梨膏糖的製作：包括配料、熬糖、翻砂、澆糖、平糖、劃糖、劃邊、刷糖、翻糖、掰糖、包裝等多道工序。其中最有技術難度的是熬糖，這決定著梨膏糖的質量好壞。配好的藥粉與糖、水按一定比例混合，在紫銅鍋里熬煎時，溫度要保持在130℃到135℃之間。但糖加熱到120℃之後，開始變得極為「調皮」，溫度會直線上躥，稍不留意鍋底就糊了；倘若溫度超過了135℃，可以加水調節，但只能加一次水，否則一鍋梨膏糖就報廢了。

————其他相關———

與上海俗語「小棺材」的有趣關聯：在以說唱形式推銷梨膏糖時，邊上放一隻四腳架，架上置一隻小木箱，上放一專醒木，為吸引顧客，將小木箱稱為小棺材，時云：「如果吃了梨膏糖，毛病不見好，就將我裝進這個小棺材裡去。」

賣梨膏糖的小熱昏：

賣梨膏糖個「小熱昏」

看過滑稽戲《七十二家房客》個觀眾，對戲裡向賣梨膏糖個人物杜福林印象一定交關深。辣辣調查戶口一場戲當中，杜福林機智、幽默，交關發噱。葛末賣梨膏糖個「小熱昏」到底哪能說唱、賣糖，戲當中嘸沒表演出來，本人辣辣上世紀五十年代就曾經看到過伊拉個說唱表演。我小辰光住個是老式弄堂房子，每日夜裡向，辣辣弄堂口路邊浪向，就有一個四五十歲樣子個男人擺起了賣梨膏糖個攤頭。其實，與其講是擺攤頭，還勿如講是擺一隻箱子。箱子里放個是梨膏糖，擱辣叉開個木架子浪向，伊就立辣凳子浪。木架子浪扎一根竹竿，掛一盞汽油燈，白顏色個網狀燈芯發出比日光燈還要亮個光線，老遠就可以看見。觀眾就層層圍牢伊，立辣海聽伊說書講故事，少個辰光有得四五十人，多個要百把人。為啥拿馬路邊浪賣梨膏糖說書個叫做「小熱昏」？我自家理解為，迭個講笑話、說書個人一般儕是即興發揮多，講到啥地方算啥地方，有辰光也會得亂話三千，所以有眼頭腦「熱昏」，也因為辣馬路邊浪表演，充其量就是個小角色，所以就撥拉人家叫做「小熱昏」。「小熱昏」開場個辰光先唱一段「金鈴塔」或者是楊柳青調，手裡敲紅木板，就像黃永生表演上海說唱敲個紅木板，說書辰光也用來做醒木，再拿把摺扇。內容是編一眼社會新聞，再講點笑話，有眼像現在個「海派清口」。接下來就開始講正書，我記得印象頂深個是說《濟公》，故事撥伊講得活靈活現，情節引人入勝。聽到要緊關頭，伊突然剎車，開始賣梨膏糖了。伊賣個梨膏糖有兩種，一種是一塊塊方方個糖塊，里向夾有一眼眼瓜子、蒲桃肉，比糖果廠做個水果糖還要好吃。還有一種就是梨膏糖了，塊頭比前一種稍微大一眼，黑顏色個，含有止咳化痰作用。頂噱個是，伊賣脫一部分後，就講還挺剩幾塊，賣光故事馬上講下去，大家急辣海要聽伊講下去，有人就買了，接下來，伊又講搿搭還有兩塊，剛剛我嘸沒看見，一塌刮子就兩塊了，賣脫以後肯定講下去，大家儕曉得伊辣辣擺噱頭，但撥伊講個故事吊牢胃口，還是有人買了。一般伊辣辣講到要緊關頭剎兩趟車，賣兩趟，一場下來總有一個半鐘頭到兩個鐘頭，「小熱昏」確實蠻會做生意！

文章材料參考自《文匯報》《新民晚報》《上海老城隍廟梨膏糖的故事》

主要有純梨膏糖和什錦梨膏糖兩種。純梨膏糖由生梨，中藥和糖熬制結成糖。什錦的則在純梨膏糖的基礎上加各類佐料。吃起來就像吃梨，有顆粒感，有止咳化痰的作用（未經考證）。現在賣的地方不多，去城隍廟的話，還能見到。