小鮮肉！

在處境劇《愛•回家之開心速遞》扮補習天王「佐治」的張明偉 (Aaryn)，因一頭凌亂頭髮，被指影射林作，而引起網上迴響。最近，佢再下一城，在劇集《好日子》入面演「少年張達倫」，因為一幕赤裸騷肌場口，令佢一副「爆肌」身材表露無遺。除咗吸引萬千師奶們嘅眼球之外，同時亦引起熱烈討論，網民仲大讚佢真係charming（有魅力）！

一直走鄰家男孩形象嘅張明偉，外表好似好潺弱，一剝衫，原來係大隻仔！東周圖片

為咗拍《好日子》，之前佢瘋狂操肌，呢幕騷肌場口，更令佢一脫成名。東周圖片

據《東周刊》報道，呢排身形已經由「肌佬」變番「瘦骨仙」，因為佢唔單止要繼續拍《愛•回家》之餘，原來他的樂隊Charming Way參加一個音樂活動，為演出時零瑕疵，幾乎每日都同三位隊友，廢寢忘餐咁練歌。

張明偉喺《愛•回家》演補習天王「佐治」，表現非常鬼馬；不過，佢私下好文靜，簡直判若兩人。東周圖片

其實，張明偉隊樂隊都幾勁，曾經贏過「香港青年樂隊大賽」的冠軍。不過，佢同幾位隊友都話夾band唔可以當飯食，因為唔係主流音樂在香港好難發展，所以大家各自有份正職搵食，每個月夾錢租band房。

張明偉自彈自唱之餘，仲會作曲同填詞，真係估佢唔到。東周圖片

而身為主音歌手的張明偉，最近仲作咗首歌叫〈Victoria〉，並計劃自資出實體唱片。佢仲同東姑表示，希望可以演員同歌手雙線發展。

幕前扮演補習天王，原來佢私下曾經有教人樂理。東周圖片

張明偉負責唱主音。東周圖片

更多娛樂消息，請看東周網：https://eastweek.my-magazine.me/main/entertainment