黎明愛女愈大愈似爸爸，不怪得黎明錫到燶！

Leon早前帶Wing與女兒去馬爾代夫旅行，開心享受家庭樂，咁都仲未夠，最近有傳媒報道指，對女友同愛女錫到燶嘅Leon，早前大手筆購入價值2千萬港元嘅意大利豪華遊艇，帶女友和愛女出海玩，遊艇官網的相片可見，同款型號內更備有雙人大床。報道又指黎明仲想添丁，阿Wing當然樂意配合。如果成功生仔，不但可以湊成個「好」字，更一舉打破「四大天王」只能夠做「四大岳父」嘅「宿命」添呀！

黎明購入的豪華遊艇是國際知名意大利品牌。網上圖片

已為人父嘅郭天王郭富城早前揸辣跑去買尿片，一度成為城中佳話，而黎天王亦都有平凡慈父嘅一面，早前佢就微服出巡，唔係去搵阿May，而係去商場為愛女買奶粉同得意公仔，心情勁靚嘅Leon遇到Fans邀合照亦有求必應，非常Nice！

同款遊艇外形線條流暢，配套十分齊全。網上圖片

同型號遊艇內部，更設有雙人大床，甚寬闊舒適。網上圖片