購物是女人的天性！

狄波拉（拉姑）做了嫲嫲多年，今年終於榮升婆婆，36歲的女兒謝婷婷在美國秘密產女，有指女兒生父是溫哥華富商。拉姑表示已見過BB亦抱過，開心自讚自己和婷婷都靚，所以孫女都生得標緻。

謝霆鋒和謝婷婷先後誕下共兩子一女，讓父母謝賢和拉姑可以開心抱孫。

拉姑和前夫謝賢對女兒謝婷婷（中）榮升人母，大為驚喜。

雖然拉姑有兩個寶貝孫仔Lucas和Quintus，但他們一直跟母親張栢芝住，過時過節先見面，而孫女還小又不在港，所以拉姑得閒時，除了鍾意偕老公「鬍鬚Kong」江耀城去拍拖或約三五知己去high tea，最愛就是到名店shopping。

拉姑與丈夫鬍鬚Kong不時恩愛出席公開活動。

本月尾就68歲生日的拉姑，日前穿白衫白褲加花花長外套到金鐘太古廣場shopping，老公不在身邊只有工人姐姐陪住買都好有興致，行了一會兒已買到一袋二袋，最後入了Chanel專門店。靚嫲嫲對首飾好有興趣，她先選了幾對耳環試戴，試完又在舖內兜圈看，然後又看一看頸鏈，店員見貴客有興趣即逐一拿給她試。拉姑將頸鏈放上身，跟住話不太適合自己，有些合心意的就好仔細u地照鏡，再拿上手細望，試了半個鐘都未選好合心意的，之後拉姑發現記者，她先向記者友善地笑一笑，然後店員便安排她到VIP房繼續選。

拉姑將先前買的戰利品交給菲傭姐姐。

拉姑入到名店，即急不及待揀耳環嚟試。

拉姑對頸鏈好有興趣，拎上手係咁研究。

店員為拉姑戴上頸鏈，拉姑笑笑口幾滿意。